Giriş
Bağla

Uşaqlara dərmanların düzgün verilməsi

Hamiləlik və analıq / Körpə və ona qulluq

Uşağınız xəstələnir və evdə müalicə üçün həkiminiz ona dərmanlar yazır. Valideynin borcu dərmanları düzgün və vaxtında uşağa vermək, müalicəsini axsatmamaqdır. Bunun üçün dərmanları həkim reseptində yazılan həcmdə vermək, ehtiyat üçün dərman təlimatlarını oxumaq vacibdir. Ən əsası həkim yazan müalicəni sonadək etməkdir. Bəzən ana uşaqdakı müsbət dəyişikliyi görüb müalicəni dayandırır. Bu, əsasən antibiotiklərin qəbulu zamanı baş verir. Lakin ununtmaq olmaz ki, müalicənin orqanizmə tam təsiri və xəstəliyin yenidən qayıtmaması üçün müalicəni sonadək etmək lazımdır.

Uşaqlara dərmanların düzgün verilməsi

Sulu dərmanları necə verək?

Hazırda uşaqlar üçün dərmanların çox hissəsi sulu halda istehsal olunur. (sirop, supsenziya, damcılar) Bu halda şprisdən yaxud dərin içlikli qaşıqdan istifadə edilməlidir. Əgər reseptdə 5 ml yazılıbsa, onun yarısı uşağın üzərinə dağılırsa, ana işini yenidən davam etməli və yazılan həcmi tam uşağa yedizdirməlidir. Bu zaman uşağı dizinizin üstünə otuzdurun, ayaqlarını dizlərinizin arasına alın, sol əlinizlə onun əllərini tutub sağ əlinizlə dərmanı verin. Bu cür dərmanlara azacıq su qatıb uşaq şüşəsində də vermək olar.

İndi sulu dərmanlar meyvə dadında olduğu üçün onu uşağa çətinlik çəkmədən vermək olur. İşinizi ehtiyatla görün ki, uşağın çənəsini, dilini və dişlərini zədələməyəsiniz.

Dərmanların düzgün hazırlanması

Əgər yazılan dərmanlar supsenziya halındadırsa, onu evdə hazırlayarkən təlimatı diqqətlə oxumaq lazımdır. Hər supsenziyanın öz su həcmi var. Flakona su tökərkən yazılan həcmə əməl edilmirsə, alınan nəticə təbii ki, müsbət olmayacaq.

Toz tipli dərmanları qaşıqda suyla qarışdırıb uşağa vermək lazımdır. Əgər dərmanı soyuducuda qoymaq tələb olunursa, onu otaq temperaturunda qoymayın.

Uşaqlara dərmanların düzgün verilməsi

Tabletkaların verilməsi

Uşağınız 1 yaşına çatıb və həkim ona həb yazıb. Çətinlik çəkmədən onu əzin, toz şəklinə gətirib uşağa suyla qarışdırıb yedizdirin. Dərman acıdırsa, onu mürəbbə suyu və meyvə püresinə qarışdırıb verin. Əsas element dərmanların yeməklə əlaqəsidir. Əgər dərman yeməklə bir qəbul edilirsə, onun orqanizmə təsiri gecikir. Tez təsir üçün dərmanı yeməkdən 1 saat əvvəl yaxud yeməkdən 2 saat sonra verin. Çünki o zaman uşağın mədəsi boş olur və verilən dərmanı orqanizmə ötürür. Dərmandan 20-25 dəq. sonra uşaq qusarsa, yenidən dərmanı uşağa vermək düzgün deyil. Növbəti saatı gözləyin.

Uşaqlara dərmanların düzgün verilməsi

Burun damcıları

Hər hansı bir damcını buruna tökməzdən əvvəl buruna bir dəfə sprey fısqırtmaq yaxşıdır. Bu, apteklərdə dəniz suyu adı ilə (Akvamaris) satılır. Ondan sonra burnu qulaq çöpü ilə azacıq təmizləyib damcını tökün. Daha təhlükəsiz vasitə burun dəsmallarıdır. Çünki çöplə uşaq burnunu zədələyə bilərsiniz. Damcı tökərkən uşağın tərpənməməsi üçün köməkçiniz olarsa, bu lap yaxşı olar. Uşağı uzadıb damcını tökmək ən yaxşı vasitədir. Əsas şərtlərdən biri həcmi çoxaltmamaqdır. Həkim 1 damcı yazıbsa, 2 damcı tökməyiniz işinizə yaramaz və bu gələcəkdə burunda artıq ət (Adenoid) kimi fəsada gətirib çıxardar.

Uşaqlara dərmanların düzgün verilməsi

Qulaq damcıları

Əksər hallarda qulaq damcıları qulaqda soyuqdəymə olarkən həkim tərəfindən yazılır. Bu halda damcı otaq temperaturunda olmalıdır. Yoxsa qulaq orqanları soyuqlayar və əks proses gedər.

Bəzən uşaqlar qulaq təmizləməyə imkan vermədiyi üçün içəridə çirk yığılıb qulaqda tıxac yaradır. Bu zaman uşaqda zəif eşitmə hiss olunur. Həkimə getmək mütləqdir. Həkim yazılana əməl etməklə bu müvvəqqəti problemi aradan qaldırmaq mümkündür. Həkim damcı yazacaq. O damcıdan əvvəl qulaga 3 faizli pereksdən 1 damcı tökün. Qulaq çöpü ilə ehmalca qulaq borusunu azacıq təmizləyib damcını tökün. Hər damcıdan sonra uşağı 15-20 dəq bir tərəfli uzadın ki, damcı içəriyə tam yeridilsin. Sonra o qulağa pambıq tıxayıb eyni prosesi digər qulaqla da təkrarlayın. Uşağın qulağını çöplə eşələməyin.

Uşaqlara dərmanların düzgün verilməsi

Göz damcıları

Göz damcıları prosesi olduqca ehtiyatlı və təhlükəsiz olmalıdır. Həkim məsləhətindən yan keçmək fəsadlar yaradar. İlk olaraq əllərinizi yuyun. Yanınızda köməkçiniz olmalı və uşaq tərpənməməlidir. Oyuncaqla uşağın nəzərini yuxarı çəkin. Damcının otaq tempraturunda olması şərtdir. 1 damcıdan artıq istifadə etməmək vacib amillərdən biridir.

Göz mazları isə göz qapaqlarının iç hissəsinə qulaq çöpü ilə çəkilir. Sonra uşaq gözlərini azacıq yummalı, ehmalca gözü masaj edin ki, maz içəridə düzgün yayılsın. Mazdan azacıq istifadə edilməlidir. Axı o əriyir və həcmi böyüyür, bu isə gözün göynəməsinə və yaşarmasına səbəb olur. Müalicə isə əhmiyyətsiz olur.

Şamlar

Uşağı sağ tərəfə düz uzadıb, şamı anal dəliyə baş barmağınızla yeridin. 2-3 dəqiqə uşağı eyni vəziyyətdə tutun ki, şam içəri getsin. Əks halda yenidən qayıdar. 1 yaşadək uşaqları bel üstə uzatmaq, ayaqlarını yuxarı qaldırıb şamı istifadə etmək mümkündür. Bundan sonra dümdüz qarın və ayaqlarını tutun ki şam tam yerini alsın.

Balalarımız hər zaman sağlam və dərmansız olsun.



Şərhlər (19)

qeribe qeribe 30 June 2015 22:14 Cavab yaz

Allah heç bir uşağı xəstələndirməsin. Amin...
rovsane_82 rovsane_82 30 June 2015 22:07 Cavab yaz

Allah butun korpeleri qorusun,Amin.
sofiya sofiya 18 June 2014 07:09 Cavab yaz

Maraqli xebere gore tesekkurler
menasiz dunya menasiz dunya 9 June 2014 13:13 Cavab yaz

Maraqli xeberdir.BIlmeyen ucun deyerli meslehetdir.
Deniz84 Deniz84 8 June 2014 21:35 Cavab yaz

3 uşaq böyüdərkən dərman içirmək üzrə mütəxəsis olmuşam. Çox sağ ol canım. Dəyərli məsləhətlərin üçün.
lara 2008 lara 2008 19 May 2014 21:08 Cavab yaz

Təşəkkürlər məlumata görə .mən həbləri əzib mürəbbə suyuna qatıb içirdirəm .
Aytac M-ca Aytac M-ca 19 May 2014 20:16 Cavab yaz

Usaqlar balaca olanda cox cetin olur derman vermek,birde tek olasan cox eseblesirdim boyudukce gec-gec xestelenirler hemde artiq ozleri icirler dermani,lazimli xeberdi cox sagolun.
melek87 melek87 19 May 2014 14:47 Cavab yaz

Usaqlarima derman vermirem tebii vasitelerle sagaldiram olari xestelenende.Tek verdiyim derman herareti salan siroplardan verirem.
nilu nilu 19 May 2014 14:16 Cavab yaz

Lazımlı xəbərdir,müəllifə təşəkkürlər
Happiness lady Happiness lady 19 May 2014 14:11 Cavab yaz

Xebere gore tesekkurler,Allah butun korpeleri qorusun,Amin.
Aqatkris Aqatkris 19 May 2014 13:27 Cavab yaz

Dərman təbii ki, uşaqlar üçün faydalı oldugu qədər də zərərlidir. Amma zərərin də ən böyüyü dərmanları istifadə etməyi bacarmamaqdır. Bu baxımdan çox dəyərli bir xəbərdir.
Ceylan Mumoglu Ceylan Mumoglu 19 May 2014 12:50 Cavab yaz

Alpayın da dərman içməklə problemi olmayıb, amma kaşki heç içməsəydi, çox dərman içmək də bir şey deyil, böyrəkləri məhv edir. Ən yaxşısı təbii vasitələrdir. Bitki, tərəvəz, meyvə.
qeribe qeribe 19 May 2014 10:36 Cavab yaz

Çox gözəl məsləhətlərdir.Allah heç bir uşağı xəstələndirməsin. girl_ang kiss
Milana.M Milana.M 19 May 2014 10:30 Cavab yaz

Murad balaca olanda ona sulu dərman içirə bilmirdim. Qoymurdu qəti. Amma həb şəklində istənilən dərmanı sevə-sevə içirdi. İndi şükür içir hər növdə. Xədicə balam sulu dərmanı böyük zövqlə içir (heç bilmirəm niyə zövq alır). Çox gözəl, maarifləndirici xəbərdi. Ən əsası Allah heç bir uşağı xəstələndirməsin, heç dərman içməyə gərək də qalmasın. Uşaq ki, xəstələndi valideyn də mənəvi olaraq "xəstəlik" tapır.
R.G.AL-SU R.G.AL-SU 19 May 2014 10:03 Cavab yaz

SonayВ Quluzade,-mən hədiyyə boyun alıram biggrin

AYSUNВ MEMMEDOVA,-Allah saglamlıq versin balanıza,goz və burun damcıları mənimdə gündəlik peşəmdir artıq
Songul Songul 19 May 2014 09:14 Cavab yaz

Allaha şükür elə ciddi bir problem yaşamamışam. Bir-iki il əvvəl Eşqinə həb şəklində dərman yazılmışdı, uşaq 1 həb içmək üçün üçünü zay edirdi biggrin, alırdı ağzına udmağa risk eləmirdi, tüpürürdü. Daha çox öskürək əleyhinə sirop verirəm, onu da çox xoşlayırlar deyə problem yoxdur, bir də qrip əleyhinə burun damcısı (onu da 1 ildən çoxdur ki, vermirəm, əlhəmdulilləh) tökürəm, böyükdülər deyə onu da rahat tökürəm.
Çox sağ ol, bacı, faydalı məlumatlardır. Düzdür sən xəbərdə qeyd eləmisən ki, ehtiyatlı olun çənəsini, dişini və s. zədələməyəsiniz, ana var ki, uşağın ovurdlarını gömgöy edir sxmaqdan ki, nə var, nə var uşaq ağzını açsın diablo
ruzigar ruzigar 19 May 2014 09:13 Cavab yaz

Çox gözəl məsləhətlərdir.Bizimlə bölüşdüyün üçün çox sağ ol,bacım.
aysun2013 aysun2013 19 May 2014 08:48 Cavab yaz

Bu xeber mene tez tezlazim olacaq cox saqolun
ayniska milaska ayniska milaska 19 May 2014 07:17 Cavab yaz

Men de dermanlari bele verirem usaqlara,bilmeyenler ucun deyerli meslehetlerdir tesekkurler!

Add comment

  • reload, if the code cannot be seen


Qadin.Net

Яндекс.Метрика