Bölgələrdə artıq gül bayramına start verilib. ANS TV-nin məlumatına görə, Lənkəranda sərgilənən əl işləri hər kəsin könlünü oxşayıb.
Bu gün şəhərin mərkəzi Heydər Əliyev xatirə parkı gül-çiçəklərin bolluğu, uşaqların çoxluğu ilə əsl cənnəti xatırladır. Şəhərdə keçirilən ənənəvi gül bayramına qatılanlar, sanki rəngbərəng çiçəklərin və onlardan düzəldilən minlərlə əl işlərinin tilsiminə düşüb. Çiçəklərdən hazırlanmış əl işlərində milli atributlarımızın, dövlət rəmzlərimizin təsvirinə geniş yer ayrılması, vətənpərvərlik duyğularının öndə olmasının əks etdirir. Azərbaycan xalqının ümummilli lideri Heydər Əliyevin anadan olmasının 91 illiyinə həsr edilmiş gül bayramında milli mənəvi dəyərlərimiz, xalq yaradıcılığı, etnoqrafiyası da unudulmayıb. Lənkəran rayon sakini Səbirə Fərzullayevanın sözlərinə görə, xoş təəssürütlar ovqatı ilə biz bu bayrama qoşulmuşuq: “Uşaqların müxtəlif əl işlərini gətirmişik. Uşaqlar, valideynlər bu bayrama qoşulur. İstəyirik ki, həmişə belə bayramlar tez-tez olsun”. Əl işlərindəki fərqli duyumlar, milli ornamentlərin bolluğu və müasirlik duyğuları sərgi iştirakçıları tərəfindən maraqla qarşılanıb. Şəhər sakinləri belə sərgilərin, bayramların keçirilməsinin davamlı olmasını arzu edir. Şəhər sakini Aytən Ələkbərova deyir ki, bu gün hamının üzündə sevinc hissi var: ”Hamı sevinir, uşaqlar gül geyimi geyinib. Gül bayramında gözəl əl işləri təqdim olunur”. Bayramda ən çox sevinənlər isə balacalardır. Onların sevincinə şərik olan valideynlərin ovqatı da bu sevincə köklənib. Xatirə parkında uşaq gəzintiləri, bağça uşaqlarının mahnı və rəqsləri gün boyunca davam edəcək. Həmçinin tədbirə qatılanlar uşaqların əl çəkdikləri rəsm əsərlərinə baxmaq imkanı da əldə edib.
XƏBƏR LENTİ
- ŞƏRHLƏR