Qadınların çoxu dolğun, cəlbedici və mükəmməl dodaqlara sahib olmaq istər. Dodaqlarınızın cəlbedici görünməsini istəyirsinizsə, aşağıdakı məsləhətlərə diqqət yetirin.
Qadınların ən çox istifadə etdiyi makiyaj vəsaiti əlbəttə ki, pomadadır. Pomadanın yaratdığı təsir inanılmazdır!
Amma onu doğru çəkmək lazımdır. Səhv çəkilmiş pomadanın buraxdığı təəssürat xoş olmaya bilər.
Cəlbedici dodaqlara qovuşmağın yolları
Dodaq qələmi
Dodaq qələmi artıq dəbdən düşmüş sayılsa da, əgər dodaqlarınızın ona ehtiyacı olduğunu düşünürsünüzsə istifadə edə bilərsiniz. Ancaq dodaq şəklini qələmlə çox rəngləmək xoş görünməz. Kiçik düzəltmələr yetərli olacaq. Dodaq qələmi dodaqları diqqətəçarpan edir və dodaq ətrafı dəqiq olaraq ortaya çıxır. Çox incə bir ucla dodaqlarınızı haşiyələməyə çalışın. Bunu bir az dodaq xəttinizdən xaricdə etsəniz, dodaqlarınız daha qalın görünər. Dodaq qələminin rəngi pomadanızla eyni tonda olmalıdır.
Parlaq rənglər seçin
Pomada seçərkən parlaq rəngli olmasına diqqət yetirsəniz, həm istədiyiniz görünüşü əldə edər, həm də dodaqlarınızı olduğundan daha dolğun göstərmiş olarsınız.
Qalın dodaqları şişirtməyin
Əgər dodaqlarınız qalındırsa, dodaq qələmini dodaq xəttinizin bir az içinə doğru çəkin. Beləcə, dodaqlarınız daralar. Pomadanızı parlaq olmayan tünd rənglərdən seçməyiniz də əhəmiyyətlidir.
Dodaqlarınız qalın olduğundan onları daha da çox vurğulamağınıza ehtiyac yoxdur.
Pomadanın üstündən parladıcı
Şəffaf və ya yüngül rəng olan parladıcıların bəzi növləri pomadanın üstündən çəkildiyi zaman pomadanın rəngini uzun müddət qoruyur.
Simmetrik olmayan dodaqlar üçün
Simmetrik olmayan dodaqlar üçün edilməsi lazım olan ən doğru şey istədiyiniz formanı dodaq qələm ilə verməkdir. Tətbiq etdiyiniz qələmin rənginin görünməməsi üçün də makiyaj ilə eyni rəngli qələmdən istifadə edin.
Fırça bərabər paylayar
Pomadanızı fırçayla çəksəniz, dodağın hər tərəfinin bərabər şəkildə rəngləndiyindən əmin ola bilərsiniz. Artığını kağız salfetlə alın, bu tətbiqlə pomadanız dodağınızda uzun müddət qalacaq.
Gündüz pomadası
Gündüz makiyajınız zərif və sadə olmalıdır. Dodaqlarınıza parladıcı, ya da açıq rəngdə bir pomada çəkin. Şaftalı və bənövşəyi tonlarındakı pomadalar idealdır.
Ofis rəngləri
İş yerində gün boyunca baxımlı görünməyinizi təmin edəcək bir makiyaj seçin. Amma pomadanızın çox parlaq və yaş görünməməsinə diqqət yetirin. Ümumiyyətlə, işləyən xanımlar üçün mat rəngli pomadalar doğru seçimdir.
Gecə makiyajı
Gecə makiyajında qüvvətli tonlar və parlaq rənglərdən istifadə edə bilərsiniz. Hətta qırmızı pomadanızı yalnız aksesuarlarınızla uyğunlaşdıra bilərsiniz.
XƏBƏR LENTİ
- ŞƏRHLƏR