Saçların tez bir zamanda canlanması üçün:

Tərkibi:

2 yumurta

1 x.q zeytun yağı

1 x.q qliserin

1 x.q sirkə(mümkünsə alma sirkəsi) 

İstifadə qaydası:Yumurta ilə ediləcək zülal maskası hər növ saça uyğundur.Yumurtanı çırpın və içinə yavaş-yavaş zeytun yağı,qliserin və sirkə (mümkünsə alma sirkəsi) əlavə edin.Saçınızı bir dəfə şampunladıqdan sonra bu qarışığı sürtüb 15-20 dəqiqə gözləyin.Qısa müddətdə saçlarınızın canlandığını görəcəksiniz.

Qidalandırıcı maska

1 yumurta sarısı,1/3 stəkan dəmlənmiş çay,1 x.q. badam yağı  və damla limon suyunu bir qabda qarışdırın.Saç dərisinə sürtüb masaj edərək dibinə yeridin.10-15 dəqiqə saxlayıb yuyun.

Kefir maskası

Kefir və qatıq maskaları çox faydalıdır.Bu cür maskalar kəpəyi yox edər,saçları gücləndirər,saç tökülməsinin qarşısını alar,saçlara parlaq görünüş verər.Saçlarınıza kefiri və ya qatığı sürtün,saç diblərinə yaxşı-yaxşı masaj edərək yeridin.Əvvəl salafanla başınızı bağlayın,üzərindən də yaylıq örtün.15-20 dəqiqə gözlədikdən sonra ilıq su və şampunla yuyun.

Yumurta və soğan maskası

Tərkibi: 1 ədəd quru soğan

1 yumurta sarısı

Soğanı incə rəndələyin,yumurta sarısı ilə qarışdırın.Hazırladığınızı saç diblərinə sürtün.Sonra başınızı əvvəl salafan,üstündən də yaylıqla bağlayın.Maskanı saçınızda 1-2 saat saxlayın.Sonra saçları ilıq su və şampunla yuyun.

Kakao yağı maskası

Tərkibi:0,5 stəkan günəbaxan yağı

1 x.q. kakao yağı

1 x.q. susuz lanolin

Qumral və tünd rəngli saçları olanların edə biləcəyi başqa bir müalicə üsulu da budur.İçində qaynar su qaynayan geniş bir qazanın içinə ondan daha kiçik ölçülü bir qab yerləşdirin.Bunu elə edin ki,bu altdakı böyük qazanın dibinə toxunmasın.Günəbaxan yağını,kakao yağını,susuz lanolini kiçik qabın içinə əlavə edin.Bütün bu yağlar əriyəndən sonra qazanın üstündən götürüb yaxşı qarışdırın.Bu qarışıqdan 1 x.q. alıb ona 1.x.q su qatın.Daha sonra bunu başınıza masaj edərək sürtün və 15 dəqiqə ilə 30 dəqiqə arası gözləyin.Sonra saçınızı yaxşı-yaxşı yuyun.Nəticədə saçınız daha da canlı olacaq və parıldayacaq.

Çörək maskası:

Tərkibi: 2 x.q. incə doğranmış təzə soğan

100 qr. qara çörək

0,5 stəkan su

Çörəyin üzərinə suyu töküb üstünü bağlayın.Bir qədər gözləyib çörəyi qarışdırın,təzə soğanı içərisinə töküb təkrar qarışdırın.Maskanı saçınıza vurub salafan və yaylıqla bağlayın.1 saat saxlayıb yuyun.

Sarımsaq maskası

Tərkibi: 1 x.q. bal

1 ç.q. aloe suyu

1 yumurta sarısı

1 baş sarmısaq 

Sarmısağı sürtkəcdən keçirib suyunu çıxarın,balı əlavə edib qarışdırın,digərlərini də töküb yaxşı-yaxşı çalın.Əgər həmin dəqiqə istifadə etməyəcəksinizsə yumurta sarısını tökməmək şərtilə qarışığı uzun müddət soyuducuda saxlaya bilərsiniz.Əvvəlcə maskanı saçınıza sürtün,salafan və yaylıqla bağlayın.30 dəqiqədən sonra yuyun.

Saçların tez uzanması üçün

Hər gün təzə ispanaq və təzə keşnişin suyunu qarışdırıb için.Saçlarınız daha tez uzanacaq.

Maska kimi isə gündə 2-3 dəfə saç dərisinə badam yağı sürtün.Bu həm saç uzanması üçün xeyirlidir,həm də çox onun tökülməsinin qarşısını alır.

Qeyd:Saçlara bir dəfə qulluq etməklə saçlar istədiyiniz vəziyyətə gələ bilməz.Ən azı 2 ay məsləhətli maskalardan istifadə etməlisiniz.

Gələn mövzu inşallah “saç tökülməsinə qarşı güclü formul” olacaq.