Bədənimizdə ikinci beyin kəşf edilib.
Qadin.Net publika.az-a istinadən xəbər verir ki, bununla bağlı avstraliyalı alimlər araşdırma aparıb.
Araşdırma zamanı bağırsaqlarda sinxron şəkildə işləyən bir beynin mövcud olduğu qənaətinə gəlinib. Avstraliyalı tədqiqat qrupu bağırsaqların beyindən və onurğa iliyindən müstəqil olaraq işlədiyini açıqlayıb. Onların fikrincə, bağırsaqlar yaydığı elektrik dalğası ilə qidaların həzm sistemində fəaliyyətini təmin edir və bütün bunları sinxron şəkildə həyata keçirən isə bədəndəki ikinci beyindir. Alimlər ikinci beynin kəşfi ilə bağırsaqların qarışıq quruluşunu daha yaxşı anladıqlarını bildirib.
Bağırsaq sinir sistemi bağırsaqların hərəkətinə nəzarət edən milyonlarla neyrona malikdir. Lakin bu mexanizm bu vaxta qədər alimlərin diqqətindən qaçıb.
Bu mexanizmin anlaşılması üçün Flinders Universitetinin bir qrup alimi öldürdükləri siçanın qalın bağırsağındakı 400 min neyronu incələyib. Alimlərin fikrincə, bu araşdırma bağırsaq xərçəngi kimi xəstəliklərin müalicəsində kömək edəcək.
XƏBƏR LENTİ
- ŞƏRHLƏR