14.01.2016-12:30

• Praktik məsləhətlər

5 785

9

Sığmadığınız və ya dar gələn məkanlardan daha səmərəli istifadə etmək üçün nə etməlisiniz? Əslində bu o qədər də çətin deyil. Bu yaımızda əsasən kiçik sahəli mətbəxlərdən və hamamlardan bəhs edəcəyik.

1.Mətbəximizdən daha səmərəli istifadə etmək üçün ilk növbədə şkaflarınızı tavana qədər qaldırın. Beləliklə, mətbəxdəki əşyalarınızı yerləşdirmək üçün daha çox yer qazanmış olarsınız.

2.Mətbəxinizdəki gözdən uzaq yerləri rəflərlə və ya siyirməli şkaflarla “ dəyərləndirə” bilərsiniz. Beləliklə, həm mətbəxdəki qarmaqarışıqlığın qarşısını alar, həm də isti və səmimi atmosfer yaratmış olarsınız.

3.Kiçik mətbəxi geniş göstərmək üçün ən yaxşı üsul istər şkaflarda, istər divarlarda, istərsə də döşəmələrdə ağ rəngə üstünlük verməkdir.

4.Paslanmayan polad və ya xrom işığı yaxşı əks etdirdiyi üçün kiçik mətbəxlərdə bu materiallardan istifadə etmək məsləhətdir. Yeri gəlmişkən

deyək ki, şkaf qapıları üçün istifadə etdiyiniz şüşə səthlər və güzgülər eyni təsirə malikdir. 

5.Tavana qədər … şkaf
Şkafın içərisində quraşdırdığınız metal rəflər də ( qazan və ya boşqablar üçün) sizə yer itkisinin qarşısını almaqda kömək edə bilər.

6.Şkaflarınızı mətbəxdə ən optimal şəkildə yerləşdirməyə çalışın. Hər əşya üçün ( boşqablar, qazanlar, stəkanlar və s) ayrı-ayrı bölmələr ayırın.

Beləliklə, istifadə etmədiyiniz əşyalardan da xilas ola bilərsiniz.

7.Müxtəlif qeydlər, yazılar və s. mətbəxdə qarmaqarışıq bir mənzərəyə səbəb olur. Bunun qarşısını almaq üçün mətbəx qapısının arxasına bir lövhə asın və bu qarmaqarışıqlıqdan xilas olun.

8.Mətbəxinizin işıqdan mümkün qədər çox istifadə etməsi üçün pəncərələrinizə işıq keçirən pərdələr və ya açıq rəngli jaluzlar asın.

9.Açıq rəng geniş göstərir.
Hamamınızı olduğundan daha geniş göstərmək üçün açıq rəngdən istifadə edin. Divarlarınızda və şkaflarınızda ağ tonlara üstünlük verin.

10.Hamama hərəkət və canlılıq bəxş etmək istəyirsinizsə, kafellər üçün istifadə edilən haşiyədən istifadə edin.

11.Hamamın bir hissəsini ya da bir divarı başqa bir rənglə ön plana çıxara bilərsiniz. Bu həm məkana dərinlik qazandırır, həm də məkanın olduğundan daha geniş görünməsinə imkan verir. Məsələn, hamamınızın divarlarında sadə kafellərə üstünlük vermisinizsə, duş hissəsini mozaika kafellərlə tamamlayın.

12.Yuvarlaq əlüzyuyanlar kiçik məkanda həm yer itkisinin qarşısını alır, həm də istifadə etmək üçün rahatdır.

13Hamamınızın daha geniş görünməsini istəyirsinizsə, aşağı voltajlı halogen lampaları sınaqdan keçirin.

14. Şüşə, xrom və ya parlaq keramika kimi səthlər işığı yaxşı əks etdirdiyi üçün hamamınızın daha geniş görünməsinə imkan verəcəkdir. Duş kabinetiniz mümkün qədər sadə olmalıdır. Bunun üçün yerə yaxın və kənarları hündür olmayan duş vannasına üstünlük verə bilərsiniz.

Asma əlüzyuyan və unitazlar da hamamı olduğundan daha geniş göstərir.

15. Hamamda qalın cizgili mebel və şkaflar əvəzinə nazik cizgili mebel və şkaflara üstünlük verin.

0 0

[lang=az]Şikayət et[/lang] [lang=en]Complain[/lang] [lang=ru]Пожаловаться[/lang] [lang=tr]Şikayetçi ol[/lang]

Fatma