Bakcell futbol jurnalistləri üçün multimedia üzrə təlimtəşkil edib
Azərbaycanın İlk Mobil Operatoru və Aparıcı Mobil İnternet Provayderi Bakcell şirkəti Azərbaycan Jurnalistlər Şəbəkəsi (AJN) İctimai Birliyi ilə birgə“Azərbaycanda futbol jurnalistikasına dəstək” layihəsi çərçivəsində idman jurnalistləri üçün nəzərdə tutulmuş təlimlərin ikinci mərhələsini başa vurub.
Britaniyalı təlimçi Den Meyson (Dan Mason)tərəfindən aparılan iki günlük mobil multimedia təlimlərində idman sahəsində ixtisaslaşmış, xüsusilə futboldan yazan jurnalistlərə multimediadan effektiv istifadəyə dair bilik və bacarıqlar öyrədilib.
Bu layihənin əsas məqsədi milli mətbuatda futbol üzrə ixtisaslaşan jurnalistlərin bilik və bacarıqlarını təkmilləşdirərək beynəlxalq standartlar səviyyəsinə çatdırılmasına dəstək olmaqdır. Bundan başqa, xüsusi təlim proqramı vasitəsilə jurnalistlərin futbol xəbərlərini yerli auditoriyaya daha yaxşı şəkildə çatdırması üçün müasir medianın bütün üstünlükləri barəsində onlara məlumatlar vermək, eləcə də praktik məşğələlərlə yeni biliklər öyrətməkdir.
İki ay davam edən layihədə 4 günlük təlim sessiyası və 6 həftəlik onlayn təlimlər keçirilir. Futbol mövzuları üzrə təlimlər yerli mütəxəssislər və multimedia üzrə təlimlər isə yeni media üzrə britaniyalı mütəxəssistərəfindən keçirilib.
Təlimin bağlanış mərasimi iyul ayında Milli Mətbuat Günü ərəfəsindəkeçiriləcək və iştriakçılara sertifikatlar paylanacaq. Onlayn tapşırıq və təlimləri müvəffəqiyyətlə başa vuran iştirakçılardan biri Mançesterə yollanacaq.
* * *
Bakcell haqqında
Azərbaycanın İlk Mobil Operatoru və Aparıcı Mobil İnternet Provayderi Bakcell şirkəti müasir mobil kommunikasiya xidmətləri istifadəçilərinə geniş çeşiddə məhsullar təklif edir. Bakcell, Sür@ ticarət nişanı adı altında öz abunəçilərinə ən mükəmməl 3G mobil internet xidməti göstərir.
Uzunmüddətli tərəfdaşlıq müqaviləsi çərçivəsində Bakcell şirkəti bütün MDB məkanında “Mançester Yunayted”in ilk rəsmi telekommunikasiya və yayım partnyoru olaraq Azərbaycandakı futbol həvəskarlarına və xüsusilə, Mançester Yunayted azarkeşlərinə geniş çeşidli xüsusi və eksklüziv məzmun təqdim edir.
Bakcell və onun məhsul və xidmətləri haqqında ətraflı məlumat əldə etmək üçün, xahiş edirik, www.bakcell.com internet səhifəsinə daxil olun və ya 555-ə zəng edin. Press-relizlərlə tanış olmaq üçün www.bakcell.com/az/news (və ya İngilis dili üçün www.bakcell.com/en/news) səhifəsinə daxil olun.
Qeyri-Bakcell abunəçiləri isə 055 0000 555 nömrəsinə zəng etməklə Bakcell-in xidmətləri haqqında məlumat əldə edə bilərlər.
XƏBƏR LENTİ
- ŞƏRHLƏR