Dünyanın ən gözəl və qeyri-adi meşələri
7 582
2
Dünyada macəra sevərləri özünə cəlb edən çoxsaylı meşələr mövcuddur. Müxtəlif ölkələrdə yerləşən bu füsunkar meşələr fotoqrafların da diqqətindən yayınmayıb. Gözəlliyi ilə hər kəsin diqqətini çəkən meşələrə hər il yüzlərlə insan axışıb gəlir. Zəngin bitkilər aləmi, qeyri-adi görünüşü və eyni zamanda təhlükəliliyi, vahiməli görünüşü ilə seçilən meşələr də mövcuddur.
ANS PRESS sizə həm gözəl həm də qeyri-adi meşələri təqdim edir.
Belə meşələrdən bir Çexiya və Slovakiya arasında yerləşən Ağ Karpat meşələridir. Bu meşədə flora aləminin 2000 növü yetişir. Qoruq meşə Çexiyanın ən gözəl parklarından biri hesab olunur. Burada təbiətin inciləri hesab olunan şam ağacı, fıstıq, palıd, ağcaqayın, vələs, qaraçöhrə və qızılağac kimi ağac növlərini görə bilərsiniz. Qoruqda xüsusi yetişdirilən yapon sakurası, qarağat, yasəmən, şümşad, siqar ağacı, şabalıd ağacı kimi ağaclar da mövcuddur. Gözəl güllərdən orxideya müxtəlif bənövşələr, alp astra, novruzgülləri, nərgiz gülü, bu qoruğu öz gözəlliyi ilə əhatə edir.
Zəngin florası olan bu tipli meşələr çoxdur. Digər bir meşə isə Rumıniyada yerləşən bataqlıq meşələridir. Bu meşə hər kəsdə bir qorxu oyadır. Başdan-başa yosunlarla, bataqlıqlarla əhatə olunan meşənin iqlimi soyuqluğu ilə seçilir.552 hektar sahəni əhatə edən Hallerbos meşəsi yaz fəslində turistlərin axın etdiyi ərazidir. Birinci Dünya müharibəsi zamanı həddindən artıq ziyan görmüş bu meşə yenidən bərpa olunmağı bacarıb. Buranın mistik təbii quruluşu hər kəsin xoşuna gəlir. Əvvəlcə yamyaşıl xalça kimi örtülən otlar bir həftə sonra bənövşəyi rəngin müxtəlif tonları ilə yenidən canlanır.
Mənbə: ANS PRESS
XƏBƏR LENTİ
- ŞƏRHLƏR