Yol Patrul Xidmətinin əməkdaşı sürücünü olmayan bir şeyə görə ittiham edirsə, nə etməli? Ümumiyyətlə, yol polisi sürücünü heç bir əsas olmadan saxlaya bilərmi?
Milli.Az xəbər verir ki, belə bir sualın qaldırılması üçün səbəb Day.az saytının əməkdaşının başına gələn hadisə olub. Şamaxı-Bakı yolunda, rayon mərkəzində onu yol patrul xidmətinin əməkdaş saxlayıb. Hərəkət edərkən mobil telefonla danışdığını iddia edib. Avtomobildə onunla yanaşı 4 sərnişin olub.
"Maşını sürərkən, nəinki telefonla danışmamışam, ona, ümumiyyətlə, toxunmamışam. Polisdən xahiş etdim ki, özünü təqdim etsin. O, özünü təqdim etdikdən sonra dedim ki, telefonla danışmamışam. Sübut üçün xahiş elədim ki, telefonumda axırıncı zəngin tarixinə baxsın.
Məlum olanda ki, onun iddiası yalandır, taktikanı dəyişməyə başladı. İttiham tonundan özünümüdafiə tonuna keçdi: "Mən, sadəcə, soruşdum ki, maşın sürərkən telefonla danışmısınız, ya yox" dedi və mənə inandığını bildirdi".
Təhlükə sovuşsa da, suallar qalıb. Bəs siz necə düşünürsünüz, əziz oxucular?
XƏBƏR LENTİ
