Xeyirxahlıq yaxşı keyfiyyətdir. Bu, yalnız ümumbəşəri deyil, həm də sağlamlıq nöqteyi-nəzərindən də faydalıdır.
Trend xarici mətbuata istinadən məlumat verir ki, ABŞın Buffalo Universitetinin alimi Maykl Poulinin apardığı beş illik tədqiqat alicənab insanların digərlərindən daha çox yaşadıqlarını sübut edib.
Məlum olub ki, stress vəziyyətində olan insanlara kömək etmiş şəxslər üzünömürlü olurlar. Qeyd edək ki, tədqiqat zamanı stress vəziyyətinə ağır xəstəlik, soyğunçuluq, işdən çıxarılma, maliyyə çətinlikləri və ya ailə üzvünün ölümü aid edilib.
Tədqiqatda iştirak edən könüllülər son 12 ay ərzində dostlara, qonşulara və ya qohumlara necə tez-tez kömək etdikləri barədə danışıblar.
Poulinin sözlərinə görə, o, beş illik müşahidələr zamanı xeyirxah insanların stressin öhdəsindən daha asan gəlmələrini müşahidə edib ki, bu da həyəcanın doğurduğu ölüm riskini və xəstələnmə göstəricilərini azaldır.
XƏBƏR LENTİ
