1-ci məsləhət.
Hər səhər 1 xörək qaşığı kətan toxumu çeynəyib udun, arxasınca da 1 stəkan ilıq su için, yarım saat sonra yemək yeyin. Bu sizin orqanizminizi təmizləyəcək, dərinizi cavanlaşdıracaq və təzələyəcək. Kətan toxumu sizin saçlarınızı və dırnaqlarınızı da möhkəmləndirəcək, saçlarınız daha da parlaq olacaq.
2-ci məsləhət.
Milli.Az immunitet.az-a istinadən bildirir ki, hər gün yediyiniz salata bişmiş çuğundur əlavə edin. Bunu səhər və ya axşam fərqi yoxdur, gündə ən azı bir dəfə edin. Çünki çuğundurun qanı təmizləmək qabiliyyəti var. Qanın təmiz olmasının isə dəri başda olmaqla bütün orqanizmə təsiri çox böyükdür. Uzun müddət çuğundur yemək, daxili orqanların fəaliyyətini yaxşılaşdırmaqla əhval-ruhiyyəni qaldıracaq və sizi gümrahlaşdıracaq.
3-cü məsləhət.
Hər gün yatmazdan yarım saat əvvəl üzünüzün dərisinə qliserin və E vitamininin qarışımını sürtün. Bunun üçün 30 qram qliserinə 10 kapsul E vitamin əlavə edib qarışdırın və şüşə qabda saxlayın. Qarışımı üzünüzə sürtdüyünüz zaman barmaqlarınızın ucu ilə üzünüzü massaj edin. Bu prosedur dərinin qan dövranını yaxşılaşdırır, üzə təbii rəng və elastiklik bəxş edir.
4-cü məsləhət.
Gün ərzində ən azı 50 qram qoz yeyin. Bu sizin saçlarınızı və dırnaqlarınızı lazım olan vitaminlərlə qidalandıracaq. 2 həftə hər gün qoz yesəniz bizə minnətdar olacaqsınız.
5-ci məsləhət.
3 gündən bir saçlarınıza maska yaxın. Maskanı buğda kəpəyindən hazırlanmış horraya bitki yağı və istiot qataraq hazırlayın. Maska saçlara yaxılır və 20-30 dəqiqə sonra yuyulur. Bu maskanı saçlarınıza ən az 2 ay tətbiq etsəniz, saçlarınızın necə gözəlləşdiyini özünüz görəcəksiniz.
6-cı məsləhət.
Hər axşam yatmazdan əvvəl ayağınıza pambıq və yun qarışımından olan corab geyinin. Corab geyməzdən əvvəl ayağınıza nanə yağı damızdırılmış bitki yağı sürtün və bunu ilin hər fəslində edin. Bu prosedur sizin dabanlarınızı yumşaltmaqla yanaşı, yuxunuzu dərinləşdirəcək.
7-ci məsləhət.
Kipriklərinizə qulluq edin. Bunun üçün boş tuş qabına buğda yağı damızdırın və təmiz tuş şotkası ilə gündə 2-3 dəfə kipriklərinizə buğda yağı çəkin. Bu sizin kipriklərinizin dibini möhkəmlətməklə yanaşı, tüklərinizi qalınlaşdıracaq.
8-ci məsləhət.
Dərinizin qayğısına qalın. Gözəl dəriyə sahib olmaq istəyirsinizsə, dəniz duzu qatılmış vanna qəbul edin, ya dərinizi yağlı smetana qatılmış dəniz duzu ilə massaj edin və sonra yuyunun. Hazırlanan qarışımın qalanını isə soyuducuda saxlayın. Bu prosedur sizin dərinizi həm dezinfeksiya edəcək, həm də qidalandıracaq.
9-cu məsləhət.
Dərinizi ətirləndirin. Bunun üçün yuyunduqdan sonra dərinizə ətirli bitki yağlarından birini çəkin.
10-cu məsləhət.
Saçlarınızı yuduqdan sonra kənarda hazırladığınız su ilə yaxalayın. Həmin suya bir-neçə damcı nanə yağı (1 litr suya 5 damcı) damızdırın.
Milli.Az
XƏBƏR LENTİ
