7. Siz bilirsiniz ki, həyatda cazibə qüvvəsi tək fiziki duruma aid deyil. Metafiziki duruma da aiddir. Yəni bir şey haqqında çox düşünsəniz, düşüncə tərzinizə uyğun olaraq həmin şey sizə gəlib çatacaqdır. İstər həmin şeyi istəyin, istərsə də istəməyin.
İstəməmək məgər həmimn şeyi adama yaxınlaşdırır? Bəli, yaxınlaşdırır. Necə? Tutaq ki, siz pəhriz saxlayırsınız və şirniyyatdan çəkinirsiniz. Bunu hər dəfə beyninizdən keçirtdikdə - yəni "Mən şirni yeməyəcəyəm, olmaz" dedikdə daha çox şirnini arzulayacaqsınız və ayılacaqsınız ki, 5 dənə paxlava yemisiniz. Heç özünüz də fərqində olmamısınız.
Bəzən bir çox insan dindarları qınayır ki, bir çox dindarlarda əcaib əməllər biruzə olunur. Bəli, əzizlərim dindar olsun, ya olmasın fərqi yoxdur: Əgər biri şəhvətə can atırsa, gec-tez arzuladığı ehtirasa qovuşacaqdır. Dindar isə bu şəhvətdən hər qaçdıqca ruzigar onu şəhvətə daha da yaxın edəcəkdir. Səhər-axşam fikrində "Mən bundan uzaq durmalıyam" deyə, beynində "ŞƏHVƏT" obyektini yadda saxlayacaqdır. Nəticə isə ağır olur. Bundan qaçmaq mümkündürmü? Şüurlu şəkildə çətindir. Çünki mən sizə desəm ki, meymun haqqında düşünməyin, elə ağlınıza ilk gələn meymun olacaqdır. Bunun öhdəsindən peyğəmbərlər, məsumlar, bir də yuxarı dərəcəyə nail olan insanlar nail ola bilir. Yəni onların ağlına bu cür şeylər gəlmir. Yəni onlar nə düşünür ki, günah edim; nə də düşünür ki, günahdan çəkinim. Çünki onlar bu günahı etməyiblər ki, çəkinsinlər də. Onlara bu,zatən maraqlı deyil. Həyatında narkotik istifadə etməyən şəxs ondan necə çəkinəcək?! Bu, uzun məsələdir. Bir sözlə, daxili paklığı artırmaqla fikir paklığı da artır. Günahın hər cür xatırlaması insanın zehnindən çıxır. 8. Özünə qarşı sədaqətli olmaq bu gün riayət etməli olduğumuz xüsusiyyətlərdəndir. İnsan özünə qarşı necə olursa, başqasına qarşı da elə olur. Sədaqət nədir? Əksi xəyanətdir. Sədaqət doğruluq, dürüstlük deməkdir. İnsan inancına, düşüncəsinə, xəyallarına qarşı dürüst olduqda ətrafı daha yaxşı görə bilir. Qarşısındakı ilğımlar, dumanlar yoxa çəkilir. Özünə yalan söyləmirsə, başqasına da yalan söyləmir. Özünü yalançı hesab etmirsə, başqalarına qarşı da şəffaf olacaqdır. İnsan ən çox özünə xəyanət edir. Etmək istədiyi şeyləri yalnız arzulasa da, sözünün üstündə dumur. Özünə xəyanət edir və nəticədə özü öz gözündən düşür. Əgər insan öz gözündən düşürsə, bu onun cəmiyyətdəki mövqeyinə də təsir edir.
XƏBƏR LENTİ
