İndi saçağarmaya yaş qoymaq mümkün deyil.Çünki 15 yaşından oğlan və qızların saçlarında ağarma başlayıb.Hətta aktrisa Beren Saatın 28 yaşı olmasına baxmayaraq, saçlarında çoxlu ağlar var.Aktrisa ağ saçlarını sevir,onlara toxunmur,rəngləmir,görünməsindən də utanmır.Bəlkə biz də onun kimi davranaq? Ağ saçlarımızı qəbul edək, onlardan utanmayaq..Biz onları gizlətdikcə, onlardan qaçdıqca daha da çoxalır.
Saç necə ağarır?
Saçın kökündə olan rəng hüceyrələri - melaninin istehsalı hansısa səbəbdən dayanır. Melanin olmadıqda tük gümüşü çalar alır.Əgər ağ tükə mikroskop altında baxsaq, şəffaf boruya bənzər bir şey görərik.Deməli,melaninin əmələ gəlməsini normallaşdıran və artıran üsullar tapılmalıdır.
Güclü stres və yorğunluq orqanizmin ümumi işinə mənfi təsir etdiyi üçün arada fasilə vermək,tam rahatlanmaq,meditasiya etmək lazımdır.Bunun üçün evdən harasa getməyə ehtiyac yoxdur.Relaks pulsuz həzzlər siyahısındadır. Uzanın,bütün əzələlərinizi boşaldın, telefonda və ya diskdə relaks musiqi - rahatlandırıcı melodiya,meşə,dəniz,təbiət səslərini dinləyin.
Səbəb axtarmayaq. Hansından deyək?
*Genetik səbəblər-nəsildən gələn
*Stres,əsəb,fikir
*Qorxu,həyəcan,uğursuzluq
*Qeyri-normal qidalanma
*Düzgün olmayan cinsi həyat
*Alkoqol,siqaret
*Yuxunun pozulması
*Qalxanabənzər vəzi və mədə-bağırsaq sisteminin pozulması
*Günəşin altında çox qalmaq
Ağ saçları qopardımmı?
Əsla. El arasında deyirlər ki,ağ tükü qopartmaq onun daha da yayılmasına səbəb olur.Bu həqiqətən də belədir.Hələ ki, bunun elmi səbəbini araşdırmayıblar,amma gerçəkdən ağ tükləri qopartdığınız yerdən yenə də ağ tük çıxacaq.
Sarmısaqlı maska
2 diş sarmısağı əzin, kütləni saçın yalnız diblərinə sürtün.Əgər saçınız qurudursa, bu kütləyə bir az ayıpəncəsi yağı damızdırın.Başınızı dəsmalla sarıyın,2 saat sonra yuyun.Ancaq isti su ilə yuyub,axırda alma sirkəsi qatılmış su ilə yaxalayın ki,kəskin qoxu hiss olunmasın.
Kök və limon maskası
Bir xörək qaşığı kök şirəsinə eyni miqdarda limon suyu qatın.Kütləni saçın diblərinə çəkin.40 dəqiqə sonra ilıq su ilə yuyun.
İtburnu losyonu
İtburnunu termosda 12 saat dəmləyin.Sonra şüşə qaba süzün.Bu losyonla baş dərisini həftədə 2-3 dəfə silin.Yumağa ehtiyac yoxdur.Losyon saçların sürətlə ağarmasının, dibdən ağ saçların çıxmasının qarşısını alır.Əslində bu losyon, yağ və maskalara gənc yaşlardan başlamaq lazımdır ki,saçlar qidalansın,qüvvətlənsin.
Diqqət
Əgər saçlarınızda 4-5 dənə ağ tük varsa,onlara görə tez-tez boyamayın. Boyanı saçlar 30% ağaranda qoyun.Əgər başda 25 yaşında artıq 3-4 ağ tük varsa,deməli,gələn il onların sayı 6-7 olacaq.Çünki ağ saçlar ilbəil iki dəfə artır.
Saçlar vaxtından əvvəl qocalırmı?
Qadınlar hesab edir ki,kişilərdə ağ saçlar onu yaraşıqlı və seksual göstərir.Kişilər isə əksinə,qadının saçında ağ tükləri görən kimi "Yəqin yaşlanır" deyə düşünür.Əlbəttə ki,onlar səhv düşünür.Saçların ağarması dünyanın sonu deyil.O,sizin səhhətiniz üçün də problem deyil. Ən pisi saçların tökülməsi və keçəlləşmədir.Ağarmış saç elə saçdır, sadəcə rəngi yoxdur.
Əziz Qadın.Netlilər, hamınıza gözəl və baxımlı olmağı arzu edirəm...
XƏBƏR LENTİ
- ŞƏRHLƏR