Müasir zamanda kompüterdən nə böyüklər yan keçə bilir, nə də uşaqlar. Kompüterdə işləyərkən isə ən çox gözlər əziyyət çəkir. İnformasiyanı nəzərdən keçirir, mətn oxuyur, video və şəkillərə baxır. Bütün bunları edərkən linza taxmaq və hər gün linza ilə işə getmək görmə qabiliyyətinə öldürücü zərbəni vurur. Lakin bəzi məsləhətlərə əməl etməklə, ziyanı minimuma endirmək olar.
Oftalmoloq Rübabə Vəliyevanın sözlərinə görə, linzaların eynəklərə nisbətən bir sıra üstünlükləri var. Belə ki, insanın xarici görünüşünü gözəl göstərir, soyuq yerdən isti yerə daxil olduqda şüşələri tərləmir, yıxıldıqda kəsilib insanı zədələmir. Rəngli linzalarla həm də insanın görünüşünü dəyişmək, istədiyin göz rənginə sahib olmaq olur. Bu səbəbdən də linzalara üstünük verənlərin sayı günü-gündən artır. Lakin əksəriyyət gözündə linza ilə kompüterdə işlədikdə özünü narahat hiss edir. Həmsöhbətimizə görə, bu, ona görə baş verir ki, göz bəbəyi linza ilə birbaşa əlaqəli olur. "Linza ilə kompüterdə işlədikdə nəzərə çarpacaq qədər gözlərdə quruluq, yanma və ağrı olur".
Həkim kompüterdə işləyərkən linza taxmağı məsləhət görmür: "Optik linzalara ehtiyac duyursunuzsa, kompüterdə işləyərkən optik eynəklərdən istifadə edə bilərsiniz. Gözləri qorumaq üçün kompüter üçün xüsusi eynəklərdən də istifadə etmək olar. Əgər kompüterdə işləyərkən də linza taxmaq istəyirsinizsə, bəzi təhlükəsizlik tədbirlərini əvvəlcədən görməlisiniz. İlk növbədə oftalmoloqla məsləhətləşmək lazımdır. Həkim hər kəsin gözünə uyğun linzanı seçməyə kömək edəcək. Oftalmoloq həm də kompüterdə işləyərkən az zərəri olan linzalar seçməkdə məsləhət verməlidir".
Müsahibimiz bildirib ki, linza taxıb kompüterdə işlədikdə otaqda ventilyator və ya kondisioner işləməməlidir: "Bu cür qurğular işləyən zaman gözün selikli qişasının suyu buxarlanır. Gözdə quruluq yarananda gözlər ağrımağa başlayır. Əgər otaq çox istidir və ventilyatorsuz mümkün deyilsə, ventilyatoru elə quraşdırmaq lazımdır ki, hava axını sizdən əks tərəfə doğru hərəkət etsin".
Kompüterlə işlədiyiniz müddət ərzində gözlərinizdə narahatlıq keçmirsə, xüsusilə də, gözlər qızarır və ya quruyursa, gözlər üçün damcılardan istifadə etmək olar. Satışda bu cür damcıların müxtəlif çeşidləri var. Onların bəziləri bitki mənşəlidir və gözlərdəki yorğunluğu qısa müddət ərzində götürür. Göz üçün damcı almazdan əvvəl mütləq oftalmoloqla məsləhətləşmək lazımdır. Ona görə ki, hər göz üçün damcını linza taxtıqda istifadə etmək olmaz. Elə göz damcıları var ki, onlar linzadan istifadə etdiyiniz üçün görmə qabiliyyətinə əksinə mənfi təsir göstərər.
Vəliyevanın sözlərinə görə, gözlər linzadan yorulur və yanmağa başlayırsa, göz bəbəklərini asta massaj etmək lazımdır. Bunun üçün orta barmağı yüngülcə göz qapağında dairəvi hərəkət etdirin: "Ən əsası isə linza taxıb günün çox hissəsini kompüter arxasında keçirəcəksinizsə, linza aldıqda qənaət etməyə çalışmayın. Bahalı və keyfiyyətli linzlara üstünlük verin. Ucuz linzaları isə müvəqqəti, harasa qonaqlığa və ya dincəlməyə getmək üçün taxa bilərsiniz".
Oftalmoloq qeyd edib ki, linza ilə kompüterdə işləyərkən monitorun parlaqlığını azaltmaq lazımdır: "Gözlərdə narahatlıq çoxalmasın deyə kompüteri pəncərə ilə üzbəüz qoymaq olmaz. Belə ki, kompüterin parlaqlığı ilə pəncərədən gələn işıq görüntüyə rahat baxmağa imkan vermir. Kompüterdə işləyərkən gözləri quruluq yaranmasın deyə tez-tez qırpmaq lazımdır. Ekran gözlərlə paralel olmalı və hər 20 dəqiqədən bir istirahət etmək lazımdır".
Həkim onu da əlavə edib ki, linza taxmaq və uzun müddət fasiləsiz linza ilə kompüter arxasında işləmək korluğa gətirib çıxarır: "Linzaları gün ərzində 8 saatdan çox taxmaq olmaz. Amma çoxları bu məsləhətə əməl etmir, linzanı bütün günü taxır, yatanda və kompüterdə işləyəndə belə çıxarmır. Uzun müddət linzadan istifadə isə oksigen azlığına gətirib çıxarır. Belə ki, gözün buynuz qişası oksigeni havadan deyil, qandan alır. Bu problem hiss olunmur. Yalnız, həkim müayinə etdiyi zaman aşkar edə bilər. Buynuz qişada oksigen çatışmırsa, orqanizm bununla müstəqil mübarizə aparmağa çalışır. Buynuz qişada qan damarları yaranır. Nəticədə buynuz qişa şəffaflığını itirir və insan görmə qabiliyyəti çətinləşir və tam itə bilər. Ümumiyyətlə, kompüterdə işləmək üçün oksigen keçirən və suyu çox olan linzalar taxmaq lazımdır. Bu növ keyfiyyətli linzalar kompüterdə zərəri minimuma endirir".
XƏBƏR LENTİ
Dünyanın ən bahalı qoyunu fantastik qiymətə satıldı
Orduda könüllü xidmət etmək istəyənlərin sayı 38 minə çatdı
Günün qoroskopu: bu gün tələsiklik tələb edən işlər alınmayacaq
Yeni il üçün hədiyyə seçimi
Kakaolu şirniyyat (foto-resept)
Qırışlardan xilas edən maska
Bakıda külək istiqamətini dəyişəcək, rayonlarda duman olacaq
Yas adı ilə yalan SMS göndərənlərə məhdudiyyət qoyulmasına başlanıldı
Dünyada 450 milyondan çox adamın psixi və ya nevroloji problemləri var
Melaniya Trump bu dəfə də Maykl Cekson kimi geyindi-FOTO
Ən çox kim “selfie” çəkdirir?
Hacamat
Azərbaycanda karantin tədbirləri hansı halda yumşaldılacaq? - AÇIQLAMA
Bu da internetlə bağlı statistika
"Şeyla" tortu (foto resept)
Paris Moda Həftəsində üst geyimlər
Suxarili badımcan salatı (foto resept)
Avstraliyada son 8 ilin ən soyuq qışı yaşanır
Sandra Ballokdan ŞOK ETİRAF
Dincəlmək niyə daha çox yorur?
Amerikanın kəşf edilməsi
Bomj lotereyada yarım milyon qazandı
Acından ölən ağaclar və ya sərvətimiz...
Azərbaycanda nəqliyyat kartları tam dəyərli ödəmə vasitəsi olacaq
Futbolçularımız uduzanda cərimələnəcək?
Məşhur cütlüklərin tanışlıq hekayəsi
"Şrek" qərarını verdi
Diqqət! Pul kisənizi bu cibinizdə saxlamayın! - FOTO
Hava haqqında
Qadın Ət Yeyən Virusa Yoluxdu-FOTO
Qadin.Net - 5 YAŞ
3 saatda 34 min xərclədi
Bu muzey 450 milyon dollara satışa çıxarıldı
Kəsmikli gül peçenyesi (foto resept)
İslamda qeybət edənin cəzası
Qoltuqaltı ləkələr üçün maskalar
Vətən Müharibəsində həlak olan 94 mülki şəxsə şəhid statusu verildi - RƏSMİ
Tost çörəyi şirniyyatı (foto resept)
Qadın yazıçı Kəmal Sunalı təhqir etdi
İngiltərədə kafe və restoranlarda müştərilərin hesablarının yarısını hökumət ödəyəcək
Görməniz lazım olan yerlər (2)
Gözəl üzüklər
HAVA necə olacaq?- 21 APREL
Bakının məşhur dairəsi dəyişdirilir
"Oskar" mərasimi - Ən yaxşılar seçildi - FOTO
Saç tökülməsinə qarşı maska
Sonsuzluğun çarəsi tapıldı
Azərbaycan ordusu
Ağrınız varsa nanə qəbul edin.
Yay heyvanlar üçün nə deməkdir?
- ŞƏRHLƏR