Nəsrin Cavadzadə Bakıda anadan olub. Ailəsinin böyük əksəriyyəti həkimdir. Anası Nəsrinin uşaqlığı boyunca tutduğu gündəliklərdə onun danışmağa çox erkən başladığını və hələ üç-dörd yaşlarındaykən bir çox şeiri əzbərdən oxuduğunu yazıb. Nəsrin bir çoxlarının həkim olduğu, yumor hissi güclü olan, sənətə hörmət edən insanların arasında böyüyüb.
Anasıyla birlikdə İstanbula köçdükdə on yaşında idi. Türkcə bilmədiyi üçün Bakıda bitirdiyi halda Cent Kollecində yenidən dördüncü sinifdə təhsil almaq məcburiyyətində qalır. Lakin anasının narahatlıqlarına rəğmən, türkcədə çox qısa bir müddətdə ana dili qədər yaxşı danışmağa başlayır. Orada oxuyarkən məktəbin teatr bölümünə qatılır. Teatrın səhnələşdirəcəyi "Türkmən toyu" adlı tamaşada rol almağa haqq qazanır. Oyun Şişlidəki Teatr Karedə səhnəyə qoyulur.
Təhsilinə Şişli Tərəqqi Liseyində davam edir. Burada da vaxt itirmədən teatra yazılır. Cüneyt Yalaz Nəsrinin həyatında həm əhəmiyyətli bir dönüş nöqtəsi, həm də böyük bir ilham qaynağı olur. Kollecin ikinci sinfində oxuyarkən Cüneyt Yalazın "Hiper Meqa Market" adlı tamaşasında rol aldıqda aktrisa olmağa qərar verir.
Mərmərə Universitetinin Gözəl sənətlər fakültəsinin Kino-televiziya bölməsinə yazılır. Universitet təhsilini beş ilə tamamlayır. Fakültədə oxuyarkən beş qısa film çəkir. Filmləri müxtəlif daxili və xarici festivallarda göstərildi, mükafatlar aldı.
Universitetdən sonra "Yersiz, yurdsuz " adlı televiziya serialında baş rolu boynuna götürən Nesrin bu dövrdə rejissor Camal Şanla tanış oldu. O, bunu həyatının ikinci dönüş nöqtəsi sayır. Camal Şan serialın dərhal ardından Nəsrinin "Dilbərin səkkiz günü" adlı filmində oynamasını təklif etdi. Nesrin bu filmdəki roluyla Ərzurum, Bursa və Ankara Film Festivallarında "Ən yaxşı qadın oyunçu" mükafatlarına layiq görüldü. Dərhal ardından yenə bir Camal Şan filmi olan "Acı" ilə də yenidən Ərzurum Film Festivalında "Ən yaxşı qadın oyunçu" mükafatının sahibi oldu. Bu filmin ardından ara verdiyi televiziya karyerasına ATV ekranlarında nümayiş etdirilən "Samanyolu" adlı serial ilə davam etdi.
2011-ci ildə "Al Yazmalım" serialında rol aldı. Eyni il içində Həsən Tolga Pulatın "Gözəl günlər görəcəyik" və Murat Saraçoğlunun rejissorluq etdiyi "Yanğın var" filmlərində baş rolda oynadı. "Gözəl günlər görəcəyik" filmiylə Antalya Film Festivalında "Ən yaxşı köməkçi qadın oyunçu", Ankara Film Festivalında və Maqazin Jurnalistləri Dərnəyi Mükafatlarında "Ən yaxşı qadın oyunçu" mükafatlarını aldı. "Yanğın var" filmiylə yenə Ankara Film Festivalında və Sadri Alışık Mükafatlarında "Ən yaxşı qadın oyunçu" mükafatlarına layiq görüldü.
Nəsrin çay içməyi, evdə bişirilən mürəbbələri, xəmir xörəklərini sevir. Bəzən idman etməyə, musiqi dinləməyə, rəqs etməyə, jurnal oxumağa, ən yaxın yoldaşıyla Zencefilə getməyə, gözəl ətri olan sabunlara, sevgilisiylə film izləməyə, heyvanlara xüsusi məhəbbəti var. Xüsusilə pişikləri Apiku, Ciko, Mico və Haikuyu, isti yay günlərində dənizə getməyi, anasıyla gəzintiyə çıxmağı, bir gün çəkəcəyi uzun metrajlı filmin ssenarisi üzərində işləməyi çox sevir.
O, türk dilindən əlavə rus və ingilis dilində danışır, fransızcası isə gündən-günə pisləşir.
XƏBƏR LENTİ
- ŞƏRHLƏR