Məktəblərin bağlanmasıyla birlikdə bir çox evdə "Hansı idman hansı yaşa uyğundur" sualı da gündəmə gəlir.
İdman həkimi Tamer Çavuş uşaqların yaşına uyğun idman seçilməsi mövzusunda valideynləri xəbərdar edərək, "İdmana başlamada ideal yaşlar gimnastika, üzgüçülük və stolüstü tennis üçün 5-8, futbol və tennis üçün 10, voleybol, atletika və həndbol üçün 11, güləş üçün 12, basketbol üçün 13, boks və velosiped üçün 14-15 qəbul edilir" - dedi. O, idmanın böyümə çağında olan uşaqlar üçün həm fiziki, həm də ruhi inkişaf baxımından əhəmiyyətli bir rol oynadığına diqqəti çəkdi.
Uşaqların fiziki baxımdan daha erkən yetişdiklərini ifadə edən Çavuş yetkinlik çağının da əvvəlki illərə nisbətən tez başladığını ifadə etdi. Bu səbəblə ruhi inkişafla fiziki inkişafın paralel getmədiyini, bunun da bəzi problemlərə səbəb olduğunu dilə gətirən Tamer Çavuş "Ruhi inkişafın sürətlənməsi və güclənməsi üçün bəzi xəbərdarlıqlara ehtiyac vardır və bu xəbərdarlıqların ən ümdəsi nizamlı idman fəaliyyətidir" deyə qeyd edib. O, uşaqlarda yaş irəlilədikcə əzələ qüvvəsinin artdığını, yetkinlik çağında da əzələ gücündə diqqətəçarpan bir artım olduğunu vurğulayaraq, "Əzələ qüvvəsi və sürətə söykənən idmanlarda inkişaf yaş irəlilədikcə yavaş-yavaş ortaya çıxır. Bu səbəblə çox kiçik yaşlarda uşaqları lazım olandan çox məcbur edərək idman etdirilməsi səyləri uşağın bədəninin inkişafına mənfi təsir göstərə bilər" deyib.
İdeal yaşa, istiyə, xroniki xəstəliklərə diqqət!
Tamer Çavuş idmana başlama yaşı ilə yanaşı, uşaqlar üçün başqa bir əhəmiyyətli mövzunun isti havalar olduğuna diqqət çəkdi. Uşaqlarda istilik tənzimləmə mərkəzinin tam inkişaf etmədiyini, yay aylarında isti mövzusuna əhəmiyyət vermək lazım olduğunu ifadə edən Çavuş, "Uşaqlar, isti havalarda yetkinlərə nisbətən daha az tərlədikləri üçün istidən daha tez təsirlənirlər. Bədən ağırlıqlarından kiloqram başına çıxardıqları istilik miqdarı da yetkin insandan daha çoxdur. Uşaqların isti mühitə uyğunlaşması yetkinlərə görə daha yavaşdır" dedi.
Valideynlərdən xroniki xəstəliyi olan uşaqları mövzusunda da düşüncəli davranmasını istəyən Dr. Çavuş bildirib: "Məsələn, epilepsiya xəstəsi olan uşaqların boks, taekvando kimi təmas idmanları və üzgüçülüklə məşğul olmamaları, astması olanların seçdikləri idman növünə diqqət etmələri, şəkər xəstəsi olan uşaqların da həkim nəzarətində idmanla məşğul olmaları daha uyğundur".
Tamer Çavuş vurğrlayıb: "Uşaqları idmana istiqamətləndirərkən, valideynlər öz istədikləri deyil, uşağın maraq duyduğu və istəkli olduğu idman sahəsinə göndərmələrinin daha insani və uşaq haqlarına uyğun olacağını unutmayın".
XƏBƏR LENTİ
- ŞƏRHLƏR