Bakıda və Abşeron yarımadasında havanın arabir yağıntılı olacağı gözlənilir. Axşama doğru yarımadanın bəzi yerlərində sulu qara keçəcəyi ehtimalı vardır.
Temperatur gecə və gündüz 2-4° isti, Bakıda gecə və gündüz 2-4° isti olacaqdır.Atmosfer təzyiqi 758 millimetr civə sütunundan 765 millimetr civə sütununa yüksələcək, nisbi rütubət 85-95 faiz təşkil edəcəkdir.
Naxçıvan Muxtar Respublikasında arabir qar yağacağı, bəzi yerlərdə duman olacağı gözlənilir.Temperatur gecə 3° şaxtadan 2°-dək isti, dağlıq ərazilərdə 7° şaxta, gündüz 3-6° isti təşkil edəcəkdir.
Yuxarı Qarabağ: Xankəndi, Şuşa, Xocalı,həmçinin Xocavənd, Qubadlı, Zəngilan, Laçın,Kəlbəcər və Daşkəsən-Gədəbəy rayonlarında arabir qar yağacağı gözlənilir.Temperatur gecə 0-4° şaxta, gündüz 0-5° isti təşkil edəcəkdir.
Qazax, Gəncə, Goranboy,Tərtər, Ağdam, Füzuli və Cəbrayıl rayonlarında havanın arabir yağıntılı olacağı gözlənilir.Temperatur gecə 3° şaxtadan 2°-dək isti, gündüz 3-7° isti təşkil edəcəkdir.
Balakən, Zaqatala, Qax, Şəki, Oğuz,Qəbələ, İsmayıllı, Ağsu, Şamaxı, Siyəzən, Şabran, Xızı,Quba, Xaçmaz və Qusar rayonlarında havanın arabir yağıntılı olacağı, sulu qar, qar yağacağı gözlənilir. Ayrı-ayrı yerlərdə duman olacaqdır.Temperatur gecə 0-5° şaxta, gündüz 0-5° isti, dağlarda gecə 5-10°, gündüz 0-5° şaxta təşkil edəcəkdir.
Mərkəzi-Aran: Mingəçevir, Yevlax, Göyçay, Ağdaş, Kürdəmir,İmişli, Ağcabədi, Beyləqan, Sabirabad, Biləsuvar, Saatlı, Şirvan,Hacıqabul, Salyan və Neftçala rayonlarında havanın arabir yağıntılı olacağı, axşam bəzi yerlərdə sulu qara keçəcəyi gözlənilir. Ayrı-ayrı yerlərdə duman olacaqdır.Temperatur gecə 3° şaxtadan 2°-dək isti, gündüz 3-8° isti təşkil edəcəkdir.
Masallı, Yardımlı, Lerik, Lənkəran və Astara rayonlarında havanın arabir yağıntılı olacağı, dağlıq ərazilərdə qar yağacağı gözlənilir.Temperatur gecə 1-3°, gündüz 4-6° isti, dağlarda gecə 0-4° şaxta, gündüz 0-3° isti təşkil edəcəkdir.
Əlverişsiz hava şəraiti haqqında ilkin xəbərdarlıq
Yanvar ayının son günlərində ölkə ərazisində arabir yağıntılı hava şəraitinin davam edəcəyi, 29-da bəzi dağlıq və dağətəyi rayonlarda, 30-31-də isə əksər rayonlarda qar yağacağı gözlənilir.Yanvarın 29-da Bakıda və Abşeron yarımadasında havanın arabir yağıntılı olacağı, 30-31-də qar yağacağı gözlənilir. Havanın temperaturu gecə və gündüz 2-4° isti, 30-da gecə və gündüz 2-4° isti, axşam 3° şaxta, 31-də isə 1-3° şaxta təşkil edəcəkdir.Şimal küləyinin güclənəcəyi, bəzi ərazilərdə yolların buz bağlayacağı gözlənilir.
Mənbə: Milli.Az
XƏBƏR LENTİ
- ŞƏRHLƏR