Yeni bir körpənin dünyaya gəlməsi nəinki ailə üzvlərini, eyni zamanda yaxın və uzaq qohumları, qonşuları, dost və tanışları da sevindirir. Bəziləri 10 gün, bəziləri 40 gün gözlədikdən sonra, bəziləri də xəstəxanadan çıxan günü körpəni görməyə gedirlər. Tez də yaxınlıqdakı mağazaya qaçıb bir dəst yeni doğulanlar üçün paltar alırlar. Hamısı da standard, yəni qızlara çəhrayı rəngdə, oğlanlara isə mavi rəngdə olur. Bəzən də elə olur ki, eyni bir paltardan bir neçə adam gətirir. Bu da təbii ki, o qədər də sevindrici olmur.
Bir az fantaziyamızı işə salsaq bu anları xoş bir xatirəyə çevirmək olar. İlk öncə hədiyyə seçiminə diqqət etməliyik. Elə bir hədiyyə seçmək lazımdır ki, həm ana, həm də körpə üçün gərəkli ola bilsin. Sonra isə hədiyyənin gözəl bir şəkildə hazırlanması lazımdır. Bunun üçün aşağıdakı şəkillərdən də istifadə edə bilərsiniz...
P.S. Bu günlərdə bizim də ailəyə yeni bir körpə gəldi. Eltimin oğlu oldu. Xəstəxanadan çıxan günü mən də getdim Salih bəbəyi qarşılamağa. Özüm də ona tez-tələsik bu hədiyyəni hazırladım...
XƏBƏR LENTİ
- ŞƏRHLƏR