Bolqarıstanda güclü qar və külək həyatı iflic edib. Ölkənin böyük bir hissəsində tüğyan edən çovğun artıq 4 nəfərin ölümünə səbəb olub. Şaxtalı hava ölkənin şərqində onlarla kəndi işıqsız və içməli susuz qoyub. Güclü qar yağması yolların bağlanmasına və nəqliyyatın hərəkətinin iflic olmasına gətirib çıxarıb. Kəskin hava şəraiti ilə əlaqədar Bolqarıstanda yüzlərlə məktəbdə tətil elan edilib. Qara dənizdəki əsas liman olan Varna limanı da bağlanıb. Rusiyanın paytaxtı Moskvada isə rekord şaxta qeydə alınıb. Şəhərdə temperatur mənfi 26 dərəcəyədək, Moskva vilayətində isə mənfi 30 dərəcəyədək düşüb. Moskva Şəhər Nəqliyyat İdarəsi şaxtalı havada sakinlərin dayanacaqlarda gözləmə müddətini azaltmaq məqsədilə xəttə əlavə avtobus, tramvay və trolleybuslar buraxıb. Moskvada şaxtalı havanın bu həftənin sonuna kimi davam edəcəyi proqnozlaşdırılır. Meteoroloqlar Moskva vilayətində temperaturun yanvarın sonları üçün səciyyəvi olan temperaturdan 10 dərəcə aşağı olduğunu bildirirlər.
Mənbə: Milli.Az
XƏBƏR LENTİ
- ŞƏRHLƏR