13.09.2014-10:20

• Xəbərlər

18 778

1

Təhsil Nazirliyi yeni dərs ili ilə bağlı açıqlama verib. Təhsil nazirinin əmrinə əsasən, sentyabrın 15-i “Bilik günü”ndə ilk dərs vətənpərvərlik mövzusunda olacaq. Bu tədris ilində Azərbaycanda 138 min nəfərdən çox uşaq birinci sinifə gedir. 
ANS TV-nin məlumatına görə, bu il ilk dəfə olaraq Azərbaycanda maksimum adda və sayda – 271 adda 7,8 milyon ədəd dərslik çap olunub. Bu kitablar bəzi siniflər üçün tam yeni, qalanları üçün təkrar nəşr olunub.
Dərsliklərin keyfiyyəti zaman-zaman gündəmdə olub. Uzağa getməyək, ötən il Tələbə Qəbulu üzrə Dövlət Komissiyası ibtidai siniflər üçün 12 adda dərsliyi təhsilə yararsız hesab etdi və o dərsliklərin məktəblərdə tədrisini məqbul saymadı. Düzdür, o vaxt dərslik müəllifləri kitablarındakı nöqsanları ört-basdır etməyə çalışdılar. Məsələn, ən ciddi iradlara tuş gələn ibtidai siniflərin riyaziyyat dərsliyinin müəllifi Nayma Qəhrəmanova idi ki, o, Tələbə Qəbulu üzrə Dövlət Komissiyasının iradlarının ən yaxşı halda redaktə və korrektura xarakterli ola biləcəyini düşünürdü. Tematikaya gəlincə, müəllif hesab edirdi ki, onun əsas məqsədi bir amerikalı, bir alman uşağının bildiklərini bir azərbaycanlı uşağının da bilməsidir. Əslində düzgün yanaşmadır. Amma bunun üçün gərək hesablamamızı da elə alman dəqiqliyilə aparaq. Bizim balalarımız amerikalı uşaqlarla ayaqlaşa bilər? Ən əsası, müəllimlərimiz buna hazırdır? Kurikuluma keçid göstərdi ki, xeyr, hələ uşaqlarımız qalsın kənarda, heç müəllimlərimiz də bu yenilyə hazır deyil. Dərsliklərimiz də özümüzünkü olmaqdan daha çox özgəninkinə oxşayır.İctimaiyyətlə əlaqələr şöbəsinin müdiri Cəsarət Valehovun sözlərinə görə, belə bir zamanda bizim şagirdlərin dərsliklərdə istifadə etməsi normal bir hal deyil. Məlumat üçün deyim ki, bu il Azərbaycanda rekord sayda, 7 milyon 800 min nüsxə dərslik nəşr olunub. Nəzərə alsaq ki, ötən il bu rəqəm 4 milyon idi və bunun üçün büdcədən 8 miylon 600 min manat vəsait aylırlımşdı, deməli, bu il kitab çapına ən azı 15 milyon manat xərclənib.
Təhsil Nazirliyində deyirlər ki, dərsliklərin keyfiyyətinin artırılması qurumun diqqətindədir və perspektivdə uşaqlarımızı onlayn resurslarla təminat belə gözləyir. Yəni, Nayma Qəhrəmanovanın təbirincə desək, əsl amerikansayağı dərsliklər. Amma bu gələcəyin işidir və biz hələ ki, azərbaycansayağı öz işimizlə məşğuluq. Dükanlarımızda məktəblərə pulsuz verilən dərslikləri satırıq. 

Mənbə: ANS PRESS

0 0

[lang=az]Şikayət et[/lang] [lang=en]Complain[/lang] [lang=ru]Пожаловаться[/lang] [lang=tr]Şikayetçi ol[/lang]

Deniz84