Ağır bir yeməkdən sonra "Aman Allah! Məhv oldum!" deyə düşünməyin. Bəziləri bu ağır yeməkdən sonra çox aşağı kalorili bir pəhriz tutur və ya çoxlu məşq etməyi çıxış yolu kimi görürlər. Ancaq bunlara ehtiyac yoxdur. Ağır yemək yedikdən sonra bədəninizin istirahət etməsi, özünü yaxşılaşdırması və toksinlərdən təmizləməsi lazımdır. Əgər yaxın zamanda həddən artıq yemək yemişiksə, fiziki və zehni cəhətdən bunun öhdəsindən gəlmək üçün bu yeddi məsləhətə əməl edin.
1. Təlaşlanmayın
Ağır bir yeməkdən sonra təlaş etməyiniz normaldır. Təbii olaraq yedikdən sonra "Görəsən, neçə kalori aldım" deyə düşünürsünüz. Lakin unutmayın ki, yediyiniz yalnız yeməkdir, yəni nə dostunuzdur, nə də ki, düşməniniz. Kartof qızartması sizdən nifrət etmədiyi kimi, salatlar da sizə aşiq deyil. Nəticədə yemək dediyimiz şey kədərli olduğumuz zaman, hətta bəzən çox xoşbəxt olduğumuz zaman yediyimiz cansız obyektlərdən ibarətdir. Yeyilən ağır yeməkdən sonra stressə düşmək sizə zərər verəcək.
2. Öhdəsindən gəlməyə çalışmayın
Bir çox qadın ağır yeməyin səhəri günü heç bir şey yeməyərək, ya da aşağı kalorili pəhriz tutaraq bu problemin öhdəsindən gəlməyə çalışır. Bunu etmək bədəninizin maye - elektrolit tarazlığını pozmaqla yanaşı, bədəninizi bir başqa ağır yemək seansına hazırlayar. Çox yemək və ya heç yeməmək yerinə orta yolu tapmağa çalışın.
3. İştahaçan yeməklərdən çəkinin
Özünüzə "Görəsən, məni bu qədər çox yeməyə vadar edən şey nədir?" deyə sual verdinizmi? Həqiqətən, çox acmışdınız, yoxsa yalnız evdə təkbaşınıza olduğunuz üçün çox yediniz? Məsələn, əgər çipsi və ya popkorn və s. yeməkdən özünüza saxlaya bilmirsinizsə, bir müddət bu ərzaqları almayın və yemə vərdişinizin dəyişib-dəyişmədiyinə diqqət yetirin. Ümumiyyətlə, insanları çox yeməyə sövq edən şeylərdən biri evdə tezbazar, yəni hazır yeməklərin olmasıdır. Sizi çox yeməyə məcbur edən şey budursa, mətbəxinizdə tezbazar ərzaqlar işlətməkdən çəkinin.
4. Detoks edin
Yediyiniz ağır yeməkdən sonra özünüzü narahat hiss edirsinizsə, detoks yaxşı fikir ola bilər. Təbii ki, qeyri-adi nəyisə sınamağa cəhd etməyin. Amma yediyiniz şeylərə görə bəzi qida qruplarından istifadə etməmək yaxşı olar. Məsələn, böyük bir pizzanı tək başınıza yemisinizsə, çörək yeməyin. Artıq bədəniniz əvvəlki gün pizzayla aldığınızı həzm etməklə məşğul olacaq. Yəni səhəri günü yalnız meyvə, tərəvəz, qoz-fındıq yeməklə bədənin istirahət etməsinə köməkçi olmaq ən yaxşı variantdır.
5. Bolluca su için
Ağır yeməkdən sonra qəbizlik və ya digər həzm problemləriylə qarşılaşa bilərsiniz. Ağır yeməkdən sonra bolluca su içmək çox əhəmiyyətlidir. Yeməkarası su içilmədiyi üçün bədəniniz dehidrasiyaya uğraydır. Gündə səkkiz stəkandan çox su içməyi unutmayın, ağır yeməklərdən sonra daha çox su için.
6. Düşüncələrinizi yazın
Ağır yeməkdən sonra özünüzü stress altında hiss edirsinizsə, düşüncələrinizi kağıza yazmağa başlayın. Özünüzə müsbət xüsusiyyətlərinizi sıralayan bir məktub yazmaq ağır yeməkdən sonra stresinizi atmağa kömək edə bilər. Ən yaxşısı, yediyiniz şeylərin bir gündəliyini tutmaqdır. Yediyiniz şeyləri gündəliyinizə yazmağınız sizi çox yeməkdən uzaqlaşdıra bilər.
7. Həyatınıza davam edin
Kiçik bir yemək sevdası günün sonunda sizi hirsləndirməyə dəyəcək bir şeydirmi? Nəticədə o yeməyi yedikdən sonra ediləcək bir şey yoxdur. Edə biləcəkləriniz isə çox yemək yediyinizi qəbul etməyiniz, bir daha eyni səhvi etməyəcəyinizi özünüzə təkrar etməyiniz və həyatınıza davam etməyinizdir. Bir dəfə ağır yemək yemək sizi pis, axmaq və ya dəyərsiz birinə çevirməyəcək. Gün ərzində yediklərinizi yadınıza salmağınız sizi sağlamlığınız üçün zərərli vərdişlərə və davranışlara yönəldə bilər. Ağır yemək yeməyin dünyanın sonu olmadığını və bunun öhdəsindən gələ biləcəyinizi özünüzə xatırladın.
Heç kim həddindən artıq yemək yeməkdən və bunun əmələ gətirdiyi fiziki və zehni problemlərdən həzz almır. Bu cür yeməkləri azaldın və yedikdən sonra da bunun mənfi nəticələrinin öhdəsindən gəlməyin minlərlə yolu olduğunu özünüzə xatırladaraq uzanın və dincəlin.
Xanımlar, həddindən artıq yemək seanslarından sonra özünüzə gəlmək üçün ümumiyyətlə nələr edirsiniz?
XƏBƏR LENTİ
- ŞƏRHLƏR