ANS PRESS-in məlumatına görə, bunu Çexiya prezidenti Miloş Zemanla Bakıda keçirilən birgə mətbuat konfransı çərçivəsində çexiyalı jurnalistin sualını cavablandırarkən Azərbaycan prezidenti İlham Əliyev deyib.
"Azərbaycan parlamentinin dünənki qərarının səbəblərini yəqin ki, siz bilirsiniz. Bir neçə gün bundan əvvəl Avropa Parlamenti Azərbaycan ilə bağlı qətnamə qəbul edib. Deyə bilərəm ki, bu qətnamə tamamilə əsassızdır, yalan, böhtan, qərəzli münasibət üzərində qurulmuş bir siyasi təxribatdır. Biz bilirik ki, bunun arxasında hansı qüvvələr dayanır. Bu qüvvələr bundan əvvəl dəfələrlə Azərbaycana qarşı əsassız ittihamlar irəli sürüblər, bizi şantaj ediblər. Onların yeganə məqsədi ondan ibarətdir ki, inkişafda olan, müasir, müstəqil siyasət aparan, tolerant, multikulturalizmin məkanı olan Azərbaycanı ləkələsinlər, gözdən salsınlar və Avropada Azərbaycan haqqında yanlış, tamamilə həqiqətə zidd bir rəy yaratsınlar. Burada əlbəttə ki, biz erməni lobbisinin rolunu da görürük və hesab edirəm ki, Avropanın müvafiq hüquq-mühafizə orqanları Avropa Parlamentinin bəzi üzvləri ilə erməni lobbiçiləri arasındakı gizli əlaqələri də araşdırsalar pis olmaz.
Prezident qeyd edib ki, "bizə qarşı bu çirkin əməllərdə fəal iştirak edən deputatların bəziləri Azərbaycanın ayrılmaz hissəsi olan və işğal edilmiş Dağlıq Qarabağa bu vaxta qədər dəfələrlə qanunsuz səfərlər ediblər və beləliklə, Azərbaycan qanunlarını kobudcasına pozublar".
"Eyni zamanda, bir daha demək istəyirəm, əfsuslar olsun ki, bu gün Avropa məkanında, xüsusilə Avropa Parlamentində anti-Azərbaycan qruplaşması yaranıbdır. Bu qruplaşma əlindən gələni etməyə çalışır ki, Azərbaycanı gözdən salsın və imicini ləkələsin. Bizim üçün, bir prezident kimi mənim üçün Avropa Parlamenti tərəfindən qəbul edilmiş bu qətnamə kağız parçasından başqa bir şey deyil. Mən buna əhəmiyyət vermirəm. Əlbəttə ki, bunu pisləyirəm, ancaq bu qətnamə bizim iradəmizə, tutduğumuz mövqeyə heç bir təsir etməyəcək. Azərbaycanı özünə tabe etmək istəyən xarici dairələrə də sözüm ondan ibarətdir ki, sizin bütün səyləriniz əbəsdir. Azərbaycanın müstəqil, milli maraqlar üzərində formalaşmış siyasətinə heç bir kənar qüvvə şantaj, böhtan yolu ilə təsir edə bilməz", - deyə dövlət başçısı vurğulayıb.
O bildirib ki, "Azərbaycan parlamentinin reaksiyasına gəldikdə isə, hesab edirəm ki, bu reaksiya gözlənilən idi. Çünki Azərbaycan parlamenti müstəqil qurum kimi öz rəyini ifadə etdi, deputatların çoxu öz çıxışlarında fikirlərini söylədilər və onların sözündə həqiqətdən başqa heç bir şey yoxdur".
"Birincisi, kimisə ittiham etməzdən əvvəl sən bir güzgüyə bax. Bu gün Yaxın Şərqdən bütün dünyanın gözü qarşısında Avropaya pənah aparan qaçqınların taleyi göz qabağındadır. O insanlar xarici müdaxilənin qurbanlarıdır. O insanların ölkələri dağıdılıb, yerlə-yeksan edilib. Kim bunu edib? Xarici qüvvələr o ölkələri dağıdıb. Ölkələrin ərazi bütövlüyünü pozub. Yüz minlərlə insanı məhv edib. Milyonlarla insan öz yaxınlarını itirib. Bu faciəvi şəraitə dözməyən insanlar artıq Avropaya gəlməyə başlayıblar. Görün, onları Avropada nələr gözləyir - islamofobiya, irqçilik, ksenofobiya! Budurmu Avropa dəyərləri?! Avropa Parlamenti bu məsələlərlə məşğul olsa daha yaxşı olar", - deyə İlham Əliyev qeyd edib.
Onun sözlərinə görə, bu gün Avropa dəyərlərinin sarsıdılması prosesi gedir:
"Avropa həmişə bizim bölgədən mütərəqqi, müasir, tolerant bir məkan kimi görünürdü. Ancaq bu gün bunu əfsuslar olsun ki, çox nadir hallarda görürük. Aqressiv, başqa ölkələrin işinə müdaxilə edən, tolerantlığı demək olar ki, itirən dairələr bu gün, əfsuslar olsun, Avropa Parlamentində və bəzi digər qurumlarda hökmranlıq edir.
Ona görə, bir daha demək istəyirəm ki, Azərbaycan parlamentinin qərarı tam əsaslıdır. Bildiyiniz kimi, Avronest Avropa Parlamenti ilə “Şərq Tərəfdaşlığı” ölkələri arasında parlament assambleyası qurumu kimi nəzərdə tutulmuşdu. Əgər hansısa bir ölkə ilə bağlı suallar olarsa, bu suallara Avronest çərçivəsində baxıla bilərdi. Amma Avronest faktiki olaraq amorf bir qüvvəyə çevrilib və heç bir fəaliyyət göstərmir. Belə olan halda, təbii ki, Azərbaycan parlamenti Avronestdəki fəaliyyətini dayandırır. Bu, Azərbaycan parlamentinin suveren hüququdur və eyni zamanda, siz yəqin onu da bilirsiniz ki, Avropa Parlamenti ilə Azərbaycan parlamenti arasındakı əməkdaşlıq fəaliyyəti də artıq dayandırılıbdır. Bax, budur bizə qarşı aparılan çirkin kampaniyanın nəticələri. Azərbaycan bizə qarşı atılan hər bir addıma adekvat cavab verib və bundan sonra da verəcək".
Mənbə: ANS PRESS
XƏBƏR LENTİ
Mobil qurğularda zərər artacaq
53 yaşlı aktrisa gözəlliyi ilə heyran etdi-FOTO
İdmançımız Rusiyadan qələbə ilə döndü
Beynəlxalq Bankın borcları dövlətə ötürüləcək
DÇ-2018-in rəsmi mahnısının klipi təqdim edildi - VİDEO
Təbiətin möcüzəsi "albino" heyvanlar
Məşhur müğənni DONU QRİPİnə yoluxdu
"Facebook"da nə baş verir?
Arnold Şvarsneggerin həyat qanunları
Bu gün növbəti buraxılış imtahanları keçiriləcək
Erməni əsgərin etirafı: “Vəziyyət çox pisdir” - VİDEO
Fan Bingbingə 130 milyon dollarlıq cərimə-FOTO
Dağ xizəkçiliyi üçün yeni kolleksiya
Çağatay və Hazal Kaya yenidən birlikdə çəkiləcək-FOTO
Sarkisyanın savaş qorxusu
Şəkəri həyatınızdan çıxarmağın yolları
Putin diktatora dəstəyini kəsdi
İdman edərkən diqqət yetiriləcək qaydalar
"Səndən model olmaz" deyənlərə inad, məşhurlaşdı - FOTO
Məşhur aktrisa tanınmaz halda - FOTO
Qeyri-adi üzüklər
Avtokreditlərin dayandırılması 20 bankı sarsıda bilər
Hindistanda maskasız gəzən keçi həbs olundu
Ajda Pekkan doğulub-böyüdüyü evi ala bilmədi-FOTO
Sezen Aksu səhnə ilə vidalaşdı
"Facebook"dan qorxulu yenilik
İspanaqlı qayğanaq (foto resept)
Brüsseldə gül xalısı
Dünyanın ən bahalı dərmanları - 1 MİLYONLUQ preparat - FOTO
"Eurovision-2016"nın vaxtı açıqlandı
Kəsmikli tort (foto resept)
Günün qoroskopu:Şansdan mütləq yararlanın!
Qız uşaqları üçün saç düzümləri(2)
Ən bahalı qidalar
Demet əri ilə barışdı
DİN rayonlara getməyin qaydalarını açıqladı
“İstanbullu gəlin”in başlayacağı gün məlum oldu!
Düşünməyə dəyər...
Body-art
Aclıq olsun, kef olsun?
Fərqli səhər yeməyi (foto resept)
Şah yeməyi (foto resept)
Yuqoslav salatı(foto resept)
SOS! Hazır qidalar kişilərdə sonsuzluq yaradır
Dünyanın ən bahalı reperi
Dünya Çempionatının lənətlənmiş komandaları...
Hava şəraiti qeyri-sabit keçəcək- XƏBƏRDARLIQ
Ermənilərdən etiraf: "Prezidentimiz qorxaq, silahımız yox, özümüz biçarə"
Yeni tədris ilində hibrid təhsil tətbiq oluna bilər - VİDEO
Günün tövsiyəsi: film, mahnı, kitab