Meyvə və tərəvəzlərin sağlamlığımıza verdiyi zərər

02.11.2015-16:20

3 333

Meyvə və tərəvəzlər insan sağlamlığı üçün əvəz olunmaz qidadır. Onlar immun sistemini gücləndirir və orqanizmi müxtəlif vitaminlərlə təmin edir.
İstənilən meyvə və tərəvəzi yeməzdən əvvəl yumaq gigiyenik baxımdan ən vacib şərtlərdən biridir. Bəs biz onları yumaqla sağlamlığımızın qeydinə nə dərəcədə qalmış oluruq?
Kənd təsərrüfatı məhsullarını müəyyən ziyanvericilərdən qorumaq üçün vaxtaşırı dərmanlayırlar. Bu dərmanlar bitkilərin ziyanvericilərdən qorunmasında ən yaxşı vasitədir. Lakin bu dərmanlar insan sağlamlığı üçün təhlükəlidir. Hətda onlar xroniki xəstəliklərin yaranmasınada gətirib çıxara bilərlər. Müxtəlif növ gəmiricilərə və zərərli mikroorqanizmlərə qarşı istifadə olunan pestisidlər insan üçün ən təhlükəli maddələrdən hesab olunur.
Bütün pestisidlər canlı orqanizmlər üçün zərərlidir. Onlar məhsul bitkiləri və digər faydalı resurslar üçün təhlükə yaradan spesifik bitkilər və ya ziyanvericilərin qarşısını almaq, məhv etmək və ya nəzarət etmək məqsədilə hazırlanıb. Halbuki, faydalı həşəratlar və ya məhsul bitkiləri də pestisidlərin təsirinə məruz qalarsa, onlar da məhv olur. Heyvandarlıq təsərrüfatı, vəhşi təbiət və ya insanlar hətta az miqdarda pestisidlərin təsirinə məruz qalmaqla xəstələnə və ya ölə bilər.
Son 40 ildə dünyada pestisit istehsalı artıb. Pestisid satışının artması sənayeləşmiş ölkələrdə azalsa da, inkişaf etməkdə olan ölkələrdə sürətlə artmaqda davam edir. Özü ilə bərəbər regionlarda pestisidlərdən asılılıq səviyyəsini də artırır.
Pestisidlər içərisində ən çox yayılmışı orqanofosfatdır ki, o da beyindəki neyronlar arasındakı əlaqəyə təsir edərək inslanlarda altzheymer və parkinson xəstəliklərinin yaranmasına gətirib çıxardır.
ABŞ-ın Kaliforniya ştatında yüzlərlə hamilə qadın üzərində aparılmış müşahidələrin nəticəsi hər kəsi şoka salmışdı. Kənd təsərrüfatı və orqanofosfat maddələr istifadə olunan bölgələrdə hamilə qadınlar və onların uşaqlarının (12 yaşına qədər) müşahidəsi nəticəsində məlum olub ki, bütün bu maddələr hamiləlik müddətinin qısa sürməsi, uşaqların beynində nevroloji reflekslərin daha az inkişafına, beyin fəaliyyətinin zəif inkişafına, aşağı məntiq səviyyəsinə, diqqət zəifliyinə gətirib çıxarır.
Pestisidin miqdarı ən çox hər birimizin sevərək yediyi “vitamin deposu” adlandırdığı mız almada mövcuddur.Alma pestisid faizi 99%, şaftalı 98%, çiyələk 13%-dir. Üzüm, kərəviz, bolqar bibəri, pomidor, yaşıl noxud, ispanaq üzündə ən çox pestisid saxlayan qidalardır.
Bəs nə etməli? Sadəcə yumaqla kifayətlənmək olmaz, soyaraq yemək də tam çıxış yolu deyil. Ən yaxşı üsul qidaları bu maddələrdən tamamilə təmizləyəcək bir vasitə istifadə etməkdir. Ən yaxşı vasitə isə 10 min il öncə bir yalnışlıq nəticəsində kəşf edilmiş sirkədir.
ANS PRESS kənd təsərrüfatı dərmanlarından meyvə və tərəvəzləri təmizləmək üçün istifadə olunan məhlulun hazırlanma qaydasını oxucularına təqdim edir:
Lazım olan maddələr:
1 su stəkanı su
1 su stəkanı alma sirkəsi
1 xörək qaşığı qabartma tozu
yarım limon
Hazırlanma qaydası:
Bütün bunları qarışdırıb, qarışığı sprey şəklində istifadə edə biləcəyiniz bir şüşəyə tökün. Meyvə və tərəvələrin üzərinə səpib, bir müddətdən sonra yuyaraq onları yeyə bilərsiniz.