“Qarabağ"ın idman direktoru Con van Loen Avropa Liqasının play-off mərhələsi çərçivəsində “Tvente” ilə keçirilən oyundan danışıb. Milli.Az Fanat.Az-a istinadən xəbər verir ki, ölkəsinin mətbuatına açıqlama verən hollandiyalı mütəxəssis Bakıdakı təəssüratlarını bölüşüb.
""Qarabağ" xüsusi klubdur. Komanda oyunlarını Bakıda keçirir. Çünki Ağdam təmsilçisi öz şəhərindən 300 km uzaqdadır. Buna səbəb Ağdamın 1993-cü ildən etibarən işğal altında olmasıdır. Bakıdakı oyunu 25 min tamaşaçı 90 dəqiqə boyunca izlədi. Son illərdə Ağdam ətrafından Bakıya insanlar gəlirlər. Burada da Avropa futbolu insanlar arasında populyardır. Bakını ikinci Dubay adlandırırlar. Bura meqapolisdir, çoxlu qədim tikililər var. Şəhər AVRO-2020-də çoxlu qonaq qəbul etməyə hazırlaşır. Bundan başqa, digər əlamətdar hadisə odur ki, 2015-ci il Avropa Oyunları burada keçiriləcək. Bakı həqiqətən gözəl şəhərdir”.
Mənbə: Milli.Az
XƏBƏR LENTİ
- ŞƏRHLƏR