İnternet zaman anlayışını fərqli edirmiş. FaktXəbər-in verdiyi məlumata görə, bu barədə Kent Universitetinin əməkdaşlarının apardıqları araşdırma nəticəsində məlum olub. Belə ki, yeni təcrübə üçün onlar 44 könüllünü cəlb ediblər. Onlara 20 təsvir göstərilib. Onların hər birinə iştirakçılar müəyyən vaxt ərzində baxıblar. Təsvirlərdən 5-i Facebook-dan, daha 5-i ümumiyyətlə internetdən götürülüb, qalan şəkillər isə neytral olub.
Milli.Az faktxeber.com-a istinadən bildirir ki, könüllülərdən təsvirlərə nə qədər baxdıqları soruşulub. Araşdırmalarda hər iki halda iştirakçılar üçün zaman dərkinin fərqli olduğu üzə çıxıb. Məlum olub ki, ümumilikdə internetlə bağlı olan fotolara nisbətən Facebook-la əlaqədar təsvirlərdə insanlar zamanı dəyərləndirə bilməyiblər.
Bundan əvvəl Mayns Universiğtetinin alimləri müəyyənləşdirmişdilər ki, depresiya zaman anlayışını pozur. Mütəxəssislər 16 araşdırmanı analiz ediblər. Ümumilikdə sınaqda 433 depresiyalı və 485 depresiyasız insan iştirak edib. Elm adamlarının qənaətinə görə, depresiyadan əziyyət çəkənlər elə düşünür ki, zaman çox asta gedir, ya da vaxt ümumiyyətlə keçmir.
Milli.Az
XƏBƏR LENTİ
