Fransa mətbuatı Azərbaycanın bayrağının “Lens” klubunun stadionunda dalğalanması haqda yazı dərc edib. Lensois.com saytı qeyd edib ki, azərbaycanlı iş adamı Hafiz Məmmədovun “Lens” klubunun səhmlərini almasından sonra 41 min 233 tamaşaçı tutumu olan Feliks Bolların adını daşıyan stadionda yenilik baş verib.
Belə ki, arenanın ən yüksək hissəsində Fransa bayrağı ilə yanaşı ilk dəfə olaraq Azərbaycan bayrağı da dalğalandırılmağa başlayıb.
Sayt yazıb ki, H.Məmmədov işinin çoxluğu səbəbindən dünən baş tutan “Lens” – “Auxerre” matçına (4:1) yetişə bilməsə də, tribunada oyunu izləyən Azərbaycan nümayəndə heyətinin bu jesti yüksək qiymətləndirilib. Xatırladaq ki, həmin qarşılaşmaya stadionda baxanlar arasında futbol veteranlarımızİsgəndər Cavadov, İqor Ponomaryov və “Bakı” klubunun sabiq vitse-prezidenti Tunc Avşar da olub.
Mənbə: Milli.Az
XƏBƏR LENTİ
- ŞƏRHLƏR