Rus alimlərindən inqilabi addım: Təbii antibiotik kəşf olundu
Tümen Dövlət Universitetinin (TümDU) alimləri patogenlərin dərman preparatlarına qarşı müqavimətini aşağı salan universal təbii antibiotik tapıblar.
Qadin.Net teleqraf-a istinadən xəbər verir ki, tədqiqatın mətni “Applied Biochemistry and Microbiology” jurnalında dərc edilib.
Müəlliflər tapılan maddənin insanlarda və heyvanlarda bakteriya və göbələklərlə əlaqədar olan yoluxucu xəstəliklərin əksəriyyəti ilə effektiv mübarizəyə kömək edəcəyini iddia edirlər.
Məqalədə farmakologiyanın vəzifələrindən birinin mikroorqanizmlərə qarşı mübarizə apara bilən təbii antibiotiklərin tapılması olduğu qeyd olunur.
Tümen Dövlət Universitetinin tədqiqatçıları dünyada ilk dəfə peptid Emerisillipsin A-nın unikal qabiliyyətini nümayiş etdiriblər. Ekspertlərin sözlərinə görə, maddə bakteriyaların yenilərini meydana gətirmə qabiliyyətinə maneə törədir və bu, patogenlərin antibiotiklərə qarşı müqavimətini itirir.
Məqalə müəlliflərinin izah etdiyi kimi, tədqiq olunan maddənin əsas terapevtik xüsusiyyəti effektin universal olmasıdır.
Mütəxəssislərin sözlərinə görə, Emerisillipsin A həm müstəqil müalicə vasitəsi, həm də kompleks preparatlar elementi kimi perspektivlidir. Müalicə ya inyeksiya, ya da yerli olaraq – təsirlənmiş toxumaya birbaşa müdaxilə yolu ilə həyata keçirilə bilər.
Gələcəkdə alimlər qrupu hüceyrə modelləri ilə işləməklə dərmanın laborator müayinəsinə keçmək niyyətindədir.
XƏBƏR LENTİ
