![[lang=az]ÇAP et[/lang] [lang=en]PRINT[/lang] [lang=ru]РАСПЕЧАТАТЬ[/lang] [lang=tr]YAZDIR[/lang]](/sfiles/img/icons/print-icon.png "[lang=az]ÇAP et[/lang] [lang=en]PRINT[/lang] [lang=ru]РАСПЕЧАТАТЬ[/lang] [lang=tr]YAZDIR[/lang]"){kind=icon}
Qadınların seçimi çox vaxt həm ruh, həm də bədən müvazinəti üçün əvəzsiz olan yoqa üzərindən olur. O, vücudun daha sıx və dik durmasını təşkil edir. Yay mövsümünün qapıda olduğu bu günlərdə yoqa hərəkətləri ilə düz və sıx bir qarına sahib ola bilərsiniz.
Bir çox idman hərəkətlərini sınaqdan çıxarıb hələ də istədiyiniz nəticəni əldə edə bilməmisinizsə, bu dəfə yoqanı yoxlayın. Yoqa qarın əzələlərini işlədərək eyni zamanda duruşunuzu düzəldir və vücudunuza elastiklik qazandırır. Həm fiziki, həm də mənəvi olaraq yoqa ilə rahatlaya bilərsiniz. Məsləhət gördüyümüz bu 6 yoqa hərəkəti ilə yaya daha sıx və düz qarınla girə bilərsiniz.
Qayıq duruşu
Bu yoqa hərəkəti qarın əzələlərini, bel və omba əzələlərini gücləndirir. Bu məşqi istədiyiniz kimi dəyişdirə bilərsiniz. Ayaqlarınızı yerə paralel, yerdən bir az yüksək, ya da yuxarı doğru tutub qala bilərsiniz.
Necə edilir?
a) İlk olaraq döşəmənin üstündə dizlərinizi qıraraq, ayaqlarınız yerdə düz olaraq oturun. Ayaqlarınız yerdən qalxacaq şəkildə xəfif-xəfif arxaya söykənməyə çalışın.
b) Yavaşca ayaqlarınızı uzadaraq onları gərməyə başlayın. Vücudunuz “V” şəklini alsın, qollarınızı yerə paralel, düz şəkildə olmalıdır. Kürəyinizlə müvazinətinizi saxlayaraq, çənəniz dik, üzünüz qabağa doğru 5-10 dəfə nəfəs alıb –verin. Sonra başlanğıc vəziyyətə qayıdıb hərəkəti təkrarlayın.
Yarım qayıq duruşu
Bütün vücudunuza müqavimət qazandıracaq bu hərəkət alt qarın əzələləri üçün çox yaxşıdır.
Necə edilir?
a) Qayıq vəziyyəti ilə başlayın.
b)Ayaqlarınızı yavaş-yavaş endirin. Qollarınız, ayaqlarınız və çənəniz yerə paralel və düz şəkildə olmalıdır. Çiyinlərinizin yerə dəyməməsinə diqqət edin.
c)Qollarınızı dümdüz uzadın.
Pres duruşu
Pres duruşu vücudunuzu düzgün şəkildə istifadə etməyinizi öyrədir. Ön və yan qarın əzələlərini işlədir.
Necə edilir?
a)Bu hərəkətə dizlərinizin və qollarınızın üzərində dayanaraq başlayın. Ovuc içləriniz yerə dəyəcək şəkildə qollarınızı çiyin genişliyində açaraq tutun. Ayaqlarınızı tək-tək, yavaş-yavaş arxaya doğru uzadın. Ayaqlarınız çiyin bərabərində dümdüz olmalıdır. Barmaq uclarında dayanın.
b) Ağırlığınızı qollarınıza verin. 5-10 dəfə nəfəs alın, tutun, buraxın. Hərəkəti 10 dəfə təkrarlayın.
Dirsək pres duruşu
Bundan qabaqkı pres duruşu kimidir. Bu hərəkət də ön və yan qarın əzələləri üçündür. Fərqi sadəcə bundadır ki, ayaqlarınızı daha da işlədərək əzələlərini möhkəmləndirir.
Necə edilir?
a)Yenə dizlər və qollar üzərində duraraq başlayın. Dirsəklərinizin üzərində durun. Qollarınız çiyin bərabərində açın. Ayaqlarınızı yavaş-yavaş arxaya verin. Ayaqlarınız gərgin olsun.
b)Çiyinlərinizi yavaş-yavaş dirsəklərinizə doğru endirin. Çiyinləriniz, ayaqlarınız və topuqlarınız düz və eyni bərabərlikdə olmalıdır. Barmaq uclarında durun.
Maşın silmək duruşu.
Alt qarın və yan vücud əzələləri üçün nəzərdə tutulan bu hərəkət kürək əzələlərinizə də yaxşı təsir edir.
Necə edilir?
a)Ayaqlarınızı yan-yana, düz və yuxarıda olacaq şəkildə, kürəyi üstə yerə uzanın. Qollarınızı ovuclarınız yerə dəyəcək şəkildə iki yana açın və hərəkəti etdiyiniz vaxt qollarınızdan güc alın. Nəfəs alıb-verərkən ayaqlarınızı dizlərinizdən qıraraq sağa-sola fırladın.
b)Başlanğıc vəziyyətə qayıdıb hərəkəti təkrar edin.
![[lang=az]Bəyəndim[/lang] [lang=en]LIKE[/lang] [lang=ru]Нравится[/lang] [lang=tr]Beğendim[/lang]](/sfiles/img/icons/like.png "[lang=az]Bəyəndim[/lang] [lang=en]LIKE[/lang] [lang=ru]Нравится[/lang] [lang=tr]Beğendim[/lang]"){kind=icon}
![[lang=az]Bəyənmədim[/lang] [lang=en]Dislike[/lang] [lang=ru]Не нравится[/lang] [lang=tr]Beğenmedim[/lang]](/sfiles/img/icons/dis.png "[lang=az]Bəyənmədim[/lang] [lang=en]Dislike[/lang] [lang=ru]Не нравится[/lang] [lang=tr]Beğenmedim[/lang]"){kind=icon}
![[lang=az]Facebook-da paylaş[/lang] [lang=en]Share on Facebook[/lang] [lang=ru]Поделиться через Facebook[/lang] [lang=tr]Facebook'ta paylaş[/lang]](/sfiles/img/icons/soc1.png "[lang=az]Facebook-da paylaş[/lang] [lang=en]Share on Facebook[/lang] [lang=ru]Поделиться через Facebook[/lang] [lang=tr]Facebook'ta paylaş[/lang]"){kind=icon}
![[lang=az]Instagram-da paylaş[/lang] [lang=en]Share on Instagram[/lang] [lang=ru]Поделиться в Instagram[/lang] [lang=tr]Instagram'da paylaş[/lang]](/sfiles/img/icons/soc2.png "[lang=az]Instagram-da paylaş[/lang] [lang=en]Share on Instagram[/lang] [lang=ru]Поделиться в Instagram[/lang] [lang=tr]Instagram'da paylaş[/lang]"){kind=icon}
![[lang=az]Twitter-də paylaş[/lang] [lang=en]Share on Twitter[/lang] [lang=ru]Поделиться в Twitter/lang] [lang=tr]Twitter'da paylaş[/lang]](/sfiles/img/icons/soc3.png "[lang=az]Twitter-də paylaş[/lang] [lang=en]Share on Twitter[/lang] [lang=ru]Поделиться в Twitter[/lang] [lang=tr]Twitter'da paylaş[/lang]"){kind=icon}
![[lang=az]Whatsapp-a göndər[/lang] [lang=en]Send to Whatsapp[/lang] [lang=ru]Отправить в WhatsApp[/lang] [lang=tr]Whatsapp'a gönder[/lang]](/sfiles/img/icons/soc5.png "[lang=az]Whatsapp-a göndər[/lang] [lang=en]Send to Whatsapp[/lang] [lang=ru]Отправить в WhatsApp[/lang] [lang=tr]Whatsapp'a gönder[/lang]"){kind=icon}
[lang=az]XƏBƏR LENTİ[/lang] [lang=en]NEWS TAPE[/lang] [lang=ru]Лента новостей[/lang] [lang=tr]HABER BANTI[/lang]
[lang=az]- ŞƏRHLƏR[/lang] [lang=en]- COMMENTS[/lang] [lang=ru]- КОММЕНТАРИИ[/lang] [lang=tr]- YORUMLAR[/lang]