Bakıda "GAZ 12 ZİM" markalı avtomobil fantastik qiymətə satışa çıxarılıb. Onu bu qədər qiymətli edən isə retro olmasıdır. Milli.Az Xezerxeber.com-a istinadən bildirir ki, avtomobilin qiymətinin belə baha olmasının səbəbi isə onun, heç bir detalının dəyişdirilməməsidir.
Öz dövründə olduğu kimi indi də bir çoxları üçün əlçatmazdır. 62 ilin avtomobili 100 min dollar satılır. "GAZ 12 ZİM" markalı bu avtomobil, 1954-cü il istehsalıdır. Amma sanki zavoddan təzə çıxıb. Avtomobil mexaniki sürət qutusuna malikdir. İstəhsal edildiyi gündən 62 il ötməsinə baxmayaraq, saz vəziyyətdədir. Üstəlik heç bir detalı da dəyişdirilməyib.
Mühərrikinin həcmi 2,1 litr olan maşın yegane müdaxilə yenidən cilalanmasıdır. Çünki yarım əsrdən artıq yaşı olan avtomobilin rəngi solubmuş. Avtomobil 22 ildir ki, İmanqulu İmanquliyevdədir. Sahibinin sözlərinə görə, maşın bu illər ərzində sürülməyib və qarajda saxlanılıb.
Avtomobilin uzunluğu 5 metrdən çoxdur. Salon, zəngin görnüşü ilə diqqət çəkir. Maşın, siqaret çəkmək üçün elektrik alışqanı, külqabı və bir həftəliyə qurula bilən saatla təchiz olunub. Radiosu işləsə də müassir dalğanı qəbul etmədiyindən alıcı ona əlavə qurğu quraşdırmalı olacaq. Yəni bu avtomobil dövrünün ən komfortlu komplektasiyasına malikdir.
Mənbə: Milli.Az
XƏBƏR LENTİ
