♥Dream girl♥
2004-cü ildə, mənim hardasa 9 yaşım olanda, tətilə çıxdıq. Bizimlə bərabər əmimgilin ailəsi də getmişdi. İsti yay günü idi. Biz də yorğan, döşək və s. götürmüşdük. Elə bil dağa gedirdik. 
Yola çıxdıq və mən stulda oturmalı oldum. Amma qardaşımla əmioğluna dedilər ki, döşəklərin üstünə çıxıb ikisi də orda yatsınlar. Mənim əmim oğlunda belə bir mənfi cəhət var ki, gecələr yerini isladırdı. Atam dedi ki, ona bir dənə bez alaq ki, döşəkləri xarab eləməsin. Yoxsa iy gələr. Biz gedib nənəni evdən götürdük, nənəm də öz bacısıyla qalırdı. Nə isə, nənəni götürəndə mən də düşüb nənəyə dedim ki, biz əmioğlumuza bez alacayıq. Nə isə, hamımız mindik maşına. Birdən əmi tutub mənə dedi ki, utanmırsan o boyda qızsan belə şeyi dəyərlər heç? Elə utanmışdım ki, həm də ölürdüm gülməkdən. 
Bax belə...
Fatma xanım
Ən çox yadda qalan səyahətim bu ilki İstanbul səfərim oldu. Orda Böyük adaya getməyim, 10 km yolu piyada dağa qalxmağımız oldu. Orda Rəşad Nuri Güntəkinin evini gördük. Sonra boğaza getdik, orda da bir çox serialların çəkildiyi evləri bizə göstərdilər. Bir çox məcsidləri ziyarət etdik, çox maraqlı idi. Sonra da ən yadda qalan Ceylan xanım və onun ailəsi ilə görüşümüz oldu. 
Bir sözlə özümə ən yadda qalan səyahətim bu qədər.
nura84
Avqust ayında Qubaya getmişdik. Sağ olsunlar ev yiyələri çox qonaqpərvər idilər. Biz çatan kimi dedilər gedək bulağa, çaya gəzək. Maşınlara mindik. Yığışdıq getdik bulağa. Bir az gəzdik, şəkillər çəkdirdik. Dedilər indi gedək çay qırağına. Getdik nə getdik... Yolda maşın palçıga batdı əməlli başlı. 1 təkəri yarıya kimi çöldə idi. Nə isə, maşın palçıqdan çıxdı. Oturduq ki, evə qayıdaq, qapını necə çırpdılarsa, oğlumun barmaqları qaldı maşının qapısında. İndi hamı hay-küyə duşub, oğlum deyir heçnə olmayıb e. 
Nə isə, həmin gün mənə o qədər uzun gəldi ki, elə bildim 10 gündür oradayam.
Narın Əliyeva
Bu il yayda nişanlımla Azərbaycanımızın gözəl guşələrindən biri olan Ağcakəndə gəzməyə getmişdim. Gözəl, təmiz havası, buz kimi bulaqları (reklama keçdim ey men yene
) adamı valeh edirdi. Sentyabr ayı payız yağışının yağmağa başladığı bir vaxtda bizim gəzməyə getməyimiz tutmuşdu. Təsəvvür edin, hündür dağlar, qeyri-adi yolları olan bu kənd o qədər gözəl idi ki, hər yerini gəzmək istəyirdim. Hündür bir dağın başında görünən kilsəyə bənzər bir yer diqqətimi çox çəkdi, "oranı mütləq görməliyəm" deyib başladım üzü yuxarı dağa çıxmağa. Nişanlım mənə "yağış yağacaq, çıxma!" çox desə də mən az eşitdim, çünki o tikili diqqətimi çox çəkmişdi və çıxdım, ele dağın başına təzəcə çatmışdım ki, necə göy gurulduyub yağış yağmağa başladı, bütün su içində qaldım
Nişanlım da aşağıdan mənə baxıb gülürdü. Guya özümü topladım ki, düşüm aşağı, yarı yola çatanda yıxıldım, düz palçığa, ağ köynəyim qapqara palçıq oldu, vyetnamkam cırıldı, başıma gəlməyən iş qalmadı, nəysə bir təhər aşağı düşdüm ağlaya-ağlaya, maşına oturdum evə gəldim. Bu da mənim burnumnan gəlmiş səyahet xatirəm... İndi hərdən o gün yada düşəndə məni lağa qoyub gülürlər ki, lazımıydı sənə o dağın başına çıxmaq?
Amma neyniyim, Allah xasiyətimi kəssin, maraqlı bir şey görəndə özümü saxlaya bilmirəm. Amma arada özümə təsəlli də verirəm ey bununla ki, lap yaxşı da maariflənirəm. Nə qədər danışdım, məndən çox yazan olacaq görəsən.
Lolita
Yadda qalan hadisələr çox olur. Mənim üçün ən yadda qalanı isə indi yazacağımdır. Bilmirəm amma gülməlidir ya ağlamalı. 2004-cü ilin yay ayı idi. Əmim qızı, dayım qızı, qaynımın yoldaşı və mən axşam avtobusu ilə Şəkiyə gedirdik. Mən də əmim qızı ilə birgə arxa təkərin üstündə olan oturacaqda oturmuşduq. Birdən dedilər ki, avtobusun təkəri yanır. Bunu eşitməyimlə bir də gördüm ki, hər kəs yerdədir məndən başqa. Avtobusdan düşəndə gördüm bizimkilər də məni yerdə axtarır. Avtobusda ehtiyat təkər olmadığından gecəni yolda keçirdik. Səhər gəlib düzəltdilər, yola düşdük. Təkərin yanmağı azmış kimi Şəkiyə çata-çatda bir də gördük ki, indi də təkər avtobusun altından çıxır. 
Yenə hamını düşürtdülər və artıq başqa avtobusla yola saldılar. Hər kəsə gözəl istirahətlər arzulayıram. Məndən bu qədər, canım. Yazında iştirak etmək təklifini etdiyin üçün çox sağ ol.
Rozalina
İlk öncə onu deyim ki, çox sevirəm səyahət etməyi. Ayrı bir zövq alıram 
Azərbaycandan. Qax, Qəbələ, İsmayıllı, Şəki, Xaçmaz və başqa yerlərdə olmuşam. Bu il Qəbələ, Xaçmaz və Həmişəki kimi Şəkidə olmuşam . 1aydan çox Şəkidə nənəmgildə keçirmişəm. Keçən il isə Ölkə xaricindən kənarda təxmini 1 ay Rusiyada qalmışam, onun da yarıdan çoxunu bəlkə alış-verişdə keçirmişəm. Gəzmək, yeni məkanlar, başqa mühitdə böyümüş insanlar mənə maraqlı gəlir. İnşaAllah qismət olsa bir müddət sora Türkiyəyə getmək istəyirik. Ama israrla görmək istədiyim Ərəb ölkələri, Paris, İtaliya, Dubay var. İnşaAllah hamıya, mən də içində olmaqla qismət olar.
Deniz84
Deməli belə, mən Azərbaycandan başqa heç bir ölkədə olmamışam. Burda da olmağımın səbəbi yəqin ki, burda dünyaya gəlməyim olub. Ancaq Azərbaycanın bir çox bölgəsində olmuşam. Uşaqlıq illərində Biləsuvara gedirdim, nənəmin yanına. Sonra ailə qurduqdan sonra yoldaşımın işi ilə əlaqədar Qazax rayonuna gəldik. Gəncəbasar zonasını çox gəzmişik. Gəncə, Şəmkir, Tovuz, Ağstafa, Qazaq, bu rayonların demək olar ki, bütün gəzməli görməli yerlərində olmuşuq. Bu yay isə Quba, Qəbələ, İsmayıllı, Şəki, Qax - bu rayonlara səyahət etdik. Buranın təbiətinə valeh oldum. Gələcəkdə isə İtaliya və Parisdə olmaq istərdim.
Monica_Bellucci
Əziz xanımlar, xatırlayırsınızsa mən bu xəbərimin 1-ci hissəsində də özüm iştrak etmişdim. İstədim ki, bu hissədə də iştirak edim. Demək belə, bu il ailəm ilə birlikdə İstanbula getmişdim. Biz də hər gün axşam yeməklərini müxtəlif yerlərdə yeyirdik. 
Bir gün dedik ki, gedək bir balıq restoranında balıq yeyək. Nə isə, gedib bir restoran tapdıq. Adı da "Sur balık" restoranı idi. Getdik oturduq və ofisiantı çağırdıq. Bizə menyunu verdi. Biz də oradakı balıqların adını bilmədiyimiz üçün seçimi ofisiantın öhdəsinə buraxdıq. Yəni ondan bizə nə tövsiyə etdiyini soruşduq. O da dedi ki, sizə "Levrek" balığını tövsiyə edirəm. Biz də "Izgarada Levrek" sifariş verdik. Bir azdan soyuq qəyənaltı gəldi, növbənöv. Biz aralarından seçərkən, birdən gözüm qolbaq formasında bir şeyə sataşdı. Dedik ki, bu nədir? Dedilər ki, levrekdir, amma başqa cürəsi. Bizdə dedik ki, hə, onsuz da biz izgarada olanını sifariş etmişik. Lazım deyil. Bunlar da bizim dilimizi başa düşmədiklərindən, elə biliblər ki, biz bunun izgarasını istəyirik. 2-3 dəqiqədən sonra həmin qolbaq formalı balıqdan gəldi. Hərəmizə 2 dənə. Yedik-bitirdik. Biz də elə bilirik ki, elə izgaradakı levrek budur. İstədik hesabı istəyək, dedik yox e bele ola bilməz. Nə yedik ki? 15 dəqiqədən sonra Levrek gəldi. Adi balıq idi. Yanında da əcaib-qəraib otlardan, tərəvəzlərdən. Nə isə, hesabı istədik, necə gəlsə yaxşıdır? Düz 460 manat. 
Özü də 4 nəfərə. Yandırdı-tökdü bizi. Bu qədər....
Gülsüm Mahmudova
Bu il avqust ayında getmişdik Gəncəyə. Oraya mən, yoldaşım, qızım, oğlumla birlikdə getmişdik. Bir gün şəhərin mərkəzində gəzirdik. Birdən gördük ki, balaca 3 yaşlı qızım yoxdur. Başladıq axtarmağa. Düz 2 saat axtardıq. Birdən gördük ki, 5 yaşlı oğlum da yoxdur. Mən ağlayıram, yoldaşım axtarır. Getmədiyimiz yer qalmadı. Dedik yəgin oğurladılar uşaqları. Orada sağ olsunlar kömək etdi bizə bəzi insanlar. Polisə də getmişdik hətta. Nə isə... Bir də gördük ki, ikisi də əl-ələ verib gəlirlər. İnanın şok olduq. Getdim qucaqladım. Soruşdum ki, hardaydınız? Dedilər ki, getmişdik parka, orada oynayırdıq.
O gün mənim üçün bir kabus oldu....
Melek Babazadə
Mən də gəzməyi çox sevənlərdənəm. Amma təssüf ki gəzmək üçün çox da fürsətim olmur - yoldaşımın işinə görə. Düzdü, işin sayəsində yerimiz dəyişir tez-tez, amma ona gəzmək demək olarsa. Yadımda qalanlardan birini bölüşüm sizinlə. Hərbçi olduğumuz üçün Oğuz rayonunda qalırıq. Eşitdik ki, Xal-Xal kəndində uca dağların ətəyində şəlalə və müalicəvi kükürdlü su var. Ancaq yollar elədir ki, böyük çay daşları var, balaca maşın getmir ora. Ancaq uazlar. Bizdə 15 nəfər olardıq. Yoldaşım kuzalı bir maşın tapdı, doluşduq arxasına, yemək-içmək götürmüşdük, təsəvvür edin də çaylardan keçəndə maşın batır, düşüb itələyirik, bir də minirik, beləcə 1,5 saat yol getdik, ora çatanda ərzaqlarla insanlar qarışıq düşmüşdü, heç vaxt belə zülmlü səyahət etməmişdim. Amma görülməyə dəyər yerlər idi. Çox maraqlı idi, yadıma düşdükcə gülürəm elə. Yazılası çox şey var, amma məndən bu qədər.
Ayka S
Sırf səyahət üçün getdiyim yerlər Bakı və İran olub. Atam turist aparardı, hardasa 6 ya da 7-ci sinifdə oxuyanda mən də onunla çox getmişəm. Tehranda, Təbrizdə də olmuşam. Bir dəfə heç yadımdan çıxmaz qardaşım da bizimlə getdi, atam ikimizi də saldı hamama ki çimin, inanırsız o gün yadıma düşəndə qardaşımdan çox utanıram. Şəhriyarin qəbrini ziyarətim heç yadimdan çıxmaz, qəbri şüşənin altında necə gözəl saxlayırlar, güllü-çiçəkli qəbir deyil, sanki evdi. Bakının elə özündə olmuşam, rayonlarına getməmişəm. Rusiyada yaşayıram, buranın hər yerini gəzmişəm, şəhərdə yeni il keçirtmək çox gözəl olur, keçen il qızımın ad günündə şəhərdə istirahət zonasına getmişdik, orda da çox əyləndik, gəzdik... Belə, mənim səyahətimdən bu qədər.
XƏBƏR LENTİ
- ŞƏRHLƏR