VIII əsrə aid tarixi memarlıq abidəsi - xalq arasında "Göy günbəz", "Göy məscid" yaxud "Göy İmam" kimi tanınan "İmamzadə" kompleksi Gəncə şəhərinin və bütövlükdə ölkəmizin ən dəyərli memarlıq abidələrindən biri hesab edilir. Bu kompleksin ən qiymətli abidəsi türbədir. Burada beşinci imam Məhəmməd Baqirin oğlu İbrahim dəfn olunub.Memarlıq quruluşuna görə türbənin XIV əsrin sonu - XV əsrin əvvəllərində, ətrafındakı kompleksin isə XVII əsrdə tikildiyi ehtimal edilir. Türbə sonralar ziyarətgaha çevrilib və onun ətrafında müxtəlif binalar inşa edilib. Orta əsr Azərbaycan memarlığının dəyərli nümunələrindən olan "İmamzadə" piri Şərqin qədim karvan-ticarət yolunun üzərində yerləşib. "İmamzadə" əsrlərdən bəri Azərbaycanın müxtəlif bölgələrindən, eləcə də başqa ölkələrdən gələn müsəlmanların ziyarətgahı olub.Müxtəlif vaxtlarda dağıntılara məruz qalan "İmamzadə" kompleksi XIX əsrdə bərpa edilib. Bu dini abidə Gəncənin qədimliyini sübut etməklə yanaşı, şəhərin İslam aləmindəki yerini və nüfuzunu da göstərir. Kompleks Gəncə Dövlət Tarix-Mədəniyyət Qoruğu ərazisində yerləşir və orta əsr Azərbaycan memarlığının qiymətli abidələrindən hesab edilir. Ölkənin dini-tarixi abidələrinin tamamilə yenidən qurulmasına və gələcək nəsillərə çatdırılmasına həssaslıqla yanaşan prezident İlham Əliyev bu kompleksin də təmiri və bərpasına xüsusi diqqət göstərib. İnsanların inam və inanc yeri kimi üz tutduğu bu məbəd məhz dövlətimizin başçısının sərəncam və göstərişləri sayəsində belə gözəl görkəm alıb.Azərbaycan prezidenti İlham Əliyev əvvəlcə respublika ictimaiyyətinin nümayəndələri və din xadimləri ilə görüşdü.Mərasim müqəddəs "Qurani-Kərim"dən ayələrin oxunması ilə başladı.
Dövlətimizin başçısı mərasimdə nitq söylədi.Sonra Qafqaz Müsəlmanları İdarəsinin sədri, şeyxülislam Allahşükür Paşazadə çıxış etdi.Şeyxülislam Allahşühür Paşazadə dövlətimizin başçısına "Qurani-Kərim" hədiyyə etdi.Daha sonra Bakı və Azərbaycan Yeparxiyasının arxiyepiskopu Aleksandr İşein, Dağ yəhudiləri dini icmasının sədri Milix Yevdayev, Azərbaycan Katolik Kilsəsinin rəhbəri Vladimir Fekete və Gəncə Dövlət Universitetinin dekanı Mübariz Yusifov çıxış etdilər.
Mübariz Yusifov "Gəncə İmamzadə ziyarətgahı" kitabını Azərbaycan prezidentinə təqdim etdi.Mərasimdən sonra dövlətimizin başçısı "İmamzadə" kompleksində yaradılan şəraitlə tanış oldu.Prezident İlham Əliyevə "İmamzadə" dini kompleksinin təmiri, bərpası və ətrafında aparılan abadlaşdırma işləri barədə məlumat verildi. Bildirildi ki, burada yenidənqurma və abadlıq işlərinə 2010-cu ilin mayında başlanılıb. "İmamzadə" kompleksinə daxil olarkən ilkin tikili 17 metrlik Baştağ - portaldır. Bu portalın ümumi uzunluğu 24, eni 7,5, hündürlüyü isə 17 metrdir. Keçid darvazanın hər iki tərəfində mişar daşından yardımçı otaqlar tikilib. Kompleksin abadlaşdırılan ərazisi 10 hektardır ki, onun da 5,8 hektarı ziyarətgahın mövcud sahəsidir. Ümumilikdə 6 hektar sahə hasara alınıb və kərpiclə üzlənib.Kompleksdə ümumi sahəsi 2 min kvadratmetrdən çox üçmərtəbəli əsas bina inşa olunub. Buraya qadın və kişilər üçün dəstəmazxanalar, anbar, inzibati və texniki otaqlar, mehmanxana daxildir. Kompleksdə qadın və kişilər üçün ayrı-ayrılıqda iki namaz zalı var. Binada xəttatlıq və kaşı materialları ilə üzləmə işləri yüksək sənətkarlıqla yerinə yetirilib. Ziyarətçilərin ixtiyarına dini kitabxana, konfrans zalı, muzey də verilib.
Dövlətimizin başçısı beşinci imam Məhəmməd Baqirin oğlu İbrahimin məzarının yerləşdiyi türbədə oldu.Qafqaz Müsəlmanları İdarəsi sədrinin qərb bölgəsi üzrə səlahiyyətli nümayəndəsi hacı Tahir Abbasov dinimizə göstərdiyi qayğıya, bu dəyərli sənət əsərini Gəncəyə hədiyyə etdiyinə görə dövlətimizin başçısına şəhər sakinləri və dindarlar adından dərin minnətdarlığını bildirdi.Kompleksin ziyarətgah binası da müasir səviyyədə qurulub. Ziyarətgahda qədimliyi saxlamaq şərtilə hündürlüyü 45 metr olan iki minarə, iki namaz zalı və ziyarət zalı tikilib. Ziyartəgahın ümumi hündürlüyü 28 metr, tikinti sahəsi isə 842 kvadratmetrdir."İmamzadə" kompeksində ümumi sahəsi 220 kvadratmetr olan qurbangah binası da inşa edilib. Ziyarətgahın 1000 nəfərlik zal və mətbəxdən ibarət ehsanxanası da var. Mərasim zalının ümumi sahəsi 1300 kvadratmetrdir.Kompleksdə dini ayinlər üçün Hüseyniyyə və Zeynəbiyyə ibadət zalları var. Günbəzlərin interyeri yağlı boya ilə nəbati naxışlarla işlənib, eksteryeri isə kərpiclə dekorativ şəkildə örtülüb.
Məlumat verildi ki, yenidənqurma işləri zamanı kompleksin ərazisinin abadlaşdırılmasına da xüsusi diqqət yetirilib, 10 min kvadratmetr sahə asfaltlanıb, səkilərə bəzək daşları döşənib, müasir işıqlandırma sistemi quraşdırılıb. Burada 40 min kvadratmetrə yaxın sahədə yaşıllıq zolağı yaradılıb, 7 min kvadratmetr sahəyə döşəmə daşları döşənib, min avtomobil yerlik iki dayanacaq tikilib.Kompleksin belə cazibədar görkəm almasına stimul verən əsas amil prezident İlham Əliyevin görülən işlərə böyük diqqət göstərməsi olub. Təsadüfi deyil ki, dövlətimizin başçısı təmir-bərpa prosesi dövründə üç dəfə bu kompleksə gələrək işlərin yüksək səviyyədə yerinə yetirilməsi üçün tapşırıq və tövsiyələrini verib. Prezident İlham Əliyev "İmamzadə" kompleksinin milli memarlıq ənənələrimizə uyğun şəkildə bərpası və ətrafında abadlaşdırma işlərinin aparılması məqsədilə müxtəlif illərdə dövlət büdcəsində nəzərdə tutulmuş prezidentin ehtiyat fondundan kifayət qədər vəsaitin ayrılması barədə sərəncamlar imzalayıb. Layihəni icra edən "Gəncəkörpütikinti-2" Səhmdar Cəmiyyəti ziyarətgahda təmir bərpa və tikinti işlərini apararkən qədim memarlıq üslubunu saxlamağa xüsusi diqqət yetirib.Sonda "İmamzadə" dini kompleksində ehsan verildi.
Mənbə: Milli.Az
XƏBƏR LENTİ
Ramazan ayının 9-cu günüdür
Azərbaycanda daha 37 nəfər koronavirusdan öldü: 3942 yeni yoluxma
Azərbaycanda hərbi çağırışla bağlı YENİLİK
Azərbaycan tarixindən yüz şəxsiyyət-45
Fransız sayağı şorba (foto resept)
Yeni “AntiCOVID sistemi” təqdim olunub - VİDEO
Qadınlar üçün Ən Təhlükəli 10 Ölkə
Kartof yığımı ötən ilə nisbətən artıb
Çaylarımızda su aşıb-daşdı
Körpənizə balqabaq püresi yedizdirin
"Gəlincik" tortlar
Azərbaycanda üçəm doğuldu!-FOTO
Mehriban Əliyeva qızı ilə konsertdə - FOTO
Dünyanın ən gözəl əkiz qızları - fotolar
Ömrünüzü uzadın
Əmziklərdə və su şüşələrindəki ölüm təhlükəsi.
"Ermənistan-Türkiyə əlaqələrinin normallaşması..."
Bu bakteriyaya qarşı antibiotik tapılmır
Marketlərdəki kassalarda koronavirusa yoluxmaq riski yüksəkdir -VIDEO
İntihar barədə bilinməyən gerçəklər, detallarda gizlənən şeytanlar...
Ərdoğan Davudoğlunun yerinə kimi gətirəcək?
Şahzadənin oğluna şimpanze dedi - İşdən qovuldu
Sadə bantın hazırlanması
Adelin oğlu əlindən alına bilər-SƏBƏB
Körpənin yuxuya rahat getməsi üçün tövsiyələr
Boksçularımız Rusiyada rinqə çıxacaqlar
Zövqlü don modelləri
Bu da uçan avtomobil
Güclü külək və yağış fəsadlar törətdi: Damlar uçdu, xətlər sıradan çıxdı - VİDEO
Burak Özçivit "Diriliş Osman" serialına çəkilir-FOTO
30 ildir özünü korluğa qoyub: "Salam verməkdən bezdim"
BÜRCLƏR bizə nə vəd edir?-23 Mart
Koronavirusdan qorxan 6 min cütlüyün eyni anda toyu oldu
"Güzəşt həmişə mümkündür"
Sıla Ziynet Salı ilə barışdı
Uşaqlarda özünə inam
Yaşlıların ömrünü uzadan 4 idman hərəkəti
İlham Əliyev: Bakı mənim üçün ən gözəl şəhərdir
Ərdoğana Don Kixot dedilər
Korona De Virus adına görə ələ salınan uşağa dəstək oldu - VİDEO
Bu sezonun 4 trendi
Ana südünü artıran içkilər
Keti Perri şahzadə Çarlz haqqında bunları dedi
Yanğının səbəb olduğu fəlakət
Fillər, etnik mənşəyi səsdən müəyyən edə bilir
Bu gün əsl yay havası olacaq
Rusiya XİN Azərbaycan və Türkiyənin birgə hərbi təlimlərinə münasibət bildirib
Aktrisanın əməliyyatdan əvvəlki FOTOsu GÜNDƏM Oldu
İpoteka şərtləri dəyişir
Yer kürəsi 6 gün qaranlıqda qalacaq