"Azərbaycanda telekommunikasiya və informasiya texnologiyalarının inkişafına dair strateji yol xəritəsi"ndə əks olunmuş tədbirlərin həyata keçirilməsi 2020-ci ilədək ölkə ÜDM-nin 235 milyon manat artrılmasına imkan verəcək.
Qadin.Net Trend-ə istinadən bildirir ki, bunu İqtisadi İslahatların Təhlili və Kommunikasiya Mərkəzinin icraçı direktoru Vüsal Qasımlı deyib.
V.Qasımlı bildirib ki, göstərilən dövrədək İKT sahəsində 1450 yeni iş yerinin yaradılması gözlənilir: "Qarşıya qoyulan tapşırıqların yerinə yetirilməsi ölkəyə iri investisiyalar cəlb etməyə, bank və təhsil sahələrində yeni rəqəmsal texnologiyaların tətbiqinə və s. imkan verəcək".
İcraçı direktor Dünya Bankının Azərbaycanı İKT sahəsinin inkişaf perspektivləri üzrə TOP-10-luğa daxil etdiyini xatırladıb.
XƏBƏR LENTİ
