Kanal S (Region TV) xəbər verir ki, bu gün ümummilli lider Heydər Əliyevin anım günü bölgələrdə qeyd olunub. Bu münasibətlə keçirilən tədbirlərdə idarə, təşkilat və müəssisələrin nümayəndələri, məktəblilər və sakinlər böyük həvəslə iştirak ediblər.
Bu gün Şəkidə Gül bayramı böyük təntənə ilə qeyd olunub. Tədbir iştirakçıları öncə Şəki Şəhər İcra Hakimiyyətinin qarşısında ulu öndərin büstü önünə gül dəstələri qoyub, ehtiramlarını bildiriblər. Sonra tədbir şəhərin mərkəzi meydanında davam etdirilib.
Tələbələrin hazırladığı fləşmob böyük maraqla qarşılanıb. Ardından ulu öndər Heydər Əliyevin həyat və fəaliyyətindən bəhs edən və digər müxtəlif kitabların yer aldığı sərgiyə baxış keçirilib. Tədbirdə çıxış edən Rayon İcra Hakimiyyətinin başçısı tədbir iştirakçılarını təbrik edib. Ulu öndərin Azərbaycan xalqı və dövləti üçün göstərdiyi əvəzedilməz xidmətlərindən danışılıb. Tədbir ədəbi-bədii kompozisiya ilə davam etdirilib.
Ulu öndər Heydər Əliyevin anım günü münasibətilə Qəbələdə keçirilən tədbirdə rayon rəsmiləri, hüquq mühafizə orqanları, idarə, müəssisə nümayəndələri və rayon ictimaiyyəti iştirak edib. Xalqın böyük xilaskarının xatirəsinə ehtiram ifadə olunub, ulu öndərin abidəsi önünə tər çiçək dəstələri düzülüb. Azərbaycanda hüquqi dövlət quruculuğunun inkişaf strategiyasının ulu öndər tərəfindən hazırlandığını və bunun alternativinin olmadığı bildirilir. Daha sonra rayon rəhbərliyi və ictimaiyyət nümayəndələri ulu öndərin adını daşıyan parkda Gül bayramında iştirak ediblər. Müəssisə və təşkilatların, ümumtəhsil məktəbləri və uşaq bağçaları kollektivlərinin, uşaq yaradıcılıq mərkəzi üzvlərinin rəngbərəng güllərdən, bəzək bitkilərindən ümummilli liderə həsr etdikləri bir-birindən maraqlı kompozisiyalar, portretlər, tablolar, əl işləri bayram iştirakçılarının böyük marağına səbəb olub.
İsmayıllıda da ulu öndər Heydər Əliyevin anadan olmasının 92-ci ildönümü ilə bağlı Gül bayramı keçirilib. Bayram iştirakçıları əvvəlcə Heydər Əliyevin abidəsi önünə gül-çiçək düzərək dahi şəxsiyyətə sevgi və ehtiramlarını bildiriblər. Daha sonra rayon rəhbərliyi və ictimaiyyət nümayəndələri parkda gəzintiyə çıxıb. Belə ki, müəssisə və təşkilatların, ümumtəhsil məktəbləri və uşaq bağçaları kollektivlərinin, uşaq yaradıcılıq mərkəzi üzvlərinin rəngbərəng güllərdən, yarpaqlardan, bəzək bitkilərindən hazırladıqları və ümummilli liderə həsr etdikləri bir-birindən maraqlı kompozisiyalar, portretlər, tablolar, əl işləri bayram iştirakçılarının böyük marağına səbəb olub. Tədbir konsert proqrami ilə davam etdirilib.
Mənbə: Milli.Az
XƏBƏR LENTİ
- ŞƏRHLƏR