Qaçış bantı üzərində və idman salonunda saatlarla tər axıtdıqdan sonra bir də baxırsınız ki, dəli kimi acmısınız; hətta aclıqdan ölmək dərəcəsindəsiniz. Ağılınıza ilk gələn şey böyük bir hamburger olur?
Narahat olmayın bunu yaşayan yalnız siz deyilsiniz. Bu təbiətin mərhəmətsiz bir həqiqətidir. Bədəninizin xərclədiyi kalorilər yeni kalorilərə can atır. Bədəniniz təbii olaraq bu əskikliyi fərqinə varır və aclıq siqnallarını göndərməyə başlaryır.
Bu vəziyyətin həlli əlbəttə, məşq etməkdən imtina etmək deyil, məşq sonrasında baş qaldıran aclıq böhranlarını nəzarət etməyi öyrənməkdir. Beləcə kilo vermək heçdə çətin olmayacaq.
Məşq sonrasında nə qədər ac olacağınızın qəti bir ölçüsü yoxdur. Bu vəziyyət adamdan adama dəyişik olur. Hətta bəziləri üçün məşq iştahı belə bağlayır. Tərdən islaq olmaq və yorğunluq kimiləri üçün aclığın qabağına keçər və aclıq hissini basdırar. Kimiləri isə tam tərsi yandırdıqları kalorilərə qarşılıq sərhədsiz olaraq yemək yeyə biləcəyini düşünər və özlərini yeməklə mükafatlandırmaq istəyər.
Çox təəssüf ki, bir məşqdə yandırdığınız kalori miqdarını yediklərinizə diqqət etmədikcə geri ala bilərsiniz.
Bu vəziyyətdən qaçmağın ən yaxşı yolu xərclədiyiniz və aldığınız kaloriləri izləməkdir. İtirdiyiniz kalorilərin aldığınız kalorilərdən çox olduğuna əmin olun, bu şəkildə kilo verməyinizə maneə törədəcək heç bir şey ola bilməz.
Məşq əvvəli nə yeməliyik?
Qısa çəkən məşq edəcəksinizsə, məşq əvvəli bir şey yeyib yemədiyinizin çox da əhəmiyyəti yoxdur. Çünki əzələlərinizdə o məşq boyunca sizə çatacaq kafi miqdarda glikogen formasında yanacaq var.
Daha uzun və davamlı məşqlərin əvvəlində məşqə başlamadan yarım saat əvvəl meyvə və ya çox sadə şəkərsiz içki için. Bu məşq boyu ehtiyac duyduğunuz enerjini təmin etməyə çatacaq.
Əgər tez-tez və uzun çəkən məşq planlayırsınızsa, məşqinizdən 1 saat-45 dəqiqə əvvəl kiçik pay yemək yeyə bilərsiniz. Çox yeməməyə diqqət etməlisiniz, çünki məşq əvvəli çox yemək köp hissinə və mədənizin sıxılmasına səbəb olacaq.
Bəzi məşq əvvəli pay təklifləri:
Bir ovuc fındıq (təxminən 10 ədəd),
10 ədəd kişmiş və 4 quru ərik
Az yağlı qatıq
1 çay qaşığı şəkərsiz fıstıq əzməsi və bir alma
Bir kasa qarğıdalı yarması, yulaf, az yağlı süd ilə
Kalori hesabında səhv etməmək üçün məşq əvvəli aldığınız payı tutduğunuz qidalanma dəftərinə qeyd etməyi unutmayın.
Məşq sonrası nə yeməli?
Məşq sonrasında tam taxıllı karbohidratlarla əzələlərinizin glikogen anbarlarını doldurun və yağsız zülal ilə köhnələn əzələlərinizi təmir edin və yeni əzələ kütləsi əlavə edin.
Məşq sonrası payınızı məşqin bitməsindən sonrakı ilk 1 saat ərzində qidalanın. Əks halda aclıq dözülməz ölçülərdə hiss edilə bilər və sizi bəslənmə proqramınızın xaricinə çıxaracaq dərəcəyə çata bilər.
Məşq sonrası payınızı da mütləq qidalanma cədvəlinizə qeyd edin.
Susuz qalmayın
Bədənin susuz qalması məşqin keyfiyyətinə mənfi təsir edir.
Məşq əvvəli və sonrasında kafi miqdarda su içdiyinizdən əmin olun. 2 % nisbətində susuz qalmaq belə məşq keyfiyyətini aşağı sala bilər.
Nizamlı və kafi miqdarda su içmək aclıq böhranları ilə də mübarizə aparmağa kömək olar, çünki xüsusilə ciddi ölçüdə susuz qaldığımız vəziyyətlərdə aclıq hissi və sususzluk hissi bir-biri ilə qarışdırıla bilər.
Aclıqla mübarizə
Məşq sonrasında kalorisi aşağı olan, zülal və karbohidrat ehtiyacınızı qarşılayacaq qidalar seçilməlidir. Bundan başqa şəkərsiz saqqız çeynəmək ilk anda baş qaldıran aclıq hissini yatırır.
XƏBƏR LENTİ
- ŞƏRHLƏR