Rusiyalı professor Georgi Bazıkin COVID-19-un ikinci dalğasının daha az təhlükəli olacağını söyləyib.
Qadin.Net Rusiya mətbuatına istinadən xəbər verir ki, ekspert zamanla koronavirusun ştammlarının daha az təhlükəli hal alacağını və ikinci dalğanın birincisi qədər ölümcül olmayacağını qeyd edib.
"Burada iki məsələ var. Ümumi mülahizələrə əsaslanaraq virusun təkamülü ilə verilən proqnozlar bir tərəfdən nəzəri gözləntilərdir. Digər tərəfdən, praktikada gördüklərimiz. Nəzəriyyə baxımından virusun getdikcə daha çox ötürülməsini gözləyirik, yəni onun yoluxucu təsiri artacaq. Çünki virus nə qədər çox yoluxucu olsa, o qədər də intensiv şəkildə yayılır", - mütəxəssis cavab verib.
"Xəstəliyin ağırlığına gəldikdə, virus onsuz da xəstəyə əhəmiyyət vermir - onun üçün əsas şey başqasına keçməkdir. Odur ki, nəzəriyyə bizim üçün təsəlliverici və sevindirici bir şey söyləmir. Ancaq praktikada hələlik virusun ötürülmə qabiliyyətinə əhəmiyyətli dərəcədə təsir edən və ya ciddi nəticələrə səbəb olacaq genotiplərdə dəyişiklik izlərini görmürük", - professor izah edib.
XƏBƏR LENTİ
