Giriş
Bağla

Yaradıcılıq və təhsil məzuniyyətləri - sosial məzuniyyətlər

CƏMİYYƏT / Qadın və hüquq

 

YARADICILIQ VƏ TƏHSİL MƏZUNİYYƏTLƏRİ 

Maddə 122. Yaradıcılıq məzuniyyətləri və onların müddətləri

1. İşəgötürənlə əmək münasibətlərində olmaqla yanaşı aspiranturada, doktoranturada müvafiq elmi dərəcə almaq üçün təhsilini davam etdirən işçilərə dissertasiya işlərini tamamlamaq, həmçinin müəlliflərə dərsliklər və ya dərs vəsaiti yazmaq üçün ödənişli yaradıcılıq məzuniyyətləri verilə bilər. 

2. Fəlsəfə doktoru elmi dərəcəsi almaq üçün dissertasiya işini tamamlamaqdan ötrü iki təqvim ayınadək, elmlər doktoru elmi dərəcəsi almaq üçün dissertasiya işini tamamlamaqdan ötrü isə üç təqvim ayınadək ödənişli yaradıcılıq məzuniyyəti verilir. Bu yaradıcılıq məzuniyyətlərindən işçi müvafiq elmi şuranın qərarına uyğun olaraq ona verilən arayış əsasında istifadə edir. 

3. İşləməklə yanaşı doktoranturada təhsil alan (o cümlədən doktoranturaya daxil olmaq üçün) işçilərə hər tədris ilində 30 təqvim günüödənişli məzuniyyət verilir.

4. Dərsliklər və ya dərs vəsaitləri yazmaqla məşğul olan işçilərə müvafiq icra hakimiyyəti orqanının qərarı ilə və arayışı əsasında 3 ayadək ödənişli yaradıcılıq məzuniyyəti verilə bilər.

5. Müvafiq elmi şura və ya müvafiq icra hakimiyyəti orqanı yaradıcılıq məzuniyyətlərinin müddətini və onlardan istifadə olunmasıməsələlərini qabaqcadan işəgötürənlə məsləhətləşməklə müəyyən etməlidir.

6. Yaradıcılıq məzuniyyəti müddətində ödənilən əmək haqqı işçinin vəzifəsi (peşəsi) üçün müəyyən olunmuş aylıq əmək haqqından hesablanır.

Maddə 123. Ödənişli təhsil məzuniyyətləri

1. İşləməklə yanaşı təhsil alan işçilərə aşağıdakı ödənişli təhsil məzuniyyətləri verilir:

a) müvafiq tədris mövsümü sessiyalarında tədris-təlimdə iştirak etmək, laboratoriya işlərini yerinə yetirmək, yoxlamaları və imtahanlarıvermək üçün;

b) dövlət imtahanlarını vermək üçün;

c) diplom layihəsini (işini) hazırlamaq və müdafiə etmək üçün.

2. Ödənişli təhsil məzuniyyəti müddətində işçiyə bu Məcəllənin 177-ci maddəsində nəzərdə tutulmuş qaydada müəyyən edilən ortaəmək haqqı ödənilir.

Maddə 124. Təhsil məzuniyyətlərinin müddətləri

1. Ali məktəblərin axşam şöbələrində oxuyan işçilərə laboratoriya işlərini yerinə yetirdikləri, yoxlama və imtahan verdikləri dövrdə hər tədris ilində birinci və ikinci kurslarda 20 təqvim günü, qalan kurslarda 30 təqvim günü müddətində məzuniyyət verilir.

2. Orta ixtisas məktəblərinin axşam şöbələrində oxuyan işçilərə laboratoriya işlərini yerinə yetirdikləri, yoxlama və imtahan verdikləri dövrdə hər tədris ilində birinci və ikinci kurslarda 10 təqvim günü, qalan kurslarda 20 təqvim günü müddətində məzuniyyət verilir.

3. Ali təhsil müəssisələrinin qiyabi şöbələrində oxuyan işçilərə laboratoriya işlərini yerinə yetirdikləri, yoxlama və imtahan verdikləri dövrdə hər tədris ilində birinci və ikinci kurslarda 30 təqvim günü, qalan kurslarda 40 təqvim günü, orta ixtisas təhsili müəssisələrinin qiyabi şöbələrində oxuyan işçilərə isə birinci və ikinci kurslarda 20 təqvim günü, digər kurslarda 30 təqvim günü müddətində məzuniyyət verilir. 

4. Ali və orta ixtisas təhsili müəssisələrinin qiyabi şöbələrində təhsil alan işçilərə dövlət imtahanları dövründə 30 təqvim günümüddətində məzuniyyət verilir.

5. Diplom işinin hazırlandığı və müdafiə edildiyi dövrdə ali təhsil müəssisələrinin qiyabi şöbələrində təhsil alan işçilərə 4 təqvim ayınadək, orta ixtisas təhsili müəssisələrinin qiyabi şöbələrində təhsil alan işçilərə isə 2 təqvim ayınadək məzuniyyət verilir.

6. Peşə məktəblərində, peşə litseylərində istehsalatdan ayrılmadan təhsil alan işçilərə imtahanlara hazırlaşmaq və imtahanları verməküçün tədris ilində 30 təqvim günü müddətində məzuniyyət verilir.

7. Ümumtəhsil müəssisələrinin qiyabi qruplarında təhsil alan işçilərə buraxılış siniflərində imtahanlarını vermək üçün 20 təqvim günümüddətində məzuniyyət verilir. 

8. Bu maddədə nəzərdə tutulmuş məzuniyyətlərdən təhsil proqramları ilə müəyyən edilən dövrlərdə, təhsil müəssisəsinin verdiyi arayışəsasında istifadə oluna bilər.

SOSİAL MƏZUNİYYƏTLƏR 

Maddə 125. Hamiləliyə və doğuşa görə məzuniyyətlər

1. Hamiləlik dövründə və doğuşdan sonrakı dövr üçün işləyən qadınlara 126 təqvim günü (doğuşdan əvvəl 70 təqvim günü vədoğuşdan sonra 56 təqvim günü) müddətində ödənişli məzuniyyət verilir. Doğuş çətin olduqda, iki və daha çox uşaq doğulduqda doğuşdan sonrakı məzuniyyət 70 təqvim günü müddətində verilir.

2. Kənd təsərrüfatı istehsalında çalışan qadınlara hamiləliyə və doğuşa görə məzuniyyət aşağıdakı müddətlərdə verilir:

a) normal doğuşda 140 təqvim günü (doğuşdan əvvəl 70 təqvim günü və doğuşdan sonra 70 təqvim günü);

b) doğuş çətin olduqda 156 təqvim günü (doğuşdan əvvəl 70 təqvim günü və doğuşdan sonra 86 təqvim günü);

c) iki və daha çox uşaq doğulduqda 180 təqvim günü (doğuşdan əvvəl 70 təqvim günü və doğuşdan sonra 110 təqvim günü).

Maddə 126. Uşaqları övladlığa götürmüş qadınların məzuniyyət hüquqları

İki aylığadək yaşında uşağı övladlığa götürən, yaxud övladlığa götürmədən böyüdən qadınlar doğuşdan sonra müəyyən edilmiş 56 günlük sosial məzuniyyətdən, həmçinin bu Məcəllənin 117-ci maddəsi ilə müəyyən edilmiş əlavə və 127-ci maddəsində nəzərdə tutulmuşqismən ödənişli məzuniyyətlərdən istifadə etmək hüququna malikdirlər.

Maddə 127. Qismən ödənişli sosial məzuniyyət hüququ və ondan istifadə qaydaları

1. Uşağa bilavasitə qulluq edən valideynlərdən biri, yaxud ailənin başqa üzvü uşağın üç yaşı tamam olanadək ona qulluq etməkdənötrü qanunvericiliklə müəyyən edilmiş məbləğdə müavinət verilən qismən ödənişli sosial məzuniyyət almaq hüququna malikdirlər.

2. Uşağa qulluq edən işçi yazılı ərizəsi əsasında qismən ödənişli sosial məzuniyyət hüququndan tam, yaxud hissə-hissə istifadə edə bilər.

Əziz xanımlar, növbəti xəbərimiz MƏZUNİYYƏT HÜQUQUNUN HƏYATA KEÇİRİLMƏSİ QAYDALARI haqqında olacaq. 

 - Məzuniyyət hüququ verən əmək stajı hesablanarkən nəzərə alınan və alınmayan dövrlər, Əmək məzuniyyətlərinin verilməsində növbəlilik, Məzuniyyətin hissələrə bölünməsi və məzuniyyətdən geriçağırma qaydası və.s. bu kimi bir çox məsələlərə toxunacağıq.

 

 



Şərhlər (35)

SAMISHKA SAMISHKA 2 October 2011 21:55 Cavab yaz

tesekkurler,gelecekde lazim olar insallah
_RIANA_ _RIANA_ 2 October 2011 21:51 Cavab yaz

Sitat: afa75
Mən bilən analıq məzuniyyəti 3 il idi axı

axi indi işi olan qadinlar 3il evde işsiz qala bilmirler.
QWEN85 QWEN85 2 October 2011 21:17 Cavab yaz

Melumatlandirdigin uchun teşekkurler winked

Sitat: afa75
Bunu başa düşmədim. Bu analıq məzuniyyətidir? Mən bilən analıq məzuniyyəti 3 il idi axı

Sehv etmiremse, 3 il pulsuz mezuniyyetdi, yeni mezuniyyete chixanin oz hesabina. Amma 70 ve 56 teqvim gunleri ise dovlet hesabina. feel
A-N-ar (Realist) A-N-ar (Realist) 2 October 2011 20:56 Cavab yaz

Lazımlı məlumat üçün minnətdaram sizə..
Menecment Menecment 2 October 2011 20:40 Cavab yaz

beyendim xeberi ama yariya qeder oxudum feel
creativka creativka 2 October 2011 20:35 Cavab yaz

inwallah dekabracan oxuyuruq,fevraldan mayin axirina kimi de praktikadi,praktikani sebirsizlikle gozleyirem,wukur instdan bu il canim qurtarir smile ses de verdim urek,twk
emilya86 emilya86 2 October 2011 20:10 Cavab yaz

sag ol
Peculiar Peculiar 2 October 2011 19:24 Cavab yaz

Melumatlandirdigin ucun cox sag ol.
deyerlim deyerlim 2 October 2011 19:11 Cavab yaz

Hamiləlik dövründə və doğuşdan sonrakı dövr üçün işləyən qadınlara 126 təqvim günü (doğuşdan əvvəl 70 təqvim günü vədoğuşdan sonra 56 təqvim günü)

Bunu başa düşmədim. Bu analıq məzuniyyətidir? Mən bilən analıq məzuniyyəti 3 il idi axı belay
aishvarya rai aishvarya rai 2 October 2011 17:33 Cavab yaz

cox sag ol deyerli melumat ucun tesekkurler
sabrin sabrin 2 October 2011 17:25 Cavab yaz

Bu lap yerine duşdu. Teşekkurler canim
huseynova.gullu huseynova.gullu 2 October 2011 16:05 Cavab yaz

cox sagol. mene dokturantura ucun olan hisse lazim idi. elerine saliq
Niyaz Behlulzade Niyaz Behlulzade 2 October 2011 15:45 Cavab yaz

Axıra kimi diqqətlə oxudum.Minnətdaram maarifləndirdiyiniz üçün.
heyatim menim heyatim menim 2 October 2011 15:35 Cavab yaz

xebere gore tesekkur edirem.
lovable_madam lovable_madam 2 October 2011 15:16 Cavab yaz

men hamileliye ve dogusa gore olan mezuniyyet isteyirem wink INŞAALLAH haqqimizda xeyirlisi ile.....
Əvvəlki səhifə Növbəti səhifə

Add comment

  • reload, if the code cannot be seen


Qadin.Net

Яндекс.Метрика