Bu dəfə də bir neçə məşhurun gözəllik və sağlamlıq sirrlərini sizlərə təqdim etmək istəyirəm. Nəzərə almaq lazımdır ki, pəhrizlər fərdi olmalıdır, yəni hər kəsin sağlamlıq vəziyyətinə uyğun olaraq tətbiq olunmalıdır! Bitkilərin faydalarını bilmək və əks göstərişlərini nəzərə almaqla özünüzə uyğun olanını seçin.
İspanaq - Qvinet Peltrounun tonusunun sirri
Qvinet yorulmadan həm kinoda çəkilir, həm kulinariya ilə bağlı bloq hazırlayır, həm "brend" reseptlərdən ibarət kitab nəşr etdirir, həm ictimai işlərlə məşğul olur, həm "Qırmızı xalça"da görunur və həm də özünə kifayət qədər vaxt ayıra bilir. Bundan əlavə, o, həftənin 5 günü gün rejiminin 20%-ni idmanla məşğul olur və bütün bu işləri ilə yanaşı, 2012-ci ilin ən zövqlü xanımı adına da layiq görülub. Qvinetin bu enerjisi idmanla yanaşı, düzgün qidalanma ilə bağlıdır və aktrisa onu ispanaqsız təsəvvür etmir. Bu tərəvəz məhz o kəslər üçündür ki, bütün günü fərqli işlərlə məşğul olurlar.
Məlum olduğu kimi ispanağın tərkibində orqanizmin düzgün inkişafına və gözəlliyinə səbəb olan maddələr külli miqdardadır. Bu vitaminlər A, K, C, E, B6 və B12, fol turşusu, maqnezium, kalium, kalsium, mis, sinq, selen və omeqa-3 yağ turşularıdır. İspanaq pendirlə birlikdə salat formasında, şirə halında və müxtəlif yeməklərə, şorbalara əlavə etməklə qəbul olunur. Yaxşı olar ki, bu bitki çöx istidə saxlanmasın ki, tərkibindəki faydalı elementlərini itirməsin.
İspanağın tərkibindəki flavanoidlər orqanizmdən sərbsət radikalları təmizləyir. Məhz orqanizmdə toplanmış olan bu sərbəst radikallar xərçəngə səbəb olur. İspanaq həzm sisteminin işini normallaşdırır, həmçinin bir sıra xəstəliklərin müalicəsi üçün edilən pəhrizlərin də tərkibinə daxil olur. Belə ki, o, iltihab əleyhinə olan güclü qida növüdür. Xüsusi günlərdə ispanaq bizə çox kömək olur, çünki tərkibi dəmirlə zəngindir.
Qeyd: bəzən ispanaq allergik reaksiyalar yarada bilər. Həmçinin bazarlardan alınmış əksər göyərtilərin tərkibində pestisitlər olur (həşəratlara qarşı istifadə olunmuş dərmanlar). Nəzərə almaq lazımdır ki, ispanağın tərkibində oksalat turşusu var və böyrəlkərində problemi olanlar qədəri aşmamalıdırlar.
Qreypfrut - Eşli Tisdalenin gümrahlıq sirri
Müğənni və aktrisa Eşlinin dediyinə görə, o, sitrus meyvələrini və o cümlədən qreypfrutu təkcə meyvə kimi deyil, səhər, axşam, həm də arada atışdırmalar şəklində də yeyə bilər. Gözəl ulduz etiraf edir: "Bu meyvə mənə fikirlərimi toplamağa, ruhumu gümrah saxlamağa və bədənimin qamətli qalmasına kömək edir".
Qreypfrutda çoxlu miqdarda B2, P, C vitaminləri, provitamin A (karotin), liflər, efir yağları, kalium, kalsium və orqanik turşular var. Meyvə orqanizmdən artıq mayeni xaric edir, arıqlamağa kömək edir, yağların parçalanması prosesini sürətləndirir. Efir yağları və orqanik turşular mədə-bağırsaq sistemini qaydasına salır və həzmi sürətləndirir. Təzə sıxılmış şirəsi əsəb sistemini sakitləşdirir. Yatana yaxın qreypfrut yemək yuxusuzluğu aradan qaldırır.
Qeyd: Bəzən səhvən hər yemək öncəsi arıqlamaq məqsədilə yeyilən qreypfrut 5-7 günə mədə və mədəaltı vəzidə problemlərlə özünü göstərəcək. Bu qədər turşu qəbul etmək məsləhət görülmür. Qreypfrut pəhrizinə tədricən keçmək lazımdır, həftədə 1 dəfə təbii şirəsini içmək və ya ət yeməkləri ilə bərabər meyvə salatlarının içində yeməklə başlamaq lazımdır. Dietoloqlar qaraciyər problemləri olanlara sitrus meyvələrindən uzaq durmağı məsləhət görürlər.
Alma - Meqan Foksun cənnət sirri
"Transformerlər"in sevimli ulduzu və xoşbəxt ana Meqan Foks almanı hədsiz çox sevir və gün ərzində mütləq 2 alma yeyir. O, daha çox yaşıl almaya üstünlük verir və onun şirəsini də şəkərsiz qəbul edir. Bəs bu cənnət alması hansı xüsusiyyətlərinə görə faydalıdır?
Alma A, C, B1 vitaminləri ilə zəngindir. Onun daimi qəbulu yaddaşı yaxşılaşdırır və həzm prosesini normallaşdırır. B1 vitamini sinir hüceyrələrinə güclü təsir edir, həmçinin karbon mübadiləsini nizamlayır. Vitamin C - antioksidantdır, onkoloji xəstəliklərin qarşısını alır, immuniteti möhkəmləndirir, yad hissəciklərə qarşı orqanizmin müdafiyə gücünü artırır.
Almanın tərkibində dəmir, kalium, maqnezium var, ona görə də qan azlığında və ürək-damar xəstəlikləri zamanı istifadəsi labüd hesab olunur. Alma bədəndəki xolesterolu azaltmaq gücünə malikdir, qan-damar divarlarını möhkəmləndirir, üzə gözəl təravət verir.
Əgər səhər 1 stəkan alma şirəsi içilərsə, bu, gün boyu sağlam və xöş əhvalın yaranmasına səbəb olur, orqanizmi günrah edir və yüngülluk bəxş edir.
Əgər axşam 1 stəkan alma şirəsi içilərsə, yuxusuzluğu aradan qaldırır və cinsi zəifliyin qarşısını alır. Almanın faydalı mineralları qabığın atında yığıldığından onu soymadan yemək məsləhət görülür. Əgər həzm sistemində bir problem varsa, çiy alma ən yaxşı vasitədir.
XƏBƏR LENTİ
- ŞƏRHLƏR