Qadın.Netin əziz istifadəçiləri, bu xəbəri hazırlamaq fikiri atamla yol gedərkən ağlıma gəldi. Atam avtomobili sürətli sürürdü. Düşündüm ki, prezident olsaydım, kişilərə avtomobil sürməyi qadağan edərdim. Beləcə, kişiləri əsəbiləşdirmiş olardım. Bu niyyətlə sizlərin də fikirlərini öyrənmək istədim, bəziləriniz işi ciddiyə alıb ciddi qərarlar yazmışdınız (onları yazmıram, ümid edirəm ki, inciməyəcəksiniz. Bu bölümü oxuyub yenidən iştirak etmək istəsəniz, sevinərəm), bəziləriniz isə mövzuya uyğun yazmışdınız. Bu da istifadəçilərimizin fikirləri. Oxuyub gülümsəmənizə səbəb olacağına ümid edirəm.
Dəniz84
Mən prezident olsaydım, ölkədə dadlı yeməklərin bişirilməsinə qadağa qoyardım. Hər kəsi pəhriz saxlamağa məcbur edərdim. Ta ki, mən pəhrizimi bitirənə qədər. Daha sonra ölkəmdə dünyaya gələn hər qız uşağına mənim adımı verilməsini əmr edərdim. Beləliklə, hər adın qabağında məcburən nömrəsindən istifadə edərdilər.
Narın
Xəbərin adı diqqətimi çox çəkdi və üzümdə təbəssüm yaratdı. Bu heç vaxt real olmasa da, xəyalını qurmaq belə əyləncəli oldu. "Əgər prezident olsaydım" sözünü oxuyanda ilk ağlıma gələn şey o oldu ki, əmr edərdim hər kəs evində pişik saxlasın, kimliyindən asılı olmayaraq. ( Bəlkə o zaman anam da mənə icazə verərdi pişik saxlamağı)
Agat
Demək belə, xəbər çox gözəl, əyləncəli bir xəbərdir. Mən prezident olsaydım, təbii ki, sadə bir prezident olardım. Təmtərağı sevmirəm. Əvvəlcə məktəblərə aid qanun qoyardım. Belə ki, dərsə gedən hər uşaq dərsə getdiyi üçün dərsdən çıxarkən pulsuz dondurma və ya şokolad əldə etmiş olardı. Təbii ki, hər şeyin öz dəyərində. Bundan sonra böyüklərlə kiçiklərin yerini dəyişərdim. Qoy, böyüklər uşaqlıq eləsin, uşaqlar isə getsin işləsin. Uşaqlar bizə yemək bişirsinlər, ev yığışdırsınlar, qeydimizə qalsınlar. Biz isə yeyək, içək, kef edək. Digər bir əmrim isə o olardı ki, Qadın.Netdən başqa bütün saytlar bağlansın.
Şəri Babayeva
Mən prezident olsaydım, ilk növbədə ölkədə hind filmlərinə baxmağı və hind rəqslərini öyrənməyi qanuni edərdim. Bununla da səni cəzalandırmış olardım. Hind rəqslərini öyrənməyə məcbur edərdim, heç gözün götürmür də ona görə cəzalandırardım səni. Fürsət düşüb əlimə niyə istifadə eləməyim. Sonra səni filmə çəkdirərdim, orada da oxuyardın, oynayardın, bu da ikinci cəzan. Yaxşısı budur, mən prezident olmayım, yoxsa sənin işin çətin olacaq.
Gülşən29
Mən prezident olsam, əvvəlcə "Uraa" deyib qışqıraram. Daha sonra göstəriş verərəm ki, bütün iş yerlərində iş saatları səhər 8-9-10-da deyil, saat 1-də başlasın. Şənbə və bazar iş günləri, qalan beş gün istirahət günü kimi qeyd edilsin. Bütün mağaza və əczaxanalarda pamperslər pulsuz verilsin. Bütün ölkədə pəhriz saxlamağı qadağan edərdim. Hər kəs dadlı yeməklər yesinlər və hamı toppuş olsun.
AYSUN MEMMEDOVA
Mən prezident olsaydım, bu uşaq arabası və pampersi keşf edənlərə Nobel, Oskar, Kaan, Xalq artisti, Əməkdar artist, bir sözlə, nə mükafat varsa, ancaq onlara verərdim. Biz anaları düşünüblər, mən də onları qiymətləndirirəm bütün analar adından. Mən prezident olsaydım, uşaq kanallarına son qoydurardım, çünki televizora həsrət qalmışıq. Qadın.Net userlərinə çox gözəl hədiyyə verərdim. Ta sözü atdım da ortaya, seçim sizə qalıb.
Aytac
Əgər mən prezident olsaydım, həmişə istirahət, əyləncə mərkəzləri və mağazalardakı malların pulsuz olmasına göstəriş verərdim. Həm də özümə köməkçi götürərdim. Mən istirahət edəndə o işləsin deyə.
Selvi
Maraqlı mövzudur. Öncə onu deyim ki, insanı düşündürən bir sualdır. Bu cür mövzuları sevirəm. Mənim də fikrimi nəzərə aldığınıza görə sizə təşəkkür edirəm. Çox düşündüm, sonda bu fikrimin üstündə dayandım. Mən əgər prezident olsaydım, evdə qalmış qızları ərə verərdim. Toylarında da iştrak edərdim. Təsəvvür edin bu səhnəni...
Hacət-i Vuslat
Yumor bölməsinə aid xəbərdə iştirak etmək təklifi gələndə, düzü, əvvəlcə imtina edəcəyimi düşündüm, "Siz prezident olsaydınız, nə edərdiniz?" - belə bir mövzunun yumoristik tərəfini görmək mənim üçün çətindir. Amma sonra o gülməli məqamı gördüm. Bu suala cavabımdır - " Mən prezident olmaq istəməzdim." - məncə, bu gülməli gələ bilər çoxuna. Çünki "kim istəməz ki, ölkənin ən yüksək vəzifəsində olsun" deyə bir düşüncə var. Bundan imtina edən şəxsə hər halda gülərlər. Amma vəzifə yüksəldikcə məsuliyyət də çoxalır. 2-3 uşaqdan ibarət ailənin məsuliyyətini daşımaqda bəzən çətinlik çəkirik. İndi, görün, milyonlarla vətəndaşın məsuliyyətini daşımaq necə çətindir. Məsuliyyətdən, çətinlikdən qaçmıram, yox. Amma, həqiqətən, çox çətindir, insanların haqqını qorumaq, kimin haqlı olduğunu bilmək, qul haqqına girməmək çox vaxt həddən artıq ağır olur. Allah (c.c) buyurur ki: " İbadət bəndəmlə Mənim aramdadır, bağışlaya bilərəm. Amma qul haqqı bəndələrin arasındadır, bağışlanma yoxdur." Ölkənin ən kasıb insanı və ya prezidenti olmaq seçimi verilsəydi - "birinci" olardım, 100%!
Ro - Xe -Sa
Öncə onu qərar verərdim ki, kişilər avtomobil sürməsin, bu qadağandır. Nəinki avtomobil, nəqliyyat sözü keçən hər vasitə qadağandır: at, uzunqulaq istisnadı. 8 Martda kişilərin telefon istifadə etməsinə qadağa qoyardım, istifadə edənləri də ən ağır cəza ilə cəzalandırardım. 8 Martda yoldaşına hədiyyə ilə yanaşı gül almalarını da qərara alardım, almayanları isə bir gül buketinin qiyməti qədər cərimələndirərdim. Müəllimlər günü şagirdlərin müəllimlərə dərs verməyini əmr edərdim.
Xəyalə Murad
Kim istəməz ki, prezident olsun. Əgər mən prezident olsam, göstərişimin sayı-hesabı bitməyəcək. Yalnız oxatan bürcündən olan xanımları öz əhatəmə toplayacağam. Daha sonra göstəriş verəcəyəm ki, qış fəslində bütün maşınlar dayanacaqlara qoyulsun. Şəhərdə bir ədəd nəqliyyat vasitəsi olsun, o da mənə məxsus olan. İnsanlar tamamilə ağ rəngdə xəz geyinsinlər. Yaz fəslində hər kəs yaşıl rəngdə geyinməlidir. Yayda sarı, payızda isə şabalıdı rəngdə geyimlərdə olmalıdırlar. Bir tək mən istədiyim rəngdə geyinə bilərəm. Ölkə əhalisi üçün cəmi 4 rəng yetərli və hətta artıqdır. Bütün geyimlərin dizaynı yalnız mənə aid olacaq. Heç qarışmayacağım sahə isə təhsil olacaq. Təhsildə valideynlər söz sahibi olacaq, qayda-qanunları yeni qərarları özləri verəcəklər. Digər ölkə prezidentləri ilə nəinki görüşlər və sazişlər imzalayacam, hətta yarışma belə keçirəcəyəm. Dünya üzrə prezidentlər olimpiyadası keçirilməsinin əmrini verəcəyəm. İki ildən bir olimpiyada təkrar olmalıdır. Olimpiyada da yarışlar idmanın ən çətin növləri olan 7 daş, 5 daş və ipdən atlama üzrə olacaq. Təbii ki, bu yarışda da mən qalib gəlməliyəm. Xalqı düşünən yox, düşündürən prezident olacağam. Bütün dünya prezidentlərinə örnək olsun deyə ildə bir dəfə deyil, ilboyu istirahət edəcəyəm. Ölkənin tək modelyeri, tək yazarı, tək söz sahibi özüm olacağam. Platformam isə: “Mən yalnız Mənim üçün” olacaq.
XƏBƏR LENTİ
AMD-dən yenilik var
Saçınızın tez ağarmaması üçün…
Günün ulduz falı
İspaniya kralının qızı karantinə götürüldü
Miqrantlar Rusiyadan qaçır
Saturnda əsrarəngiz hadisələr baş verir
Ermənistan yanlış yolda
Saçımıza qarşı etdiyimiz səhvlər
Boğazında qalan kolbasanı çıxarmaq istədi, diş fırçasını uddu - FOTO
Karbon pilinqi
Azərbaycanın orta məktəblərində yenilik
Filmlərdəki rollara bənzəyən insanlar
Avakado ilə saç və dəriyə qulluq
Qadın barğamını kəsib boynundan asdı
Mətbəx pərdələri
Xəyanət etdiyini göstərən davranışlar
Toy üçün özəl gün: 17.07.2017 - bu gün bütün saraylarda toy var
Prezident İlham Əliyev və Birinci vitse-prezident Mehriban Əliyeva Ağdam məscidində - VİDEO
Leyla Əliyevanın təşəbbüsü ilə Bakıda yeni ağaclar əkildi
Türkiyə Azərbaycan yığmasından revanş aldı
2018-ci ildə İnstaqram-a qoşulan ulduzlar-SİYAHI
Azərbaycanda icbari tibbi sığorta nələri əhatə edəcək?
Dekolte bölgələrinə qulluq
Silvestr Stallonni qızı ilə alış-verişdə - FOTO
Bu gün imtahan olacaq
Qarışqanın iybilmə xüsusiyyəti
Qadınlar haqqında çəkilmiş son uğurlu filmlər
Suqovuşanı işğaldan azad edən komandandan ilk AÇIQLAMA - VİDEO
Qadın boksçumuz Polşada erməni rəqibini məğlub etdi
Günün ulduz falı
Günün qoroskopu: fikrinizi dəyişməyiniz istisna deyil
Dünya xalqlarının çay mədəniyyəti
Dünya ulduzlarının təəccübləndirən FOTOLARI
Şahzadə Harrinin oğlunun dayəsi işdən çıxdı_SƏBƏB
Bitkilərlə dəbi canlandırdı
Yaponiyada uşaqların sayında rekord azalma
Rusiyada məktəblər yeni dərs ilinə kimi bağlı qala bilər
Novruzun mənşəyi və tarixi
Yay üçün hündürdaban ayaqqabılar
Uzun illər qıtlıq gözlənilir
Pelin və Anıl cinayətə şahid oldular-FOTO
May ayında neçə qeyri-iş günü olacaq?
Möhtəşəm rekord: dünyanı qaçaraq dolaşdı
Möhtəşəm səhər yeməyi (foto resept)
Dünya "pis dünya sindromu" yaşayır...
Bir kişinin aşiq olduğunu necə başa düşmək olar?
Pendir souslu yaz salatı(foto resept)
DİN-in zabitlərinə general rütbəsi verilib
Eurovision 2011 - Kubok Bakıya gəlir!
Prezident Cıdır düzündə çay içib - VİDEO
- ŞƏRHLƏR