Rusiya Prezidenti Vladimir Putin Obninsk şəhərinin 12 yaşlı sakini Yekaterina Papanovaya qızılı retriver cinsindən olan küçük bağışlayıb.
Qadin.Net teleqraf-a istinadən xəbər verir ki, bu barədə Kaluqa vilayətinin hökuməti məlumat yayıb.
Regional hakimiyyət orqanı qıza hədiyyəni təntənəli şəkildə təqdim edib. Bildirilir ki, bu hədiyyə onun terapiyası üçün vacibdir.
Qeyd olunur ki, Papanovlar ailəsinin dörd övladı var. Böyük qızı Katya internat məktəbində fərdi təhsil alır. Atası onun adından ölkə prezidentinə müraciət edərək qızılı retriver və ya labrador istəyib.
“Onun 12 yaşlı qızının heyvanla ünsiyyəti mütəxəssislərin tövsiyə etdiyi terapiyada Katyaya kömək edəcək”, – deyə yerli hakimiyyət nümayəndələri məlumat veriblər.
İyul ayında Krasnoyarskdan olan autizmli beşinci sinif şagirdi Arseniyə də dövlət başçısının adından qızılı retriver bağışlanmışdı.
Qeyd edək ki, qızılı retriver və ya qolden-retriver XIX əsrdə İngiltərədə yetişdirilən it cinsidir. Hazırda bu cinsdən olan itlərin qiyməti Rusiyada 25-60 min rubl (685-1644 manat) aralığında dəyişir.
XƏBƏR LENTİ
