Tələbə Qəbulu üzrə Dövlət Komissiyası (TQDK) rezidenturaya qəbul imtahanı verən namizədlərə müraciət edib. Komissiyadan Lent.az-a verilən məlumata görə, rezidenturaya plan yerlərinin sayı və namizədlərin imtahandakı nəticələri nəzərə alınaraq sosial gigiyena və səhiyyənin təşkili, gigiyena, mikrobiologiya, laboratoriya işi, genetika və epidemiologiya ixtisaslarını, Azərbaycan Tibb Universitetinin Hərbi Tibb Fakültəsinin ixtisaslarını seçmək üçün tələb olunan müsabiqə şərtləri baza fənləri üzrə 35 bala, ixtisas fənləri üzrə isə 45 bala endirilib, digər ixtisaslar üçün isə müsabiqə şərtləri, yəni baza fənləri üzrə 40 bal, ixtisas fənləri üzrə isə 50 bal tələbi dəyişməyib.
İmtahanın hər iki mərhələsi üzrə müraciətlərə 11-13 sentyabrda hər gün saat 10.00-dan 17.00-dək Apelyasiya Komissiyası tərəfindən baxılacaq.
Mənbə: Lent.az
XƏBƏR LENTİ
- ŞƏRHLƏR