Havaların soyuması ilə bağlı olaraq qrip və soyuqdəymədən qorunmaq üçün soğan-sarımsaqdan daha çox istifadə edirik. Soğan və sarımsağın dadından, çiy halda iyindən zövq alanlar olsa da, yedikdən sonra ağızdan gələn qoxunu bəyənənlər yoxdur. Bu iyin qarşısını almaq üçün saqqız və nəfəsi təravətləndirən vasitələr də effektsizdir.
Stomatoloq Təranə Kərimovanın sözlərinə görə, sarımsağı yedikdən sonra yaranan pis qoxu onun tərkibindəki maddələrin ağızda yerləşən bakteriyalarla kimyəvi reaksiyaya girməsi ilə bağlıdır: "Sarımsağın iyini aradan götürmək çətindir. Ona görə də, iyin yaranmasının qarşısını almaq lazımdır. Bunun üçün sarımsağı yeməzdən əvvəl bir stəkan süd için. Süddə olan kalsium sarımsaq iyinin kəskinləşməsinin qarşısını alır. İnsanın nəfəsindən sarımsaq qoxusu gəlmir".
Sarımsağın iyindən qurtulmaq üçün onu yeyərkən də süd içmək məsləhətdir. Tərkibində sarımsaq olan salat və ya isti yeməklər yedikdə süd içərək nəfəsi təravətli saxlamaq olar. Südün yağlılığı çox olduqca effekt güclü olur. Süd sevməyənər əvəzinə 12 faizlik qaymaq yeyə bilərlər. Sarımsaq iyinə qarşı göbələk yemək də kömək edir. Amma onun iyini digər vasitələrə nisbətən məhz yağlı süd daha yaxşı götürür.
Stomatoloq bildirib ki, sarımsaq yedikdə qoxu yalnız ağız boşluğu və nəfəsdən deyil, dərinin məsamələrindən də gəlir: "Süd içdikdə isə sarımsağın qoxuya səbəb olan maddələri bağırsaqda bölünmür. Bu səbəbdən də tər və ya nəfəslə xaric olunmur".
Əgər sarımsağı yeyərkən süd içməmisiz və artıq ağızdan xoşagəlməz qoxu gəlirsə, iyi xalq təbabəti üsulları ilə aradan götürmək olar. Məsələn, sarımsaq yedikdən sonra qoz ləpəsini çeynəmək və yetərincə əzildikdən sonra tüpürmək lazımdır. Bunu 2-3 dəfə təkrarladıqda yaxşı effekt verir. Sarımsağın iyini aradan götürmək üçün yeməkdən sonra cəfərinin gövdəsini, yarpaqlarını və ya köklərini çeynəmək olar. Yeməkdən sonra dişləri, damaq və dili diş üçün vasitələrlə fırçalamaq da iyi azaldır. Limon, portağal və ya narıncı qabığı çeynəmək də kömək edir. Qərənfil, darçın çeynəmək də iyi aradan götürür.
Sarımsağı yedikdən və ya soyub doğradıqdan sonra əllərdən də sarımsaq iyi gəlir. Bəs bunun qarşısını necə almaq olar? Bununla bağlı kosmetoloq və dermatoloq Leyla Məhərrəmova ilə məsləhətləşdik. Onun dediyinə görə, əllərdən pis qoxunun keçməsi üçün əlləri sabunla yuduqdan sonra limon sürtmək lazımdır. Bunları edərkən dırnaq altına xüsusi diqqət verilməlidir. Əllərə bitki yağı da sürtmək olar. Güclü limonlu qabyuyan vasitəsilə əli yuyub dəri qurumasın deyə bitki yağı və ya əl kremi də sürtmək olar. Bu vasitələr iyin itməsinə də kömək edəcək.
Bu üsulları başqaları ilə qarışdıraraq daha effektiv nəticə almaq olar. Misal üçün, ələ limon sürtmək, bundan sonra duz sürtüb əlləri süd ilə yumaq və sonda bitki yağı sürtmək lazımdır.
Qeyd edək ki, sarımsaq kimi soğan da sağlamlığımız üçün çox xeyirlidir. Bu səbəbdən də iyinə görə onu yeməkdən imtina etmək düzgün deyil. Soğanı yedikdən sonra da ağızdan və nəfəsdən kəskin qoxu gəlir. Stomatoloq Təranə Kərimova bildirib ki, dilin üzərindəki məsamələrdə soğanın hissəcikləri qalaraq iy verməyə başlayır: "Hissəciklər dilin üzərində qalır və tüpürcək ilə birləşərək iylə yanaşı tam da verir. Soğandan gələn qoxunun qarşısını almaq üçün müxtəlif üsullardan istifadə etmək olar. Misal üçün, soğanı xırda-xırda doğranmış halda yemək lazımdır. Belə olduqda soğanı çeynəmək asan olur və tez udulduğu üçün hissəcikləri dilin üzərində az qalır".
Əgər qidada baş soğandan istifadə etmək istəyirsizsə, soğanı qidaya əlavə etməzdən əvvəl onu doğrayıb süzgəcə qoyun. Üstünə qaynar su töküb suyunu süzün. Bunu etdikdə soğanın faydası azalmır, sadəcə acılıq və qoxu verən maddələri qaynar su ilə yuyulur.
Soğan yedikdən sonra iy gəlməsin deyə dərhal ağzınızı ilıq su ilə yaxalayıb badam, qoz və ya cəfəri çeynəyin. Çiy soğanla hazırlanmış qidanı o biri yemək növlərindən əvvəl yeməyə çalışın. Belə ki, soğanlı yeməkdən sonra yediyiniz yemək soğanın hissəciklərini dilinizdən xeyli çıxaracaq. "Mümkündürsə, qidadan sonra dişlərinizi fırçalayın. Dil və damaqların təmizliyinə xüsusi fikir verin. Diş fırçası və diş tozu ilə dili və damağı yaxşı yuyun. Sarımsaq iyində olduğu kimi, soğan iyininin də aradan götürülməsi üçün limon qabığını çeynəmək məsləhətdir".
Yemək bişirdikdə əlcək istifadə etməyən qadınların əli soğan iyi verməyə başlayır. İyi aradan götürmək üçün kosmetoloq Leyla Məhərrəmova əlləri suda islatmağı, sonra xırda duzu götürüb əlləri duzla massaj etməyi məsləhət görür: "Duz yerinə kofe ilə də əlləri massaj etmək olar. Massajdan sonra əllərinizi su ilə yaxalayın və iy keçib gedəcək. İyə qarşı sirkə də effektivdir. Pampıq və ya təmiz əski parçasını 9 faizlik süfrə sirkəsində isladıb əllərə sürtün. Sonra 1 xörək qaşığını 1 stəkan suda həll edib alınan qarışığı əllərinizin hər tərəfinə töküb əllərinizi suda yaxalayın. Duz və soda vasitəsilə də əllərdəki pis qoxunu aradan götürmək olur. Bunun üçün dərin qabda 1 çay qaşığı sodanı, 1 xörək qaşığı duzu və 2 stəkan suyu qarışdırın. Əllərinizi qarışığa salıb 2-3 dəqiqə saxlayın. Əllərinizi çıxardıqdan sonra həmin qarışıqla bıçaq və soğanı doğradığınız qabı da yuya bilərsiz. Əllərinizi limonu iki yerə bölüb, bölünmüş hissələrlə də sürtə bilərsiz. Və ya limonu sıxıb iki xörək qaşığı ilə əllərinizi yuya bilərsiz. Bundan sonra əllərinizi mütləq ilıq su ilə yuyun".
Soğan iyi yalnız ağız və əllərdə deyil, qaşıq, çəngəl, bıçaq və digər dəmir qablarda da qalır. İyi yox etmək üçün onları quru duz, limon dilimi, sirkə ilə sürtmək lazımdır. Bu məsləhətlərə riayət etməklə soğan və sarımsağı rahat yemək olar.
Mənbə: Milli.Az
XƏBƏR LENTİ
Şəkidə böyük inzibati kompleks tikilir
"Rembo" görüntüsü ilə sevənlərini MƏYUS ETDİ-FOTO
Üç yaşınadək uşağı olanlara ŞAD XƏBƏR
Rəssamlıqdan bezən rəssam
Azərbaycanda maaş kreditə tutula bilərmi?
Daha bir ölkə sərhədlərini turistlərin üzünə açdı
Hər şeyin balacası
36 yaşını Maldivdə qeyd etdi-FOTO
Qurama (Dərs I)
Qışda böyrəkləri necə qorumalı?
Demet Özdemir hər kəsi TƏƏCCÜBLƏNDİRDİ
Qız Qalasında “Bakı-2015”lə bağlı şou
Qadın döyüşçülər belə hazırlanır
Övladınıza ad qoyarkən düşündünüzmü?
Suriyada törədilən terror aktlarında 100 nəfər həlak oldu
Şirin rolla (foto resept)
Azərbaycanda koronavirusdan 5 nəfər öldü: 168 yeni yoluxma - RƏSMİ
Azərbaycanda karantin yenidən sərtləşdirilir - RƏSMİ
Azərbaycanda 4 kənddə işləyənlərin maaşları artırıldı
Erməni politoloq: "Azərbaycan bizdən güclüdür"
Bir öskürək 35 min dollara başa gəldi - FOTO/VİDEO
Uşağa yod çəkərkən diqqətli olun! - PEDİATR Xəbərdarlığı
İştahı azaldan bitkilər
Üç gün ərzində Ermənistana neçə rusiyalı sülhməramlı gəlib? - VİDEO
Bu gün bir əsrdə 14 dəfə baş verəcək hadisə yaşanacaq
Yeni ixtira telefonu bir neçə saniyəyə şarj etməyə imkan verəcək
Sibel Can İlker Koçu məhkəməyə verdi
Məşhur serialda yenilik-FOTO
Bakıda sürücülər və piyadalar üçün yeni xəbər
"Paleo-xəritə"
Hindistan qozlu şokoladlı tort (foto resept)
MN: Ermənistana məxsus “Su-25” təyyarəsinin vurulması erməni hərbi təbliğat maşınının növbəti fantaziyasıdır
Filippində "Yer gözəli" müsabiqəsi start verdi-FOTO
Muğam Mərkəzində “Natiq” ritm qrupunun konserti keçiriləcək
18 milyon izləyicisi olan sürücü-FOTO
Dəbli koftalar
Bu gün işğaldan azad olunan Ağdama komendant təyin edildi - RƏSMİ
Ananas tortu (foto resept)
Unutqanlıq nədir?
Miqdarına görə ölümə səbəb olan ərzaqlar
Günün qoroskopu: arzularınızdan birinin reallaşmasına çox az qalıb
Saçlarımız üçün şampun hazırlayaq
Biri birindən gözəl xalçalar
Məşhur aktrisanın toyu oldu-FOTO
Qubadlını artilleriya atəşinə tutan düşmənə cavab atəşi açılıb - RƏSMİ
Google Glass dirçəlir
25 ildən sonra "Barsa" "Kral"ın rekordunu vurdu
O kişilərin bəxti gətirdi
Azərbaycanda daha 125 nəfər koronavirusdan sağaldı
Qar altında qalan şəxs 10 saat sonra xilas edildi
- ŞƏRHLƏR