Tərkibi:
Toyuq əti - 1,8 kq
Marinad:
su - 500 ml
şəkər - 1 x.q.
duz 3 x.q.
Ağ balzamlı üzüm sirkəsi (5% li alma sirkəsi də olar) - 50 ml
Dəfnə yarpağı 4-5 ədəd
Qara toxum istiot - 10 ədəd
Mineral qazlı su - 500 ml
Bitki yağı 2 x.q.
Sarımsaqlı sous:
Sarımsaq - 1 diş
"Zeytun bağları" zeytun yağı - 50 ml
1 limon suyu
Qaynadılmış soyudulmuş su - 50 ml
Cəfəri - 1 dəstə
Duz, istiot
Souslu makaron üçün:
Makaron - 300 qr
Süd - 480 ml
Un - 4 x.q.
"Best Cow" kərə yağı- 60 qr
Qaymaq 10%li- 200 ml
Xardal unu - 1 ç. q.
Duz - 1 ç.q.
İstiot - 1 ç.q.
Sərt pendir - 250 qr.
Hazırlanması:
Qazana su tökülür, duz, şəkər sirkə, istiot, dəfnə yarpağı əlavə olunur. Qaynadılır, ocaqdan alınıb təmamən soyudulur. Qazlı su qatılaraq qarışdırılır. Beləliklə marinad hazır olur.
Ardınca toyuq yuyulur, ikiyə bölünür və marinadın içərisinə elə yerləşdirilir ki, bütün hissələr marinadım içərisində qalmış olsun.
Marinadlı, toyuqlu qazan gecədən soyuducuya qaldırılır və 10-12 saat soyuducuda saxlanılır.
Səhəri gün soyuducudan çıxarılan marinadlı toyuq soba listinə yerləşdirilir, üzərinə 2-3 x.q. marinad suyu və 2-3 x.q. bitki yağı gəzdirilir. Üstü qapaqla, yaxud folqa kağızı ilə örtülərək 200 dərəcədə 20 dəqiqə bişirilir.
Sonra qapaq götürülür və daha 20-25 dəqiqə bişirilir.
Bu müddət ərzində sarımsaqlı sous hazırlanır. Sarımsaq əzilir, ona yağ, limon suyu, duz, istiot, cəfəri əlavə edilir, qarışdırılır.
Bişmiş toyuq sobadan çıxarılır və sarımsaq sousu fırça köməyi ilə toyuğun üzərinə çəkilir.
Sonra keçilir makaron hazırlanmasına.
Makaron üzərində yazıldığı qaydada qaynadılır və kənara qoyulur.
Böyük bir qabda süd, un və kərə yağı qarışdırılır. Zəif od üzərində kərə yağı əriyənə qədər qarışdırılmağa davam edilir.
Sousa qaymaq, xardal, duz, istiot və sürtgəcin iri gözündən keçirilmiş pendir əlavə edilir.
Hamısı qarışdıralaraq tədricən qaynama anına qədər ocaqda tutulmağa davam edilir. Təxmini 5 dəqiqə sous qatılaşana qədər vam od üzərində saxlanılır. Sous hazır olduqdan sonra makaronla qarşıdırılır.
Ən sonda sarımsaq souslu toyuqla birlikdə pendir souslu makaron süfrəyə servis edilir.
Nuş olsun!
XƏBƏR LENTİ
- ŞƏRHLƏR