"Qarabağ" futbol klubu UEFA-ya rəsmi olaraq şikayət etdi.Xatırladaq ki, Avropa Liqasının VI turu çərçivəsində keçirilmiş "Qarabağ" - "İnter" (İtaliya) oyununun 90+4-cü dəqiqəsində çexiyalı hakimlər Riçard Almeydanın vurduğu qolu hesaba almayıb və oyun 0:0 hesabı ilə başa çatıb. Nəticədə qrupda 6 xal toplayan Ağdam təmsilçisi 3-cü sırada qərarlaşaraq yarışla vidalaşıb.
ANS PRESS klubun saytına istinadən xəbər verir ki, "Qarabağ"ın vitse-prezidenti Tahir Gözəl əldə olan bütün sübutlarla birgə UEFA-ya şikayət məktubu yazılmasını tapşırıb. Tapşırığa uyğun olaraq məktub yazılıb və UEFA-ya göndərilib.
Bundan başqa, T.Gözəl İsveçrəyə getməyə hazırlaşır. O, UEFA-dan gələcək cavab əsasında İsveçrəyə gedib lazımi şəxslərlə "Qarabağ"ın hüquqlarını qorumaq üçün görüşlər keçirəcək. Artıq Avropa Liqası yarışının direktoru Giorgi Marçetti ilə görüş günü təyin edilib.
Mənbə: ANS PRESS
XƏBƏR LENTİ
- ŞƏRHLƏR