Bu dəfəki xəbərimdə sizi dəbli bloq sahibəsi Daniela Ramirezlə (onu həm də Nenni adlandırırlar) tanış etmək istəyirəm. O, Karakasda (Venesuela) anadan olub, hazırda Mayamidə yaşayır. 23 yaşı var. Atası gecə-gündüz işləyərək, onun Birləşmiş Ştatlarda təhsil almasını təmin edib. 2010-cu ildə Daniela inzibatçılıq və marketinq üzrə bakalavr diplomu alıb. Bir neçə aydır ki, feşn-merçendayzinq üzrə kurs keçir.
Nenni öz bloqunda yazır: “Sadəcə, öz gündəlik geyimlərimi xanımlarla bölüşmək istəyirəm”. Qeyd etmək lazımdır ki, onun geyimləri pozitiv və cəlbedicidir. Nenninin geyim tərzini və rəng seçimini çoxları bəyənir.
Daniela öz bloqunu 2009-cu ildə təqdim edib. Bloq "Nany`s Klozet" adlanır. Əvvəllər bloqu ispan dilində təqdim edirdi. Sonralar bloqunu həm ingilis, həm də polyak dilində geniş oxucu kütləsinə təqdim edib.
Daniela bir çox bloggerlər kimi tanınmış bahalı trendlərə müraciət etmir. O, özü üçün münasib və yeni nəsə axtarmağı sevir. Buna görə də ucuz olan hər şeyi bir dəfəyə ala bilər. Bununla da o, xanımlara az pul xərcləməklə də zövqlə və gözəl geyinməyin mümkün olduğunu bir daha sübut edib.
XƏBƏR LENTİ
- ŞƏRHLƏR