12.01.2015-09:00

• Xəbərlər

4 801

4

İşlə, işlə, işlə!!! 10 gün sonra başqaları sənin bədənini görüb paxıllıqdan çatlayacaqlar! 
Yalnız belə düşünənlər 10 gün sonra məşqi də atırlar, depressiyaya da düşürlər, çünki ümidləri doğrulmur. Niyə? Çünki onlar məşqlər barədə yayılan miflərin qurbanlarıdır. 
Milli.Az Rusiya mətbuatına istinadən bu cür miflərin onluğunu diqqətinizə çatdırır. 
1. Kök adamlar arıqlara nisbətən daha çox məşq etməlidirlər. 
Əslində isə kiloqramlar məşqlərin uzunluğu və intensivliyi üçün meyar deyil. Adam nə qədər kökdürsə, bir o qədər çox kalori itirir. Məsələn, 55 kq çəkisi olan velosipedçi dəqiqədə 5 kkal, 110 kq olan adam isə dəqiqədə 10 kkal itirir.   
2. Piy qatı uzunmüddətli kardioməşqlər zamanı "yanır". 
Əslində isə intervallı məşqlər daha faydalıdır. Onların əsasında gərginliyin dəyişməsi, növbələnməsi durur. Məsələn, 3-5 dəqiqə sürətli templə məşq edir, sonra rahatlanırsınız. Vaxt az gedir, iş əmsalı isə eyni olur. Güc təmrinlərini də siyahıdan silmək olmaz - onlar maddələr mübadiləsini yaxşılaşdırır. 
3. Əgər qonaqlıqda bir az artıq yemisinizsə, növbəti məşqdə 20 dəqiqə də artıq aerobika etməlisiniz. 
Olmaz! Belə etsəniz, aerobika məşqinin vaxtı uzanacaq. Yaxşı olar ki, məşqin uzunluğuna yox, intensivliyinə diqqət ayırasınız. 
4. Yüksək intensivli məşqləri səhərlər etmək lazımdır. 
Doğrusu - hər şey sizdən asılıdr. Məsələn, "bayquşlar" səhərin gözü açılmamış durub bir saat özlərinə əziyyət verməzlər. "Torağaylar" isə axşama doğru yorulurlar və həvəsləri itir. Ona görə də məşqlərin vaxtını daxili saatlarınızla tənzimləsəniz, daha yaxşı olar. 
Ümumiyyətlə, idmanla aktiv məşğul olmağın optimal vaxtı saat 14-lə 18 arasıdır. Səhər çağı və yuxudan əvvəl orqanizminizi yormağa dəyməz. 
5. İstənilən kostyumda məşq etmək olar, əsas odur, büstü yaxşı saxlasın. 
Əsla belə deyil. Sıx geyim sinənin sallanması və ya dəridə dartılmaların yaranmasının qarşısını alır, lakin bunun üçün ənənəvi geyim (büstqalter) yaramır. İdeal variant "nəfəs alan" materialdan formanı əla saxlayan idman topudur. 
6. Doğuşdan sonra orqanizmin bərpasına nə qədər tez başlasan, o qədər yaxşıdır. 
Əslində isə ilk iki ay aşağı və orta intensivlikli məşqlər etmək lazımdır (yəni ürək yığılması dəqiqədə 120 zərbəni keçməməlidir). Məşqləri tədricən artırmaq lazımdır. Adət etdiyiniz normaya çatmaq üçün yarım il də tələb oluna bilər, heç bir eybi yoxdur. 
7. Arıqlamaq üçün düzgün həblər seçsən, idmanla məşğul olmağa gərək qalmaz. 
Belə deyil. Qəfil arıqlamaq ciddi problemlər, eyni zamanda orqanizmdə hormonal dəyişiklik yaradır. Bundan başqa, həmin dərmanlardan istifadə zamanı əzələ kütləsinin 60, piy kütləsinin isə 40%-ni itirirsiniz. Yəni, ağılla arıqlamaq lazımdır. 
8. Kardiotrenajorda məşq edərkən hiss etdiklərinə daha çox inanmalısan.
Əslində hisslər adamı yanılda bilər. Adam özünə deyil, monitorda əks olunan ürək ritmlərinə inanmalıdır. Yalnız bu halda sağlamlığına zərər yetirmədən dözümünü artıra və artıq çəkini ata bilərsən. Fiziki gərginlik maksimal həddinizin 50-75%-ni təşkil etməlidir. 
9. Aerobikaya nə qədər çox vaxt ayırsan, bir o qədər yaxşıdır. 
Aerobika həqiqətən piy qatını əridir. Yalnız alimlər diqqət yetiriblər ki, 1 saat aerobika ilə məşğul olduqdan sonra orqanizm artıq əzələ toxumasına köklənir, yəni piy əvəzinə zülal aminturşuları yanmağa başlayır. Odur ki, əzələləriniz formasını itirməsin deyə aerobikaya 45 dəqiqədən çox vaxt ayırmayın. 
10. Acqarına məşq eləsən, daha çox arıqlayarsan. 
Tərsinədir! Birincisi, bu, gücünüzün tükənməsinə səbəb olacaq, məşqlərinizin də effekti itəcək. İkincisi, məşqdən sonra həddən artıq kalorili qida qəbul etmək istəyəcəksiniz. O zaman məşqin də bir xeyri olmayacaq. 
Sağlam olun! 

0 0

[lang=az]Şikayət et[/lang] [lang=en]Complain[/lang] [lang=ru]Пожаловаться[/lang] [lang=tr]Şikayetçi ol[/lang]

aysun2013