Bizim camaat, xüsusilə gənclər uğur qazanmaq istəyirlər. Fitrətlərinə uyğun olaraq özlərini tapmaq istəyirlər. Heç də qaranlıq deyil ki, fərdi inkişaf barədə yazılan kitablar bestsellərə çevrilir. Lakin nəticə nədir? Heç nə. Təsəvvür edin ki, bir gənc bu kitabları oxuyur və təcrübə apara bilmədiyindən ikiqat artıq depressiyaya düşür. Səbəb nədir? Səbəb bu kitabların bizim ruhiyyəmizdə, yəni bizim şəraitimizdə olmayan kəslərin yazmasıdır. Bəli, bu kitablar adama fayda verə bilər. Lakin qərb aurasında, yəni o mühitdə olanlar üçün faydalıdır. Azərbaycan gənci üçün fərdi uğur, inkişaf,özünütapma haqqında bizim şəraiti bilən insan yazmalıdır. Baxın, Quran deyir ki, Allah peyğəmbərini onların arasından seçərək vəzifələndirib. Kimin? Onların. Onlar kimdir? Yəni Allah kimi qabağa çəkmək istəyirsə, həmin o məhəllədən adam seçir. Çünki Peyğəmbər o ərazidə yaşayanların təfəkkür, yaşayış və qabiliyyət dərəcəsini bilirdi. Onlara yol göstərmək onun üçün çətin deyildi. Mənim məhəlləmi, orada hökm sürən durumu, qanunlarını və s.ni məndən yaxşı kim bilir?
"Onlardan olan" - deyir Quran. Onlardan sözünü iki yerə ayıra bilərik. İnsanlıq baxımından, bir də zaman-məkan-şərait baxımından. Bu gün İslam təlimlərinin geridəqalma səbəblərindən biri də məhz budur. Sağlam təfəkkürlü insanlar İNSANLIQ baxımından müştərək təlimləri mənimsəyə bilirlər. Bu təlimlər hamı üçün keçərlidir. Hamı əməl edə bilir: Kasıb da, varlı da, zənci də, ağ da, qadın da, kişi də, uşaq da,qoca da. Lakin bir də zaman-məkan-şərait anlamı vardır. Ona görə İslam təlimləri tam anlaşa bilməyəcək ki, ərəbin - SƏHRA mədəniyyətini meşə əhlinə təlqin edəsən. Bəzi camaat da buna çalışır. Elə bilir ki, hamı səhra təfəkkürlü olmalıdır. Hamı 8-ci əsrdəki kimi yaşamalıdır. Bax bu, daha qaranlıqlaşdırır hər şeyi. Motivasiya, fərdi inkişaf da bu cürdür. Sən Azərbaycanda Rokfellerin, Bill Geytsin uğurunu tərənnüm edə bilməzsən. Alınmayacaqdır. Bunu Azərbaycan ruhiyyəsində yaşayan biri açıqlaya bilər. Yəni bizim üçün. Ümumi qanunlar eynidir - yəni özünə inam, hədəf təyini filan-filan. Amma pillələr fərqlidir, FƏRQLİDİR,
PS: Bu o qədər uzun mövzudur ki, zatən uzun olduqda heç kəs oxumur. Gərək xırda-xırda bu haqda fikirlərimi yazım.
XƏBƏR LENTİ
- ŞƏRHLƏR