Alimlər gümüşün çox maraqlı xüsusiyyətini kəşf etmişlər. Onlar gümüşdən xərçəng hüceyrələrinə qarşı mübarizədə istifadə etməyi tövsiyə edirlər. Tədqiqatlar göstərmişlər ki, bu metal nəinki kimya terapiyası preparatlarını əvəz edir, həm də müalicənin əlavə səmərəsini artırır. Bir sıra xərçəng şişlərinə qarşı tətbiq olunan "Cisplatin" preparatının tərkibi platindən ibarətdir. Preparat platinin atomuna birləşdirilmiş molekul qrupu əsasında alınır. Nəticədə xərçəngin hüceyrələrində dezoksiribinuklein turşusu ilə reaksiyaya daxil olan birləşmə alınır. Birləşmənin reaktivliyinə metalı əhatə edən molekullar səbəb olur. Aparılan tədqiqatlar isə gümüşün də xərçəng hüceyrələrini öldürməyə qadir olduğunu sübut etmişdir. Ona görə də britaniyalı mütəxəssislər xərçəng əleyhinə səmərəli vasitə əldə etmək üçün gümüşdən də istifadə etmişlər. Alimlər müxtəlif tipli karben liqandları gümüş atomları ilə birləşdirmişlər. Sonra altı gün ərzində birləşməni müxtəlif konsentrasiyada döş və bağırsaq xərçəngi hüceyrələrinə yeritmişlər. Gümüş birləşmələri hər iki tip hüceyrələrə eyni dərəcədə səmərəli təsir göstərmişdir. Həmçinin, gümüşün platinlə müqayisədə daha az zəhərli olduğu məlum olmuşdur. İki uclu liqandın (müəyyən strukturun sahəsi ilə qarşılıqlı təsir edən molekul) olduğu birləşmə özünü nisbətən daha yaxşı şəkildə göstərmişdir. Ehtimal ki, iş daha çox strukturun ayrılma prosesini uzadan və fəallığı uzun müddət ərzində dəstəkləyən sabit olmasındadır.
Mənbə: Fakto.info
XƏBƏR LENTİ
- ŞƏRHLƏR