10.06.2014-18:22

• Xəbərlər

60 395

3

İllər boyu insanlar gələcəklərini bilmək, başlarına gələ bilmə ehtimalı olan hər hansı bir pis hadisələrdən sığortalanmaq üçün müxtəlif yollara əl atıblar. Bəzən bu vasitələr cəmiyyət, eləcə də insanlar üçün təhlükə yaratsa da, insanların bu cür üsullardan əl çəkmək yerinə ona daha da maraq göstərməsi göz önündədir. Bunlardan biri də magiyalardır.Belə bir fikir mövcuddur ki, magiya sənəti insanları həm xoşbəxtliyə, həm də bədbəxtliyə aparır. Xeyir və şər hər yerdə mövcud olduğu kimi magiyanın tərkibində də var və xeyirlə şərin mübarizəsini özündə əks etdirir. Bu, doğrudan da belədir. Magiyanın iki növü mövcuddur. Birinci növə ağ magiya deyilir ki, bu, yalnız müalicə məqsədləri üçün istifadə edilib xeyirxahlığa səbəb olan və nəticəsi kimsəyə zərər yetirmədən nəticələnən cadulardan ibarətdir. İkinci növə isə qara magiya daxildir. Adından da göründüyü kimi, bu magiyadan istifadə hər zaman şərə, zülmətə, əzaba və lənətə əsaslanır.Magiya ilə məşğul olan insanlar az deyil. İnternet üzərindən axtarış zamanı kifayət qədər magiya ilə məşğul olan insanları tapmaq mümkündür. Həm ağ, həm qara magiya ilə məşğul olduqlarını iddia edən bu insanların əl haqqı isə 10 manatdan başlanır. İşlərinə "zəmanət" belə verən bu insanların 90%-i qadınlardır. Özlərini xarici ölkələrin, ələlxüsüs də Amerikanın diplomlu magiyaçısı olaraq tanıdan bu qadınlar yəhudi, xristian və müsəlman magiyalarını təklif edir. Müraciət prosesi isə olduqca məşəqqətlidir. Məsələn, magiyaya müraciət etmək istəyən insan ilk olaraq telefonla əlaqə saxlamalı, telefonun digər xəttində olan insana yaş, cinsiyyət, ali təhsil və səbəb-məqsədini bildirməlidir. Bundan sonra sizi edəcəyiniz ödənişlə birlikdə şəxsi evə dəvət edirlər.İlahiyyatçı Rəsul Ağanın sözlərinə görə, magiya var və onun təsiri də mövcuddur. Bütün tarixdə, xalqlarda bu cür işlərlə məşğul olanlar olub. İslama görə, bununla məşğul olmaq əlbəttə ki, küfrdür. Quranda sehrin mövcudluğuna və təsir etməsinə dair çox sayda ayə mövcuddur. Sehrin ailəyə, insanlar arasındakı münasibətlərə, işlərdəki uğura və ya uğursuzluğa, hətta daha geniş qismə - cəmiyyətə güclü təsiri danılmazdır: "Din ilə oyun oynamaq düzgün yol deyil, çünki bu mövzular oyun oynamaq üçün nəzərdə tutulmayıb. Magiya, sehr, cadu və bu kimi əməllər dində qəbul olunmur və qadağandır. Bəzi insanlar elə düşünür ki, qara magiya pislik etmək üçündür və mən ağ magiya ilə məşğul olsam, bu günah hesab olunmayacaq. Tamamilə yanlışdır. Ruh çağırmaq, düyünlərə üfləmək, qeybdən hər hansı bir məlumatı alırmış kimi davranmaq, digər insanların həyatına yaxşı və pis mənada müdaxilə etmək düzgün deyil və günahdır. Bu cür günahların cəzası çox ağırdır".İnsanların maq olmaq istəyi də boşuna yaranmır. Mütəxəssislər bunu belə cavablandırırlar ki, bunu törədən səbəb psixi və sosial zərbələrdir. Məsələn, insan həyatda arzularını həyata keçirə bilməyəndə, başqa insanlar tərəfindən ədalətsizliyə məruz qalanda cəmiyyətdən inciyir, onda qisas hissi yaranır və intiqam almaq üçün hətta İblislə də ittifaq bağlamağa, ona sitayiş etməyə belə hazır olur. Məlum olur ki, əvvəllər təhqirə, sarsıntıya və əzaba məruz qalan hər bir insan qisas almaq üçün alışıb yanır və insanlara əzab vermək üçün Şeytana bağlanır. Deməli, şərdən şər törəyir. Eyni zamanda o bəd əməllərini digər insanlar üzərində də sınayır və bununla da magiya ilə məşğul olduğunu "zənn" edir.Qara magiya müxtəlif simvollardan, formullardan müxtəlif əşyalardan istifadə etməklə başqasına ziyan vurmaqdır. Ağ magiya isə qara magiyanın təsirlərini zərərsizləşdirmək, açmaq üçün işlədilir. Bu gün kifayət qədər insan bununla məşğul olur. Fəsadlarından əziyyət çəkdiyini hesab edənlər də var, ümumən magiyaya inanmayanlar da.Psixoloq Firuzə Zeynalovanın sözlərinə görə, maq fiziki hücum zamanı zərər vermək istədiyi insanı təsəvvürünə gətirib onun fiqurunu yaradır və sonra ona fiziki zərbə yetirmək üçün fiquru zədələyir. Bu zaman paralel olaraq həmin şəxs də fiziki cəhətdən mütləq zədələnir. Psixi hücum zamanı isə əsasən sözlərdən istifadə olunur və bu, bir növ qarğışı xatırladır. Bütün bu sadalananlar isə filmlərdə mümkündür: "Əslində gerçək həyatda ağ və ya qara magiyanın olub-olmamasını dəqiq demək mümkün deyil. Fal kimi magiya da qeyri-müəyyənlikdə qalıb və dəqiq olaraq təsir gücünün olub- olmaması haqqında fikirlər mövcud deyil. İnsan özünü inandırmasa və psixoloji olaraq özünü zəif hiss etməsə ona hansısa qüvvənin təsir etməsi çətin məsələdir". 

Mənbə: Milli.Az

0 0

[lang=az]Şikayət et[/lang] [lang=en]Complain[/lang] [lang=ru]Пожаловаться[/lang] [lang=tr]Şikayetçi ol[/lang]

Deniz84