![](/uploads/posts/2013-11/1383669417_224439.jpg)
Elə xəstəliklər var ki, onlar insanları narahat etməklə yanaşı, olduqca çirkin də görünür. Üstəlik elə qəribə və ağılagəlməz yollarla insanı yoluxdurur ki, bir anlıq insan özünü xəstəliyin məngənəsində çabalayan kimi görür. Belə olan halda, müalicə, müayinə və sağlamlıq üçün təşvişə düşülür. Gündəlik həyatımızda fikir vermədiyimiz bir çox hallar bizi müalicəsi asan olmayan və yorucu bir proses olan xəstəliklərə yoluxdura bilər. Belə xəstəliklərdən biri də göbələklərdir. Göbələk dedikdə insanın ağlına birinci növbədə ayaqlar gəlir. Lakin göbələk tək ayağa məxsus xəstəlik deyil. Bədənin istənilən nahiyəsində yarana və yayıla bilən bu xəstəlikdən bu gün Azərbaycanda əziyyət çəkən kifayət qədər insan var. Ayaqda göbələk infeksiyaları çoxlarını narahat edən problemdir. Bu xəstəlik çox geniş yayılıb və yaranma mənbəyi də natəmizlikdir. Qulluq olmayan, natəmiz saxlanılan ayaqlar birbaşa xəstəlik mənbəyidir. Göbələk xəstəliyi el arasında sağalmaz xəstəlik kimi də məşhurdur. Bir dəfə bu xəstəliyə yoluxan insan zaman-zaman yenidən xəstəliyə yoluxma təhlükəsi ilə üz-üzə qalar deyə bir düşüncə mövcuddur. Lakin dermatoloqlar bu fikirdədir ki, düzgün müalicə ilə göbələkdən qurtulmaq mümkündür. Üstəlik bir daha yoluxmamaq üzrə. Dermatoloq Sahib Rzayevin sözlərinə görə, göbələk xəstəliyinə yoluxmamaq üçün olduqca təmiz, gigiyenik və sağlam həyat tərzi sürmək lazımdır. Göbələk xəstəliyinin insana yoluxması çox asandır. Buna görə də, diqqətli olmaq əsas şərtdir: "Göbələklər müxtəlifdir. Heyvandan, insandan, torpaqdan, əşyalardan keçmə qabiliyyətinə malikdir. Heyvandan insana, eləcə də insandan insana keçən göbələklər iki insanın eyni əşyadan istifadə etməsi zamanı da yoluxa bilər. Xüsusən, harasa qonaq gedəndə verilən ev başmaqlarından, əl-üz dəsmallarından, kafelərdə, yaxud idman zallarında olan dəsmallardan, ümumi oyun yerlərində ayaqqabı dəyişmə tələbi olduğu zaman verilən xüsusi ayaqqabılardan, ümumi hamam və saunalardan, dəyişik düşən corablardan göbələyin keçməsi mümkündür. Buna görə, mümkün qədər diqqətli olmaq, ailə üzvləri olsa belə onlarla eyni geyim, yaxud dəsmallardan istifadə etməmək lazımdır". Həmsöhbətimiz deyir ki, göbələk yerləşməsinə görə bədənin müxtəlif nahiyələrində ola bilər və yerləşməsindən asılı olaraq görünüşü də dəyişər. Uşaqlara nisbətən böyüklərdə rast gəlinən göbələklər ən çox ayaq və qulaqda yerləşir. Uşaqlarda isə əllərdə, barmaq aralarında və baş dərisində olur. "Uzun müddətli müalicə olsa da effekt verir və göbələk tamamilə sağalır". Göbələyin ilkin göstəricisi qaşıntıdır. Qaşıntı olan bölgədə böyük ehtimalla göbələyin yayılması baş verir. Halqa formasında, iç-içə olan suluqlu yaralar, dərinin tökülməsi, ətin büzüşməsi göbələyin varlığının göstəricisidir. İlkin mərhələdə sadəcə qaşınma və qızarma olaraq nəzərə çarpan göbələk vaxtında müalicə olunmadıqda daha da ağırlaşır və bir növ dərini çürütməyə başlayır. Ayaqlara düşən göbələklər dırnağın qalınlaşmasına, formasını itirməsinə, sərtləşməsinə, pul-pul tökülməyinə səbəb olur. Göbələyin ən çox yayıldığı yer isə ayaqlar, dırnaqlar, barmaq araları və ayaq dabanıdır. Dermatoloqun dediyinə görə, göbələyin daha çox ayaqda yaranmasının səbəbi ayağın digər bədən üzvəri ilə eyni şəraitdə olmamasıdır. Ayaqların daim bağlı qalması, ayaqqabıların hava keçirməməsi, ayağın tərləməsi və nəmli qalması göbələk üçün şərait yaradır. Ayaq barmaqları arasında kök salan göbələk şiddətli qaşınma və suluqlar yaradır. Ayağı qaşıdıqda isə vəziyyət daha da gərginləşir: "Ayaqda göbələk varsa, üstəlik təmizliyə riayət edilmir və digər mikroblar da bulaşarsa, vəziyyət daha da pis olur. Göbələyin yaranmaması üçün bədəni daim quru saxlamaq lazımdır. Başqa insanların əşyalarından istifadə etməmək, alanəm corablar geyinməmək, ayaqları mütləq qurulamaq lazımdır. Göbələk nəmli mühitləri sevdiyi üçün mümkün qədər bədəni quru saxlamaq vacibdir". S.Rzayevin bildirdiyinə görə, göbələyinn müalicəsindən əvvəl klinikada onun növü müəyyənləşdirilməlidir. Göbələk olan hissədən qazıma yolu ilə nümunə götürülür və mikroskopda baxılır. Göbələyin növü müəyyən olunduqdan sonra müalicəyə başlanılır: "Göbələyin yeri və növü müəyyən olunduqdan sonra müalicə yazılır. Uzunmüddətli müalicədir, lakin müalicəni yarıda kəsmək effekt vermir. Sağaldıqdan sonra da bir müddət davam etmək lazımdır. Müxtəlif dərmanlar və mazlarla müalicə olunur. Ən az 3 ay davamlı və diqqətli müalicəni aparmaq azımdır. Dərinliyindən asılı olaraq 1 ilə qədər də müddəti uzana bilir. Göbələk xəstəliyi müalicə olunmadıqda bütün bədənə yayıla bilər. Nəticədə bütün bədən çox çirkin bir görünüş almış olacaq. Müalicədən sonra isə kəskin izlər yaranacaq. Odur ki, göbələk yarandığı və narahat etdiyi andan müalicə etmək vacibdir". Elə göbələk xəstəlikləri də var ki, onların törədiciləri, yəni maya göbələkləri bütün insanların dərisində, selikli qişalarda olur, lakin orqanizm zəiflədikdə, əsasən antibiotiklərin nəzarətsiz qəbulu və gigiyenik qaydalara düzgün riayət edilmədikdə baş qaldırır. Bu zaman dəri və selikli qişalarda qızartılar, qabıqlanma və qaşınma müşahidə olunur. Əgər bu əlamətlər kimisə narahat edirsə, mütləq həkimə müraciət etmək, başqaları ilə yaxından təmasda olmaqdan çəkinmək lazımdır.
Mənbə: Milli.Az
![](/sfiles/img/icons/news-icon.png)
XƏBƏR LENTİ
Pilotsuz təyyarələr meşələr salacaq
Magistraturaya qəbul planı açıqlandı
Meşədə qarşınıza ayı çıxsa, nə etməli?
Məşhur aktrisanı restorandan qovdular-SƏBƏB
Üç aylıq körpənin baxımı
DİQQƏT: Bu gecədən qadağalar ləğv ediləcək
Koronavirusdan ən çox ölüm halının qeydə alındığı beş ölkə - SİYAHI
Sabahdan hava dəyişir
Ayrılığın yaxınlaşdığını göstərən 4 hal
Bakıda tramvay və trolleybuslar bərpa olunacaq?
Çağla Şikel şərhi sərt cavabladı-FOTO
Ayın yaşı bilindi
Elza Seyidcahan Yazıçılar Birliyinə üzv olmasından danışdı
Azərbaycanlı həkimlər unikal əməliyyat həyata keçiriblər
Təbiət yenə sınağa çəkərsə...
Türkiyədəki mitinqdə Azərbaycan bayrağı dalğalandı - FOTO
Kimlər aptekə, mağazaya və ya banka istənilən vaxt getməkdə sərbəstdir? - RƏSMİ
Bu rayonlarda sərt karantin rejimi ləğv edildi
Maddələr mübadiləsini sürətləndirməyin 12 yolu
Qırışlar haqqında bilmədiyiniz məlumatlar
Şeytanla odunçunun döyüşü
Instagram-da 1 saatlıq videolar
Albaniya Parlamentinin spikeri: Dağlıq Qarabağ Azərbaycanın ayrılmaz hissəsidir
Selin Dion geyimi ilə HEYRƏTLƏNDİRDİ-FOTO
Beyonse-un həyatı tədris olunacaq
BÜRCLƏR bizə nə vəd edir?-15 yanvar
Qadın.netlilərin ləqəbləri
Bu qidalar baş ağrısına səbəb olur
Yaşlı cütlüyün illərə meydan oxuyan sevgisi dillərə düşdü - VİDEO
Cizgi film deyib yan keçməyin! (II hissə)
Aida M-ova ilə müsahibə
Şimal qütbündə nələr baş verir? - FOTO
Kürəyə taxılan çantalar
7 qatlı bar (foto resept)
Yaponiyalı gimnast Bakıdakı Dünya Kubokunda qızıl medal qazanıb
Kökəlmək istəyənlərin menyusu
Doğulacaq övladının FOTOsunu paylaşdı
Gün var, əsrə bərabər: Ötənləri yada salaq
Gəncədə genişzolaqlı internetin inkişafı layihəsi çərçivəsində işlər sürətlə davam edir
Ömrü 25 il uzatmaq üçün ən sadə üsul
Koronavirusa görə "WhatsApp"da yenilik edildi
İmmunitet sisteminin zəif olduğunu göstərən işarələr
Şəkərbura (foto resept)
Uşaqlarda gecikmiş danışma
Kəs və yapışdır-6
"Böyüyəndə kim olacaqsan?"
Közlənmiş badımcan qızartması (foto resept)
Türkiyə və Azərbaycan gələcəyə birlikdə baxır
HAVA necə olacaq?-21 Sentyabr
Türkiyə millisi yoldaşlıq oyununda Monteneqroya qalib gəlib
![](/sfiles/img/icons/valuable-icon.png)
- ŞƏRHLƏR