Azərbaycanda büdcəyə dəyişiklik edilə bilər - AÇIQLAMA
26 712
1
Qeyd edək ki, bir neçə ildir ki, bizdə hər il may ayında dövlət büdcəsinə yenidən baxılaraq müəyyən dəyişikliklər edilir.
Son günlər dünya bazarında neftin qiymətində olan dəyişikliklər Azərbaycanda dövlət büdcəsinə yenidən baxılmasına gətirib çıxara bilər
Milli.Az xəbər verir ki, bu il də büdcədə müəyyən dəyişikliklərin ediləcəyi deyilir.
Milli Məclisin İqtisadi siyasət komitəsinin üzvü, millət vəkili Vahid ƏhmədovModern.az-a bildirib ki, büdcədə dəyişiklik neftin qiymətindən asılıdır. Dünya bazarında neftin qiymətində bahalaşma olduğunu deyən deputatın sözlərinə görə, məhz bu səbəbdən büdcədə dəyişiklik ola bilər:
“Büdcəyə hansısa əlavə vəsait daxil olanda və ya vəsait çatışmayanda dəyişiklik edirik. Dəyişiklik, əsasən, neftin qiyməti ilə bağlı olur. Neftin qiyməti isə 100 dollar təsdiq etdiyimizə görə, elə bir dəyişiklik olmamalıdır. Düzdür, son günlər neftin qiyməti dünya bazarında təxminən 110 dollara yaxınlaşıb. Amma büdcəyə əlavə dəyişiklik olsa, sənədlər Milli Məclisə daxil olcaq. Hələ ki, Milli Məclisə bununla bağlı hər hansı bir sənəd daxil olmayıb. Büdcəyə dəyişiklik ola da bilər, olmaya da. Keçən il büdcədə neftin qiymətini 80 dollar götürmüşdük. Amma neftin qiyməti 110 dollara qalxdı. O zaman ciddi dəyişiklik idi. İndi isə elə bir ciddi dəyişiklik yoxdur. Odur ki, neftin qiymətində müəyyən artım olsa, mümkündür ki, büdcədə dəyişiklik olsun”
Mənbə:Milli.Az
XƏBƏR LENTİ
- ŞƏRHLƏR